Lukas 3:8 - NTSHOB NSI

⁸ Bin yam kua' ntàm nekaṅ ntù mi a ku'ni là; kà bin ke ntshob ntùm ntù tsin ndù: Abraham b'a tà yag; nummbe me tshob bin ndù Nsi ku' nekaṅ men ndoṅ ni, ngù bon Abraham yi.

Lukas 3:8 Iomraidhean Croise

Néhémi 5:11

Neto' sènni, a bwô ndù bin ba' nà tshobe, nkùa tshobe, nten mub boa mba' mub bo. Bin ba' mba njo nkàb, ze ngefele, ze nsa bo ze mfèt, tse bin na' ntshùb nkwé bo là bo.

Ezékia 33:24

Mén mèn, ben tse bo be ntswe ntùm fam ngô Israél là be ntshob ndù: Abraham lo b'a tù' i ndùs'a ghù yen ngô li mba ntsi' là. Mbe se' mba bag tse bag yàm nà, bo ghabte ngô bag.

Matio 21:43

A ndùlala me tshob bin ndù bo nsi kwé nufen Nsi bin, mfà ngô z'a yam ntàm mi là. [

Matio 3:8

Bin yam tàm nekaṅ ntù s'a ku'ni là.

Matio 3:9

A ke' bwô bin ke ntshob ntùm ntù tsin ndù: Abraham b'a tà yag, nummbe me tshob bin ndù Nsi ku' nekaṅ men ndoṅ ni, ngù bon Abraham yi.

Lukas 13:25

Ngelaṅ ze tàndà nsi lo nsi fùn nzendà là, bin nsi se' tsin njù, bèn ke ke'te nzendà, tshob ndù: Tshùaben, Tshùaben, tsho' nzendà bag. A nsi bùnte tshob bin ndù: Me ke' lèn dù' bin fe là.

Lukas 13:26

Bin nsi to' neke ntshob ndù: Bag lo jù, mbèn nu mbwe o, o bèn ntswite ntshob Nsi num tshag manze.

Lukas 14:9

Ndùlala ndù kà mèn z'a tsiaṅ o bin yi là, se' ntshob wù ndù: Faṅ yu dù' yi. Tuswe nsi ko o ngelaṅ z'o nsi nèn tswe num miagte dù' là.

Lukas 19:40

A bùnte ntshob ndù: Me tshob bin ndù: A be ze bo mi' là, mba ndoṅ nsi kua'a.

Lukas 19:9

Yésu tshob yi ndù: Sènni yôg tsho ntùm yen ndà li, nummbe mba yen mèn ni be z'a mo' mén Abraham.

Lukas 5:21

Ghalèn ṅwa'ni Nsi mba ba Férésia to' nekwate nke ntshob ndù: Yen mèn ni b'a we kà nke ntshabte Nsi ndù à? We z'a ku'ni nelagte nukebwô, k'a ke nda' Nsi tù' i à?

Yohané 8:33

Bo bùnte yi ndù: Bag b'a nzwit Abraham, bag lo ke to' yoṅ mbe kuan sàm mèn. Be o tshob ndù: Bin nsi tù' zin tu à ndùke?

Yohané 8:39

Bo bùnte ntshob yi ndù: Tà yag b'a Abraham. Yésu tshob bo ndù: A be ze bin b'a bon Abraham nà, bin fa' mfa' Abraham.

Mfa' Ghantum 26:20

là neto'te num tse bo be Damas là nèn nkum Yérusalém, ntùm njoṅ ngô Yuda fa mba netèt ghakelèn Nsi, me lo ke ntshob ndù bo kaṅ ntù tshob ntam njam Nsi, mbèn nke mfa' mfa' mi a ku'ni num nekaṅ ntù là.

Roma 4:16

A ndùlala bamntù bèn ngù kà bo njù ntsi'i, a b'a ju kondèn, ndùlala ndù nka'ni ghô num njoṅ nzwit fa, ke b'a z'a b'a nda' njam ntshù' là, là mba z'a b'a njam bamntù Abraham, z'a be tà njoṅ be fa,

Roma 9:7

be ndaṅndaṅ ben tse bo be nzwit Abraham nà, njoṅ yub fa ke bèn mbe bon tse, là lén nzwil o nsi tum à num Isak,

Filipi 1:11

bin dun ntàm nunetsin mi a be njam Yésu Kristô là num nkuni mba nenyàmte Nsi.