Lukas 4:1 - NTSHOB NSI

¹ Yésu dun Ywèt Nelàne, nke mfe Yordan; Ywèt Nelàn tshag i num kônkwa.

Lukas 4:1 Iomraidhean Croise

1 Fenfen 18:12

Ndonni ndùse me nsi lo mbaṅ o là, Ywèt Tshùaben nsi kel o nèn yi dù' me ke' lèn nà. A be me nèn nsoṅ Akab a ke yen o là, mb'a nsi zwi àm. Mbe ndù ngafa' o me, be mbwôg Tshùaben fe ndùse me be ménnshum nà.

1 Fenfen 19:4

Tu wul i nèn nkum kônkwa, ndù a zin ta' lé'njù, ntswe nsi tun netshùm, mbètte vùkob, ntshob ndù: A ku' ndùlala. A bwô ndù Tshùaben lo' zwiag sàm ndonni, nummbe me ke' b'a mèn mebwô ntshùa tà tshàm.

Esaya 61:1

Ywèt Tshùaben Nsi num num àm, nummbe Tshùaben lo yo' àm num nelo' nkùn mebwô nèn ntswi ghayennge'; a tum àm ndù me nèn njate ben tse ntù yub be' là, ndù me tshob ndù kuan tswe yub tu, ndù me tshob ndù bo kag ghandàtsha,

Ezékia 3:14

Ywèt kel àm nèn yi. Me lo ke ndo' yantù bo tshùagntù nèn yi, bu Tshùaben nke mfa' num àm kua' neta.

Matio 3:16

Ngelaṅ Yohané nyu' i ntse là, be ndùse Yésu tum ntse. Tshù, kamànyam gha' nte nge, a yen Ywèt Nsi swe', nse' num i ndù a fute bwoṅsaṅe.

Lukas 2:27

Ywèt lo tènt'é ndù a nèn nkum Ndà Nsi ngelaṅ tà Yésu mba màab lo' i nse' yi neghù ndù ju ze ntshù' ke ntshob là bumte num i là;

Lukas 3:3

Yohané nke nzin ntùm njoṅ ngô fa mbaṅ Yordan, ntshob nu nekwéntse ze nekaṅ ntù ndù Nsi lagte nukebwô benntùn.

Lukas 3:38

mén Enôs, mén Sèt, mén Adam, mén Nsi.

Lukas 4:14

Ntùm neta Ywèt Nelàne, Yésu bèn njam Galiléa. Lén se ju'ni ntùm njoṅ ngô fa.

Lukas 4:18

Ywèt Tshùaben num num àm, nummbe a lo yo' àm ndù me tshob nkùn mebwô bwoṅbwoṅ. A lo tum àm ndù me ghù ntù benntùn ts'a be'te là yate, ndù me tshob ba kuan ndù bo tswe yub tu, ndù ba mfùmiag yene, ndù benntùn tse bo tshwèt ngùtni yub là nèn tsiaṅte.

Yohané 1:32

Yohané kwé nta ntshob ndù: Me lo yen Ywèt Nsi swe' mba bwoṅsaṅ nà mfe kamànyam nse' ntswe num i.

Yohané 3:34

Nummbe mèn ze Nsi tum i là ke ntshob à ntshob Nsi. Nummbe Nsi ke' be fi' Ywèt kà mfà.

Mfa' Ghantum 1:2

tà nèn nkum lé'njù s'a na' nko' mfe kamànyam, mbe ndù a tshùa njam Ywèt Nelàne, mfà ntshù' mi ghazi'te nu i ts'a na' ntsho' là.

Mfa' Ghantum 10:38

A b'a nu Yésu ze Nazarèt: Nsi lo yo' i Ywèt Nelàne, mba neta; a nke nèn ntùm dù' nzenze, nke ngù numebwô, mbèn nke njate njoṅ benntùn fa tse Satan ke ngùtni yub là, nummbe Nsi lo be bo yi.

Mfa' Ghantum 8:39

Ngelaṅ bo tum ntùm ntse là, Ywèt Tshùaben lo' Filibo nèn yi; njabmfenkun ke bèn neyen i; a lo nzin nke ntsiaṅte nèn tse.