Lukas 3:6 - NTSHOB NSI

⁶ Njoṅ benntùn fa nsi yen yôg s'a fe Nsi là.

Lukas 3:6 Iomraidhean Croise

Esaya 40:5

A nsi tshùa ndùlala nkuni Tshùaben la'te wul i. Njoṅ benntùn fa nsi yen i be num yen ngelaṅ nà. Nummbe ntshu Tshùaben bèn ntshobe.

Esaya 49:6

A bèn ntshob me ndù: Mb'o be ngafa' àm, num nebù'te nzwit Yakob mba nelo' tshé' Israél bèn yi njam nà ke' yoṅ nku'u. Me yab o ndù o be nka' nelàn ngôngô, ndo' yôg sàm nèn yi num ntôg njù.

Esaya 52:10

Tshùaben bù' bu i ze nelàn nsi num miag njoṅ ngôngô fa, mbe ndù njoṅ ntôg tsha' fa nsi yen yôg s'a fe Nsi be là.

Marko 16:15

A tshob bo ndù: Bin nèn ntùm njoṅ njù fa, ntshob nkùn mebwô njoṅ benntùn fa.

Roma 10:12

Nummbe netôte ke' be netèt ze Yuda mba ze Grikia, nummbe Tshùaben njoṅ yub fa b'a ta' i ntshù', a b'a ngabwôntù num njoṅ ben fa tse bo num ntsiaṅ i là.

Roma 10:18

Là, me tshob ndù: Bo ke' ju' ké? Kua' mebwô! Nze yub lo nèn num njoṅ nsitsha' fa, ntshob mub nèn tà nkum num ntôg njù.