Lukas 3:9 - NTSHOB NSI

⁹ Ne mbe be, bo à yab njàm num ngatù. Bo nsi ke' njoṅ ntù fa mi a ke' be yam ntàm mebwô là, ma' ntùm mbwôge.

Lukas 3:9 Iomraidhean Croise

Ezékia 31:18

We z'a ke maṅt'o ntùm nkuni bo nezi netèt ntù mi a be Edèn, kà bo ma' o bin à ntù mi a be Edèn ntùm ngô ts'a bam tsha' ndù à? Tshù wù là netèt ba kesiket ndù o nô bwe bin ben tse bo kwù num ntshùag ṅwi là. Tshù Faraon nà boa ghafa' tse tse bo yàm nà. Tshùaben Nsi bèn ntshob ndùlala.

Daniel 4:14

A kua' nze neta ntshob ndù: Bin keb tù, bin tshu'te nkaṅ mi, bin nyi'te mfu mi, bin sate ntàm mi. A bwô ndù nyàm tum bam bwe nkù, bon nsaṅ tum mum nkaṅ mi nkù.

Daniel 4:23

Mfen yen mo' ngalôte dù', mèn nelàne, swe' mfe kamànyam ntshob ndù: Bin ke' tù, mbagt'é; là bin faṅ tun i dù' ze nga tse be bwe là nsi; bin kul i boa tshan mba ntùn mum nenà, ndù meme' mi a swe' mfe kamànyam nà zwi' i, ze jujù bèn mb'a nenà ndaṅndaṅ mba nyàm tshwèt là, tà nkum ndùse zwiaṅ njù sammbàa nsi tôg num i.

Matio 3:10

Ne mbe be, bo à yab njàm num nga ntù. Ndùlala, njoṅ ntù fa mi a ke' yam ntàm mebwô là, bo num nkeb i ma' ntùm mbwôge.

Matio 7:19

Njoṅ ntù fa mi a ke' yam ntàm mebwô là, bo num nkeb i ma' mbwôge.

Lukas 13:6

A tshob yen tànkùt li ndù: Mo' mèn lo ghù tù mbatsi ntùm nà i, nèn nediag ntàm mi ke fon sàm ju.

Lukas 13:7

A tshob ngafa' ndù: Tshù, a ndonni ngu' tat mba me be nse' ndiag ntàm tù li ke fon nà; keb i, numke a nke ntshètte dù' banban à?

Lukas 13:9

Mo' ndù a nsi be be ndù mànjam a yame; a be z'a ke' yam nà, k'o nkeb i.

Yohané 15:6

A be ze mèn ke' ghô num àm nà, mba bo ma' i njù mba kaṅtù là, a jum; bo tse'te men nà, ma' mbwôge, bo kù.

Héber 10:28

Mèn z'a ma' ntshù' Mosé njam nà num nkwù ngelaṅ ze ben bàa ke tat lo kwé nta là, bo ke ko ndèn mi.

Héber 12:29

Nummbe Nsi be b'a mbwôg nekù.