Lukas 5:21 - NTSHOB NSI

²¹ Ghalèn ṅwa'ni Nsi mba ba Férésia to' nekwate nke ntshob ndù: Yen mèn ni b'a we kà nke ntshabte Nsi ndù à? We z'a ku'ni nelagte nukebwô, k'a ke nda' Nsi tù' i à?

Lukas 5:21 Iomraidhean Croise

Yobkwi 103:3

Yi z'a be ndagte njoṅ nukebwô tsho fa, yi z'a be njate njoṅ ngokèt tsho fa là.

Yobkwi 130:4

Là nelagte num mbaṅ o, ndùlala ndù bo bwôg o;

Yobkwi 32:5

Me lo ghù o lèn nukebwô àm, me lo ke lem mfànnu màm. Me lo tshob ndù: Me nsi bam mfànnu màm Tshùaben! O lo bwete ngùtni nukebwô àm.

Yobkwi 35:5

A bwô ndù bo be mba kôngàn se fetmbaṅ bèn nke nkel i nèn yi là. A bwô ndù Angél Tshùaben ta' yube!

Esaya 1:18

Tshùaben tshob ndù: Bin se' bag bin tsho'te l'à? A be ze nukebwô tsin sèn mba kekimbwôg là, mb'a nsi fôg mba mbem nà, a be z'a ba mba bù là, mb'a nsi fôg mba ndeb là.

Esaya 43:25

A b'a me, a kua' me bèn nke mbwete nukebwô tsho, num nkôni lén sàm. Me ke nsi bèn kwimte nukebwô tsho.

Esaya 44:22

Bèn njam ntèl àm nummbe me tshu' o. Me nsi bwete nukebwô tsho ts'a be mba ṅam nà.

Daniel 9:19

Tshùaben ju'u! Tshùaben lagte bag, Tshùaben kù' ntoṅ, ghù ndende, ke ghubte. Nsi àm, ghù ndùlala num nkôni tu wul o, nummbe bo be ntsiaṅ lén so mum ngô o mba netèt yu nzwit mèn.

Daniel 9:9

Tshùaben Nsi yag, kondèn bo lagte tù' lôt'a nda' wù, nummbe bag lèn ndù bag ta tu wù.

Lévitiko 24:16

Mèn z'a tshabte lén Tshùaben nà mba bo a' zwi ng'é. Mbumte fa nsi tamt'é ndoṅ. A be z'a b'a ngùn ke ménla' lo là, mba bo a' zwi i, a be z'a tshabte lén Nsi là.

Mika 7:19

A bwô ndù o bèn nko ndèn mage, ma' mfànnu mag nsi te ku o bwe. Ma' nukebwô tshag fa ntùm dibantse.

Matio 26:65

Là ngale'te Nsi ze ndùb fag kummbaṅ se, ntshob ndù: A tshabte Nsi. Be bèn ndiag ghakwénta numke?

Matio 9:3

Tshù, tsemo' ben netèt ghalèn ṅwa'ni Nsi tshob bo bo ndù: Yen mèn ni tshwèt ntshabte Nsi.

Lukas 3:8

Bin yam kua' ntàm nekaṅ ntù mi a ku'ni là; kà bin ke ntshob ntùm ntù tsin ndù: Abraham b'a tà yag; nummbe me tshob bin ndù Nsi ku' nekaṅ men ndoṅ ni, ngù bon Abraham yi.

Lukas 5:17

A lo be mo' lé'njù ze Yésu ke ntswite là, ba Férésia mba ghalèn ntshù' Nsi bo na' mfe ntùm ntaṅla' Galiléa, Yudéa mba ntùm Yérusalém nà lo tswe nsi. Neta Tshùaben nke njate ghangokèt.

Lukas 5:22

Là Yésu lèn nkwatenu mube, mbùnte ntshob bo ndù: Bin kwate nu ntùm ntù tsin numke?

Lukas 7:49

Ben tse bo à bo be téblé là to' netshob ntùm ntù tshob ndù: Yen mèn ni b'a we kà nke ndagte nukebwô à?

Yohané 10:33

Ba Yuda bùnte yi ndù: Bag ke' tamt'o ndoṅ à num fa' mebwô, là num tshabte: Nummbe o b'a mènntùn, nke ndo' tu wul o ngù Nsi yi.

Roma 8:33

We z'a nsi bote ben Nsi ts'a tsho' yub l'à? Nsi bèn ngù mèn netsine.