Lukas 4:41 - NTSHOB NSI

⁴¹ Ba ywètkebwô nke ntum num tse yàme, nkua' ntshob ndù: O b'a Mén Nsi. A tshobte yube, ke bam ndù ywètkebwô tshob nu, nummbe bo lèn ndù a b'a Kristô.

Lukas 4:41 Iomraidhean Croise

Matio 26:63

Là Yésu mi ntswe. Ngale'te Nsi ze ndùb tshob yi ndù: Num lén Nsi z'a be ntùn nà, me le't'o, tshob bag a be z'o b'a Kristô Mén Nsi là.

Matio 4:3

Ngalaṅte se' ntèl i, ntshob yi ndù: A be z'o b'a Mén Nsi là, o tshob ndù men ndoṅ ni kaṅ ntù' bàn.

Matio 8:16

Njù be sène bo lo' ben tse bo ghù ywètkebwô là yàme, nse' yi mbwe Yésu. A lo' ta' ntshob ntshù', nta' ba ywètkebwô yi, a yate ben tse bo na' ntswe kebwô là.

Matio 8:29

Tshù, bo kua' ntshob ndù: Ke z'o ghù ntùm yag nu, Mén Nsi? O se' à neghùtni yag ke ngelaṅ yoṅ nku' ké?

Matio 8:4

Yésu tshob yi ndù: Bam nà, kà soṅ mèn, là nèn nda'te wul o ngale'te Nsi, mfà ju neghamte Nsi ze Mosé na' ntshob là, a be yub ju nekwé nta.

Marko 1:25

Yésu tshobt'é, ntshob ndù: Mi ntswe, tum num i.

Marko 1:32

Njù be sène, ngelaṅ lagnyam na' mbi là, bo lo' njoṅ benntùn fa tse bo na' ntswe kebwô mba ben tse ywètkebwô ke ntô yub là, nse' yi mbwe i.

Marko 1:34

A yate benntùn yàm tse bo na' ntswe kebwô ndù ngokèt nzenze tshùb yub là, nta' ywètkebwô yàme, là ke bam ywètkebwô tshob nu, nummbe bo lèn i.

Marko 3:11

Ba ywètkebwô be yen i, ngwù nsi mbwe i, nkua' neta, ntshob ndù: O b'a Mén Nsi.

Lukas 4:39

Yésu ben wul i num i, ntshobte saṅtewut là, a tum num i. A be lo nsi be ngelaṅ mbile, nto' nefa' bo.

Yohané 20:31

là bo na' nkite tshen tshu li à ndù bin bam ndù Yésu b'a Kristô, Mén Nsi, mba ndù bin be bam i, ngù yôg num lén se.

Yakobo 2:19

Tu wul o, o num mbam ndù ta' Nsi num bwe ntshù'. A bwô! Mba ba ywètkebwô num mbame, nke mvètte.