Lukas 5:22 - NTSHOB NSI

²² Là Yésu lèn nkwatenu mube, mbùnte ntshob bo ndù: Bin kwate nu ntùm ntù tsin numke?

Lukas 5:22 Iomraidhean Croise

1 Kronika 28:9

Wù nshum àm Salomon, lèn Nsi tàan nke mfa' yi ntùm nenùne, ntùm ntù ntshù', nummbe Tshùaben num ntswe' ntun num ntù benntùn fa, nke ntswe' ntun mba num ntàmtenu ywèle. A be z'o diag i là, mb'a nsi la'te wul i wù; là, a be z'o wag i là, mb'a nsi ghua' o matmat.

Yobkwi 139:2

O lèn ngelaṅ me tswe nsi là, mba ngelaṅ me tsin tù là. O be ndèn nkwatenu màm tà ngùanesà,

Tànkùt 15:26

Nkwate nukebwô be mbag Tshùaben, là ntshob ntùn be mbwô num miag mi.

Esaya 66:18

Me lèn mfa' mube, ndèn nkwatenu mube. Tshù ngelaṅ nekùmte njoṅ ngôngô fa li a se' là, mba njoṅ ntshob fafa. Bo nsi se'e, yen nkuni màm.

Ezékia 38:10

Tshù ju ze Tshùaben Nsi tshob li: Ba nkwate nsi ko' ntù o num sen lé'njù là. O nsi tàmte nukebwô ntù o.

Matio 12:15

Là Yésu be lèn yen nu là, ntum yen dù' là.

Matio 12:25

Yésu be lèn nkwatenu mube, ntshob bo ndù: Njoṅ nufen fa z'a num ngabte wul i là, ke nèn à nebi.

Matio 9:4

Yésu lèn nkwatenu mube, ntshob ndù: Numke bin ngù men nkwate nukebwô là ntùm ntù tsin à?

Marko 8:17

Yésu be lèn ndùlala, ntshob bo ndù: Numke bin nke nkwate netèt bin mba bin ke' ghù bàn n'à? Bin ke' yoṅ nju'u, bin ke' ke yoṅ ngù zenu ké? Ntù tsin nente ké?

Lukas 24:38

A tshob bo ndù: Numke bin mvètt'à? Numke magte nko' ntùm ntù tsin à?

Lukas 5:21

Ghalèn ṅwa'ni Nsi mba ba Férésia to' nekwate nke ntshob ndù: Yen mèn ni b'a we kà nke ntshabte Nsi ndù à? We z'a ku'ni nelagte nukebwô, k'a ke nda' Nsi tù' i à?

Lukas 5:23

Netshob ndù: Nukebwô tsho mi, ke netshob ndù: Lo nsi nzine, a mit ntshob netèt men ni mi a fùag à?

Mfa' Ghantum 5:3

Là Pétro tshob yi ndù: Anania, numke Satan dun ntù o, o tatte Ywèt Nelàne, ndem mo' nkàb nà o à?

Héber 4:12

Nummbe ntshob Nsi b'a ntùn, mba neta, nke ntshùag ntshùa njoṅ ṅwi njam bàa fa, nke ntsho tà nkum ntùm ntù mba ywèle, ntùm nga mba nzit vôge, nke ntsho'te ntenu mba nkwatenu ntù.

Apokalipse 2:23

Me nsi zwite bon tse ntùm vù; njoṅ ntse'te benkristô fa nsi lèn ndù a b'a me bèn nke njen tun ba zwe' mba tun ba ntù, me nsi fà mba we lo netèt bin be ndaṅndaṅ num mfa' mine.