Lukas 4:6 - NTSHOB NSI

⁶ Satan tshob yi ndù: Me nsi fà yen njoṅ ngù' fa li wù boa nkuni tshen nufen nà, nummbe bo lo fà me, me ghù neta nefà mèn ze me kô là.

Lukas 4:6 Iomraidhean Croise

Esta 5:11

Haman soṅ yub ghamte tshunkàb tse, njoṅ nshumnshum ts'a ghù là, nsoṅ yub mba mfen so diaṅ tun i, mbù't'é tù ntùm ghamte bo mba diaṅ se mfen so tun i ghù a tshùa fenfen boa tshe' mfen fa là.

Esaya 23:9

A Tshùaben tàndà ntsho bèn ntàmte yen nu là, num nelo' nkôg ko'tewut mba ke lo z'a tshwèt nziag là yi, num nelo' nkag nyu' yi num ben ndùbndùb mum njù nsitsha'a.

Esaya 5:14

A ndùlala ngô fe ben gha' ntshu i nte nge, ntsho' ntshu i nte nge neshu, ndùlala nkuni Sion junkàb i nke nswe' ntsho bwe bo bwoṅ benntùn tse bo tshwèt ntshu'te, nke ntsiaṅte là.

Lukas 4:7

A be z'o vù nsi mbwe àm, ngamt'àm nà, mba njoṅ tshen tshu là fa nsi tù' tsho.

Yohané 12:31

Ndonni bo tshwèt ntsho'te ntsha yen njù li; ndonni bo tshwèt ma' mfen yen njù li njù.

Yohané 14:30

Me ke nsi bèn tshobte bag à bin yàme; nummbe mfen yen njù li tshwèt nse'e, a ke' ghù sàm ju num àm.

Yohané 8:44

Bin ghù tà zin z'a b'a Satan nà, a tse nekô tà zin nà tse bin tshwèt nkô neghù a bumte là. Yen mèn nà b'a ngazwimèn fe neto'te, a lo ke to' tsin ntùm nenùne. Nummbe nenùn ke' be num i. A num mbe ngelaṅ z'a tshob tatte là, a tshob à be kua' ju z'a be yi là, nummbe a b'a ngatatte, mba tà tatte.

2 Korintô 11:14

A ke' b'a nu netshàme, nummbe mba Satan num ndo' wul i mba Angél nka' là.

Efésô 2:2

tse bin ke nzin ntùm bwe ngelaṅ mbwe, ntam njam nzin yen njù li, njam mfen z'a ghù ngù' num mfùag, Ywèt ts'a tshwèt mfa' ndonni num bon tatu là,

1 Pétro 1:24

Nummbe njoṅ mbàb wut fa b'a mba nenà là, njoṅ ghamt'é fa be mba nsàm nenà là; nenà be njume, nsàm mi vù,

1 Yohané 5:19

Bag à bin lèn ndù be fe à Nsi, ndèn ndù njoṅ njù fa nô ntùm nukebwô.

Apokalipse 12:9

bo ma' Ngamnyu ndùb nsi, yi njwèn nyu, ze bo ke ntsiaṅ i Diable, Satan, ngatatte njoṅ njù fa là, bo ma' i num nsitsha'a, ma' i bwe boa Angél tse.

Apokalipse 13:2

Nyàm ze me yen nà fute nzwimàntô, nku mi be mba mi tshàmnje' là, ntshu i be mba ze ngwayit là. Ngamnyu fà neta yi, ko'fen se mba ngù' i yi.

Apokalipse 13:7

Bo bam yi ndù a ma' ben nelàn ntsho, ntshùa yube, bo fà ngù' yi num njoṅ tunndà fa, njoṅ nzwit fa, njoṅ ntshob fa, mba num njoṅ ngô fa.