Lukas 4:18 - NTSHOB NSI

¹⁸ Ywèt Tshùaben num num àm, nummbe a lo yo' àm ndù me tshob nkùn mebwô bwoṅbwoṅ. A lo tum àm ndù me ghù ntù benntùn ts'a be'te là yate, ndù me tshob ba kuan ndù bo tswe yub tu, ndù ba mfùmiag yene, ndù benntùn tse bo tshwèt ngùtni yub là nèn tsiaṅte.

Lukas 4:18 Iomraidhean Croise

Neto'te 3:15

Me nsi yab nkembàn netèl o bin mènnzwi, netèt nzwil o bo ze nzwit. Nzwil i nsi ke nya' tu o, tu wul o, o ke nya' i, tshôg tun ku i.

2 Kronika 34:27

Mba yen nu là kwag ntù o, o fà wul o nsi mbwe Tshùaben, nju' ju me tshob num yen dù' li boa ba la' tse, naṅ ntsha tu bo, nso ndon nelo' nyi'te yub yi là, me Tshùaben ju'. Nummb'o fagte nzwe tsho, nkua' num miag màm.

Yobkwi 102:20

A ben wul i nsi mfe mum dù' ze nelàne; Tshùaben tsin mfe kamànyam ndôte num nsitsha'a.

Yobkwi 147:3

Tshùaben be njate ben tse ntù yub be'te là, nkut mfaṅ yub.

Yobkwi 2:2

Fenfen ntùm njù kame, kamkam ghù ntse'te netèt bo num nebàn Tshùaben mba Mén i z'a yo' i mfèt là.

Yobkwi 2:6

A me bèn njo' yàm mfen, num mbat Sion, mbal àm ze nelàne!

Yobkwi 34:18

Ben netsin be nkua'a, Tshùaben ju', ntshu' yub num njoṅ nge' tshob fa.

Yobkwi 45:7

O Nsi, ko'fen so tswe matmat. Kôg fen so b'a kôg fen nunetsine.

Yobkwi 51:17

Tshùaben, gha' nkub ntshu màm, ntshu àm nsi tsho ghamt'o.

Esaya 32:3

Miag ghayennze ke nsi bèn kabte, ben bo tshwèt nju' là nsi kù' ntoṅ.

Esaya 35:5

Yen ngelaṅ nà miag ba mfùmiag nsi gha'a, ntoṅ ba mbu'ntoṅ tsho'o;

Esaya 42:7

ndù o gha' miag ba mfùmiag, ngù ba kuan tum ndàtsha, ngù ben bo num ntswe ntùm njam nà tum ntô.

Esaya 45:13

A b'a me bèn ntènte Kirus ntùm yàm nunetsine, me nsi zwiagte manze tse; a nsi bèn kut tusô sàm, tshu' ben tshàm ndà kuan. A ke nsi jun yub a nejune, ke nefà nda' lo. Tshùaben tàndà ntsho bèn ntshob ndùlala.

Esaya 49:9

O nsi tshob ba kuan ndù bo tume! Tshob ben bo be ntùm njam nà ndù bo se'e! Be nsi ke fèt num manze, bo nsi tèt nenà num njoṅ nkônga fa.

Esaya 50:4

Tshùaben lo fà ntshob ta' ngazi'te nu i me, ndùlala ndù me lèn neke ntomte mèn z'a bot là. A be mbam àm mba zit nkebnjù lo, a be tôte màm ndù me ke nju' ndaṅndaṅ mba ghazi'te be nju' nu yi là.

Esaya 57:15

Nummbe Mèn z'a tà mfe tù là tshob nu. Yi ze dù'ntswe i be matmat, lén se be se nelàn nà tshob ndù: Me ke ntswe à ntùm Nelàn àm, ntùm dù'ntswe z'a tà mfe tù là. Là, me num ntomte ngayennge' z'a be ntùm ntobni là. Me num nse' mfùag ywèt tshàm num ben nebétni, mbù'te fènntù ben nebole.

Esaya 59:21

Tshùaben tshob ndù: Tshù kàn sàm se bag à bo wat li: Ywèt tshàm tse me so num o, boa ntshob màm mi me yab ntshu o là, ke nsi lo num nkub ntshu mu, mi bon tsho, ke mi bon bon tsho lo, ndùlala num njoṅ ndù fa. Tshùaben bèn ntshobe.

Esaya 61:1

Ywèt Tshùaben Nsi num num àm, nummbe Tshùaben lo yo' àm num nelo' nkùn mebwô nèn ntswi ghayennge'; a tum àm ndù me nèn njate ben tse ntù yub be' là, ndù me tshob ndù kuan tswe yub tu, ndù me tshob ndù bo kag ghandàtsha,

Esaya 66:2

Mbu màm bèn nabte njoṅ tshen tshu là fa. Njoṅ i fa be ntùn à mba me bèn nkô là. Tshùaben bèn ntshobe. Tshù mèn ze me nsi te lag num i li: A b'a num mèn z'a tshwèt njen nge', ndù ntù i bot, a nke mvètte mbwe ntshob màm nà.

Ezékia 9:4

Tshùaben tshob yi ndù: Tshùa netèt ngô, netèt Yérusalém, mvèn keki num nkonse benntùn tse bo tshwèt mféme, nke ntswe num bagkèt nu ts'a tshwèt ntum mum ngô là.

