Lukas 3:16 - NTSHOB NSI

¹⁶ Yohané bùnte ntshob njoṅ yub fa ndù: Yàm tu, me ke nyu' zin à ntse, là mo' mèn tshwèt nse' ndù a ta ntshùa àm; me ke' ku'ni neké'te nkù nketo' mi; tu wul i nsi nyu' zin à ntùm Ywèt Nelàne, mba mbwôge.

Lukas 3:16 Iomraidhean Croise

Tànkùt 1:23

Bin kaṅ wut zin nju' mba me tshobte là! Tshù, m'a' so ywèt tshàm num bin, ngù bin lèn ntshob màm.

Esaya 32:15

A nsi be ndùlala tà kum ndùse ywèt Nsi a' swe' mfe tù se' num be, kônkwa bèn nkaṅ ntù' nà ntù, bo bèn ndo' nà ntù là mba fèn nà.

Esaya 4:4

Yen nà nsi b'a ndùse Tshùaben nsi sôg ṅu' ngonngon Sion, lànte Yérusalém num lem ts'a be netèl i là. A nsi lo' a fet nunetsin bo fet ze nesate ghù njoṅ i fa yi.

Ezékia 36:25

Me nsi naṅ ntse nelàn num bin, men ntse là nsi lànte zin num njoṅ ṅu' min fa mba njoṅ tshùaya'nu tsin fa.

Sakaria 13:9

Me nsi ma' yen bag i ntshù' num bag tse tat là ntùm mbwôge, lànt'é mba bo be ndànte nkàb là. Me nsi lànt'é mba bo be ndànte gol là. A nsi tsiaṅ lén sàm, me ju' nz'é mbame; me nsi tshob ndù: A b'a yàm nzwit mèm, tu wul i tshob ndù: Tshùaben b'a Nsi àm.

Matio 3:11

Tu wul àm, me ke nyu' zin à ntùm ntse ndù bin kaṅ ntù tsine; là mèn z'a tshwèt nse' njam àm nà ta ntshùa àm, me ke' ku'ni neket nketo' mi. Tu wul i nsi nyu' zin à ntùm Ywèt Nelàn mba mbwôge.

Matio 3:12

A ghù ke'te i bu i, a nsi ke'te njoṅ nsa fa mi bo tsham nà, tse'te nsa ntùn yab ntùm nta, là ton nga' mi ntùm mbwôg z'a ke' be bi là.

Yohané 1:26

Yohané bùnte bo ntshob ndù: Mba me là, me ke nyu' benntùn à ntùm ntse, là netèt bin, mo' mèn tsin bwe, ze bin ke' lèn i là.

Yohané 1:27

A tshwèt nse' njam àm, me ke' ku'ni tshàm neké'te nkù nketo' mi.

Yohané 1:33

Mba tu wul àm, me lo ke lèn i, là mèn z'a tum àm ndù me se' nyu' benntùn ntùm ntse là, yen mèn nà lo tshob me ndù: Mèn z'o nsi yen Ywèt Nsi swe'e, nswe' ntswe num i là, a b'a yi z'a nyu' benntùn Ywèt Nelàn nà.

Yohané 7:38

Mèn z'a bam àm nà mba nta'ntse mi neyôg nsi tum ntùm ntù i mba ṅwa'ni Nsi na' ntshob là.

Mfa' Ghantum 1:5

Nummbe Yohané lo ke nyu' benntùn à ntse, là bo nsi nyu' zin à ntùm Ywèt Nelàne, ntùm tsemo' bon lé'njù.

Mfa' Ghantum 10:44

Ngelaṅ Pétro ke nke' ntshob men ntshob li là, Ywèt Nelàn swe' num njoṅ yub fa tse bo ke nju' ntshob là.

Mfa' Ghantum 2:33

Ngelaṅ ze bu Nsi ze zwim bù' i là, a kwé Ywèt Nelàn ze Tà na' nka' là, naṅ i, mba bin tshwèt njen mbèn nju' là.

1 Korintô 12:13

Nummbe bo lo nyu' be ntùm Ywèt ntshù' ndù be tù' ta' wut ntshù'. Ba Yuda ke ba Grikia lo, ba kuan ke bonla' lo, njoṅ be fa lo nu ntùm ta' Ywèt ntshù'.