Lukas 4:7 - NTSHOB NSI

⁷ A be z'o vù nsi mbwe àm, ngamt'àm nà, mba njoṅ tshen tshu là fa nsi tù' tsho.

Lukas 4:7 Iomraidhean Croise

Yobkwi 72:11

Njoṅ fenfen fa nsi vù nsi mbwe i. Njoṅ ngôngô fa nsi fa' yi.

Esaya 45:14

Tshùaben tshob ndù: Mi mfu' Egipto, tse bin Etiopia boa tse Sabéa, tse bo be ben nesag là, nsi tsho ntùm mbu mu, tù' tsho. Tshen ngô là nsi zin njam o, boa ntshan num bo. Bo nsi vù nsi mbwe o, le't'o tshob ndù: Nsi b'a nda' nsen ni la' o, mo' nsi ke' bèn mbe.

Esaya 46:6

Tshù benntùn nà bo tshwèt nsô gol bàm bo, nke mfi' silba num kilô là; bo be ndo' ta' ngana ntùne, ndù a se' nabte ta' nsi bo, ze bo nsi vù mbwe i, ghamt'é là;

Matio 2:11

ntsho ndà, njen mén bo Maria màab nkwim ntunkekwi' mub nsi mbwe mén, ngamt'é, nga' mbàm mube, mfà nda' yi: Gol, labinda mba mire.

Lukas 17:16

ngwù nsi num nku Yésu kabkab, nke ndabt'é; yen mèn nà na' mb'a ze Samaria.

Lukas 4:6

Satan tshob yi ndù: Me nsi fà yen njoṅ ngù' fa li wù boa nkuni tshen nufen nà, nummbe bo lo fà me, me ghù neta nefà mèn ze me kô là.

Lukas 4:8

Yésu bùnte ntshob yi ndù: Bo lo kite ndù: O nsi ke vù nsi ghamte Tshùaben Nsi o, ke fa' be nda' yi tù' i.

Lukas 8:28

A be yen Yésu, nkua' neta, mbèn ngwù num nku mi, ntshob nze neta ndù: Ke z'o ghù ntùm yàm nu Yésu Mén Nsi mfe tù? Me le't'o kà ghùtni àm.

Apokalipse 22:8

Me Yohané, me na' mbèn nju' mbèn njen tshen tshu li. Ngelaṅ me na' nju'u, mbèn njen nà, me vù nsi num nku Angél z'a ke nda'te tshen tshu li me là, neghamt'é.

Apokalipse 4:10

ywèn benntùn ntshob kuà ṅam mbàa vù mbwe mèn z'a tswe num ko'fen nà, ma' ntshe' mub nsi mbwe ko'fen ntshob ndù:

Apokalipse 5:8

Ngelaṅ z'a kwé ṅwa'ni là, tshu ntùn mba ywèn benntùn ntshob kuà ṅam mbàa vù mbwe mén njùmbwe, ndù mba zit lo tshùb loṅe, mba ntu' gol ts'a dun labinda là, tshen ni b'a le'te Nsi ben nelàne;