Lukas 4:15 - NTSHOB NSI

¹⁵ A nke ntswite ntùm sinagogue tshobe, njoṅ benntùn fa nke ngamt'é.

Lukas 4:15 Iomraidhean Croise

Esaya 55:5

Yen mb'o nsi tsiaṅ ngôngô ts'o ke' lèn yub là; ngôngô tse bo ke' lèn o là nsi kù nde se' mbaṅ o, mbe ndùlal'a num Tshùaben Nsi o, num Mèn Nelàn Israél z'a tshwèt nyàmt'o là.

Matio 13:54

nèn nkum ntùm ko' ngô i, ntswite yub ntùm sinagogue tshobe, kà bo tshàm, nke ntshob ndù: Yen zenu li mba tshen nsà li fe à yà yen mèn ni à?

Matio 4:23

Yésu nke nzin ntùm ngô Galiléa fa, nke ntswite ntùm ba sinagogue tshobe, nke ntshob nkùn mebwô nufen Nsi, nke njate njoṅ ngokèt fa, mba njoṅ lo' nzenze fa netèt benntùn.

Matio 9:35

Yésu nke nzin ntùm njoṅ ngô fa mba ntaṅla'; nke ntswite ntùm ba sinagogue tshobe, nke ntshob nkùn mebwô nufen Nsi, nke njate njoṅ ngokèt fa mba njoṅ lo' nzenze fa.

Matio 9:8

Bwoṅ benntùn be yen yen nu là, mbwôge, bo ghamte Nsi z'a fà lèn yen ngù' là benntùn nà.

Marko 1:27

Njoṅ benntùn fa tshàm neshu, nke mbètte bo bo ndù: A ke lèn nu li à? Tshù mo' netswite ze nswe z'a dun ngù' là li! A num ntô mba ba ywètkebwô, bo bèn nju' i.

Marko 1:39

A nèn ntshob ntshob Nsi ntùm sinagogue tshobe, ntùm njoṅ ngô fa, mbèn nke nta' ba ywètkebwô.

Marko 1:45

Là, a nèn nto' nesoṅ mbèn nsa nu Yésu ntùm njoṅ dù' fa, kà Yésu ke bèn nku' netsho ntùm mo' ngô mba ntshù' ndaṅndaṅ, là, a tswe njamnjam dù' banban; mba ndùlala benntùn nke mfe bag bag, nse' ntèl i.

Lukas 13:10

A lo be mum lé'njù Sabbat, Yésu nke ntswite ntùm mo' sinagogue.

Lukas 4:16

A nèn Nazarèt dù' z'a ku' bwe là, ntsho sinagogue lé'njù Sabbat, mb'a be ze matnu là, a lo nsi num nesiaṅe.