Lukas 4:25 - NTSHOB NSI

²⁵ Me tshob bin ndù a ne mb'a kua' nenùn ndù fôg bènnzwi lo yàm ntùm ngô Israél ntùm tse lé'njù Elia, ngelaṅ kamànyam fùn ngu' tat ṅwù ntôge, nziku' ndùb be ntùm njoṅ ngô fa là.

Lukas 4:25 Iomraidhean Croise

1 Fenfen 17:1

Elia ze Tishbi, mo' ze Galad tshob Akab ndù: A tshùa num lén Tshùaben Nsi Israél ze me be ngafa' i là, me tshob ndù mbaṅ ke meme' lo ke nsi be num tshen ngu'njù li, ke be ndù me bèn ntshobe.

Esaya 55:8

Nummbe nkwatenu màm ke b'a mine, tsin manze ke be tshàm. Tshùaben bèn ntshobe.

Matio 20:15

Me ke' ku'ni neghù ju ze me kô là tshu ts'a b'a tshàm nà ké? O lôt'àm lag kebwô à mba me be mèn kebwô là ké?

Lukas 10:21

Be num yen ngelaṅ nà, Ywèt Nelàn ghù Yésu dun tsiaṅte, ntshob ndù: Me nyàmt'o me Tà, Tshùaben kamànyam mba nsitsha', wù z'o lem tshen nu li num miag ghazenu boa ben neta, nda't'a be nda' bônke' là. A b'a ndùlala me Tà, nummbe o yen ntùm yu nekô ndù à bwô ndùlala.

Roma 9:15

Nummbe a tshob Mosé ndù: Me nsi nko ndèn mba we lo ze me ko ndèn mi là; me nsi nyin mba we lo ze me nyin i là;

Roma 9:20

Là, wù mènntùn, o b'a we nebùnte nu bin Nsi à? Fa' ku' netshob mèn z'a fa' i là ndù: Numk'o mfa' àm ndù à, ké?

Efésô 1:11

Bag à bin lo tù' jùndà num i, ndù Nsi lo à tsho' be, ndaṅndaṅ mb'a be ntùm nkwatenu mi là, yi z'a be ngù njoṅ i fa ntùm ko' ze nekô,

Efésô 1:9

ngù be lèn tsham ze nekô, ndaṅndaṅ mb'a bwô i, a nabte njab tà fe mbwe ntùm ntù i là.

Yakobo 5:17

Elia na' mb'a mènntùn ndaṅndaṅ mba be là; ntùm le'te Nsi, a lo le'te Nsi ndù kà mbaṅ lo, mbaṅ ke lo num nsitsha' num ngu'njù tat ṅwù ntôge,

Apokalipse 11:6

Bo ghù ngù' nefùn kamànyam ndù kà mbaṅ lo ntùm lé'njù tse bo tshwèt ntshob ntshob Nsi là; bo ghù ngù' num ntse, nku'ni nekaṅ ntse a tù' lem, nku'ni nekag nge' nzenze num nsitsha'a, mba zit ngelaṅ no ze bo kô là.