Lukas 3:11 - NTSHOB NSI

¹¹ A bùnte ntshob bo ndù: Mènntùn z'a ghù nzwe bàa là, ghabte bo mèn z'a ke' ghù là; mènntùn z'a ghù jujù là bèn ngù be ndaṅndaṅ.

Lukas 3:11 Iomraidhean Croise

Ezékia 18:7

Mèn netsin ke' be fétte sàm mèn, nke mba' ju ze bo tshwèt nkwé yi là ntùm kondèn, ke be yi. A num mfà jujù mèn z'a ke' ghù là, nke mfà nzwe mèn z'a bwoṅ yi là.

Daniel 4:27

A ndùlala a bwô ndù mfen ju' men ntag màm ni mebwô. A bwô ndù o tsin neghù nukebwô, ngù nunetsine, ntsin nefàn nu, ngù kondèn num ghayennge'; ndù so fu' zin nèn mbwe.

Matio 25:40

Mfen nsi bùnte tshob bo ndù: Kua' nenùne, me tshob bin ndù: Njoṅ ngelaṅ fa ze bin na' ngù num mo' mèn netèt tshen bontsit fèt tshàm tse nke'nke' li là, bin na' ngù à num àm.

Lukas 11:41

Bin bwôgmbwe mfà tshu ts'a be ntùm bwe là num ywimte, mba bin nsi tù' kua' ben nelàne.

Lukas 18:22

Yésu be ju' mb'a tshob là, ntshob yi ndù: Ta' ju bèn mbwoṅ wù ntshù'. Swèn njoṅ tshu fa ts'o ghù là, mfà nkàb bwoṅbwoṅ, o nsi se' ghù junkàb tanjoṅ mfe kamànyam; mbèn nse' ntam njam àm.

Lukas 19:8

Sakiô tsin tù, ntshob mbwe Tshùaben ndù: Tà, tshù, me nsi fà mo' bag tshu tshàm bwoṅbwoṅ; a be ze me na' nkubte mèn nkwé ju yi là, mba m'a' ba' yi nze tse kuà.

Yohané 13:29

Nummbe tsemo' lo ke nkwate ndù mba Yuda na' mbèn nke ndé' mfe' là, Yésu ke ntshob yi à ndù: Jun ju z'a bwoṅ ben mum lé'njù jùa là ke ndù a fà ju bwoṅbwoṅ lo.

Mfa' Ghantum 10:2

mbe ngaghamte Nsi, nke mbwôg Nsi boa njoṅ tunndà i fa, nke njwimte benntùn, mfà tshu yàm bo, mbèn nke nde'te Nsi njoṅ ngelaṅ fa là.

Mfa' Ghantum 10:31

ntshob me ndù: Kôrneliô, Nsi ju' le't'o, mbèn nkwimte tshu tsho ts'o num mfà ghayennge' là.

Mfa' Ghantum 10:4

Kôrneliô te miag num i, mbwôge, ntshob ndù: A ke là Tshùaben? Angél tshob yi ndù: Njoṅ le'te Nsi tsho fa, njoṅ tshu tsho fa, ts'o be mfà ghayennge' là, ko' nèn mbwe Nsi: A tshwèt nkwimte.

Efésô 4:28

Kà mèn z'a be njé là bèn neyi, a bwô ndù a fa' fa' mbu mi, ngù ju mebwô ndù a ywimte mèn z'a bwoṅ yi là.

1 Timôtio 6:17

Tshob ghankàb tse yen njù li ndù kà bo ko'te nkwatenu mube, ke ke nywinte num nkàb z'a ku'ni nebi là, là, a bwô bo nywinte num Nsi z'a num mfà njoṅ i fa ntshùate, ndù be tsiaṅte là;

1 Timôtio 6:18

tshob bo ndù bo ghù numebwô, ntù' ghankàb ntùm mfa' mebwô, ndèn neghabte tshu boa tsemo' ntùm ntù mebwô,

Héber 6:10

Nummbe Nsi ke' b'a mèn ketsin, a ke nsi lagte mfa' mine, mba nkôni ze bin tswite num lén se, bin tse bin na' mfa' ben nelàne, mbèn nke mfa' bo là.

Yakobo 1:27

Neghamte Nsi ze nelàne mba kelo' mbwe Nsi Tà be b'a yen ni ndù: Nelôte bontse mba fôg bènnzwi ntùm nge' yub, nzete num nesagte njù, mbe kelo'.

Yakobo 2:14

Fèt tshàm, a ywimte ke, mb'a be mèn tshob ndù a ghù bamntù, ke be ndù a ghù mfa' l'à? Bamntù ku'ni neyôg i ké?

1 Yohané 3:17

A be ze mèn ghù tshu yen njù li, njen mfèl i ntùm bwoṅ, mfùn ntù i mbwe i là, mba nkôni Nsi nsi ghô num i à ndùke?

1 Yohané 4:20

A be ze mèn tshob ndù: Me num nkô Nsi, là nke mbàn mfèl i là, mb'a b'a ngatatte. Nummbe mèn z'a ke' kô mfèl i z'a num njen nà, ke' ku'ni nekô Nsi z'a ke' be yen nà.