Lukas 5:14 - NTSHOB NSI

¹⁴ Yésu tshob yi ndù k'a soṅ sàm mèn mba ntshù, là nèn nda'te wul o ngale'te Nsi, mbèn mfà ju nelànte wut mba Mosé na' ntshob là, ndù a be yub ju nekwé nta.

Lukas 5:14 Iomraidhean Croise

Lévitiko 13:2

A be ze ta' ju ko' num ngub mèn, mbile, ngù dù' i fôg mba kôglage, mfute nkin nà, mb'a bwô nenèn ng'é mbwe Aron ngale'te, ke mo' nshum i netèt tse bo be ghale'te lo.

Lévitiko 13:49

a be ze to' s'a tum be nzwe'nzwe' ke meba lo num nzwe ke ngub, ke num nzwe mfùag, num nzwe ke mo' ju ze bo lo' ngub nabte yi lo là, mba sen to' là b'a nkine, mbwô ndù bo la'te ngale'te.

Matio 10:18

Bo nsi nèn bin mbwe ba ngomna mba fenfen num àm ndù bin kwé nta mbwe bo mba mbwe ghakelèn Nsi.

Matio 12:16

Benntùn yàm tam njam i, a yate yub fa, a tshobte yub kua' neta ndù kà bo ghù bo lèn i,

Matio 8:4

Yésu tshob yi ndù: Bam nà, kà soṅ mèn, là nèn nda'te wul o ngale'te Nsi, mfà ju neghamte Nsi ze Mosé na' ntshob là, a be yub ju nekwé nta.

Matio 9:30

Miag mub gha'. Yésu tshobte yub ntshob ndù: Bin bam nà neghù mèn lène.

Marko 1:44

ntshob yi ndù: Bam nà, kà soṅ sàm mèn, là nèn nda'te wul o ngale'te Nsi mbèn mfà ju nelànte wut ze Mosé na' ntshob là, ndù a be ju nekwé nta bo.

Marko 6:11

A be ze mo' dù' ke' lo' zine, benntùn ke bèn nju' ntshob min nà, bin tum ntùm yen dù' là, mbé'te mbab mi a ṅab tun nku min nà, ndù a be ju nekwé nta bo.

Lukas 17:14

Yésu be yen yub ntshob bo ndù: Bin nèn nda'te wut tsin ghale'te Nsi. Ngelaṅ ze bo ke nèn nà, bo kaṅ ndàne.

Lukas 5:13

Yésu nyit bu i, nkwag i, ntshob ndù: Me kô, làne! Be ndùse, nkin mi num i.

Lukas 9:5

Ben tse bo gha nelo' zin nà, bin tum ntùm ngô yube, mbé'te mbab num nku mine; a nsi be ju nekwé nta num bo.