Daniel 9:24

Bo yab ngabnjù ṅam sammbàa num yu nzwit mèn mba ngô o ze nelàne, num neghù ndù mfànnu tsine, nukebwô mi, num nebiagte mfànnu, ndo' nunetsin z'a tswe matmat là nse' yi. Bo yab tshen ngabnjù l'a num neghù ndù njem ze ghatshob ntshob Nsi yen ntshob là bumte mba ndù bo yo' Mèn nelàn dù' z'a làn neshu là.

Sofoni 3:12

Me nsi faṅ nzwit mbétni, metsit nzwit netèl o, a nsi fon ndàlem mum lén Tshùaben.

Sakaria 11:11

Me lo be' kôg sen lé'njù là, ghatantàn mbwe tse bo ke ndôt'àm nà lèn ndù men ntshob là b'a mi Tshùaben.

Matio 11:5

Ba mfùmiag tshwèt njene, ba kekat nke nzine, wut ghankin nke ndàne; ba mbu'ntoṅ nke nju'u, fe ben nke ndo num vù; bo tshwèt nke ntshob nkùn mebwô bwoṅbwoṅ.

Matio 12:18

Tshù ngafa' àm ze me tsho' i li, mèn ze me num nkô i, ze ntù àm yab nkwatenu mi num i là; m'a' yab Ywèt tshàm num i, a nsi tshob nunetsin ghakelèn Nsi.

Matio 12:20

A ke nsi be' nka'nesoṅ z'a ben nà, ke bèn mbiag nesèn mbwôg z'a tshwèt nziag là, tà nkum ngelaṅ z'a nsi ghù nunetsin ma' ntshùa là.

Matio 4:16

benntùn tse bo ke ntswe ntùm ngô mba ntùm netshaṅ vù là, yen mà làne ndùb.

Matio 5:3

Ghafen b'a ben bo bwoṅ ywèt là, nummbe nufen kamànyam b'a yube.

Lukas 4:17

Bo fà ṅwa'ni ngatshob ntshob Nsi Esaya yi. A be ké'te ṅwa'ni nkum dù' ze bo na' nkite bwe ndù:

Lukas 6:20

A bù' miag mi nte num ghazi'te nu i, ntshob ndù: Ghafen b'a bin bwoṅbwoṅ, nummbe nufen Nsi b'a zine;

Lukas 7:22

A bùnte ntshob ghantum ndù: Bin nèn nsoṅ Yohané ju ze bin yen mbèn nju' là: Ba mfùmiag tshwèt njene, ba kekat nke nzine, wut ghankin làn, ba mbu'ntoṅ nke nju'u, fe ben nke ndo num vù, bo tshwèt nke ntshob nkùn mebwô bwoṅbwoṅ.

Yohané 1:41

A bwôgmbwe mfon mfèl i Simon, ntshob yi ndù: Bag fon Mésia, (yen nà bagt'a ndù Kristô).

Yohané 12:46

Me se' ntùm njù à mba nka' là, ndù mba we lo z'a bam àm nà k'a ghô ntùm njame.

Yohané 3:34

Nummbe mèn ze Nsi tum i là ke ntshob à ntshob Nsi. Nummbe Nsi ke' be fi' Ywèt kà mfà.

Mfa' Ghantum 10:38

A b'a nu Yésu ze Nazarèt: Nsi lo yo' i Ywèt Nelàne, mba neta; a nke nèn ntùm dù' nzenze, nke ngù numebwô, mbèn nke njate njoṅ benntùn fa tse Satan ke ngùtni yub là, nummbe Nsi lo be bo yi.

Mfa' Ghantum 26:18

negha' miag mub ndù bo kaṅ ntù tshob ntum ntùm njam nse' ntùm nelàne, ntum ntùm neta Satan, ntam njam Nsi, mbam àm, nkwé nelagte nukebwô tshob mbèn nkwé ntsi' netèt ben tse Nsi lànte yub là.

Mfa' Ghantum 4:26

Fenfen ntùm njù kame, kamkam ghù ntse'te netèt bo num nebàn Tshùaben mba Kristô i.

Mfa' Ghantum 4:27

Nummbe Hèrodé mba Pontio Pilato boa ngôngô mba benntùn ntùm Israél lo ghù kua' ntse'te ntùm yen ngô li num nebàn ngafa' o ze nelàne, Yésu z'o yo' i mfèt là,

Kolosé 1:13

A lo kwé be bu ngù' njame, nket be nte ntùm nufen Mén nkôni i,

Yakobo 2:5

Fèt tshàm tse nkôni, bin ju'u! Nsi lo ke tsho' ben tse bo be bwoṅbwoṅ num miag njù là, ndù bo be ghankàb ntùm bamntù, njù ndà nufen Nsi z'a ka' ben tse bo num nkô i là ké?

1 Pétro 2:9

Là bin b'a nzwit ze Nsi tsho' là, ntshufa' le'te Nsi mfen, ngô nelàne, nzwit ben tse Nsi tse'te là, ndù bin tshob mfa' mebwô mèn z'a tsiaṅ zin ntùm njame, num nka'ni i ze neghamte là.