Lukas 4:23 - NTSHOB NSI

²³ A tshob bo ndù: Me lèn ndù bin nsi tshob yen tànkùt li me ndù: Ngaghù fu, yate tu wul o yu tu. Njoṅ nu fa bag ju' ndù o ghù Kapernaum nà, bèn ngù be ndaṅndaṅ nsen ni ntùm yu ngô.

Lukas 4:23 Iomraidhean Croise

Matio 13:54

nèn nkum ntùm ko' ngô i, ntswite yub ntùm sinagogue tshobe, kà bo tshàm, nke ntshob ndù: Yen zenu li mba tshen nsà li fe à yà yen mèn ni à?

Matio 4:13

A lo Nazarèt nèn Kapernaum z'a be kaṅ dibantse ntùm bag ngô Zabulon mba Néftali là, nke ntswe bwe,

Matio 4:23

Yésu nke nzin ntùm ngô Galiléa fa, nke ntswite ntùm ba sinagogue tshobe, nke ntshob nkùn mebwô nufen Nsi, nke njate njoṅ ngokèt fa, mba njoṅ lo' nzenze fa netèt benntùn.

Marko 6:1

A lo tum ntùm yen dù' là, nèn ntùm ngô i, ghazi'te nu i tam njam i.

Lukas 2:39

Bo lo be miagte neghù njoṅ tshu fa mb'a be ntùm ntshù' Tshùaben nà, mbèn njam Galiléa, mà Nazarèt ngô yube;

Lukas 2:51

A swe' bo à bo nkum Nazarèt, nke nju'ni yube, màab lé' njoṅ tshen nu là fa ntù i.

Lukas 4:16

A nèn Nazarèt dù' z'a ku' bwe là, ntsho sinagogue lé'njù Sabbat, mb'a be ze matnu là, a lo nsi num nesiaṅe.

Lukas 4:31

A swe' nèn Kapernaum, mo' ngô ntùm Galiléa, ntswite ntùm bwe lé'njù Sabbat.

Lukas 4:35

Yésu tshobt'é ntshob ndù: Mi ntswe, tum num i. Ywètkebwô ma' i nsi netèt benntùn, ntum num i, ke ghù sàm nukebwô yi.

Lukas 6:42

A be o bèn ntshob mfèl o à ndùke ndù: Mfèl àm, bam ndù me sô nyi'nga ntùm lag su, wù z'o ke' yen kam ntshwèn z'a be lag o l'à? Mèn mfùm, bwôgmbwe nsô kam ntshwèn lag o, kà njen nze, njôg nsô nyi'nga lag mfèl o.

Yohané 4:28

Ndùlala mènnzwi là faṅ tentse i, nèn ntùm ngô, ntshob benntùn ndù:

2 Korintô 5:16

Ndùlala, fe ndonni, bag ke' bèn nelèn sàm mèn num ze mat mbàb wut. A be ze bag na' ndèn Kristô à mba num ze mat mbàb wut là, mba bag ke' bèn ndèn i à ndùlala.