Lukas 24:47 - NTSHOB NSI

⁴⁷ bo nsi tshob nu nekaṅ ntù num lén se, ndù Nsi lagte nukebwô benntùn, ntùm ngô fa, nto' à Yérusalém.

Lukas 24:47 Iomraidhean Croise

Neto'te 12:3

Me nsi yab kàn ben tse bo nsi yab kàn wù là, so ndon tu ben tse bo nsi so ndon tu o là. Njoṅ nzwit benntùn fa nsitsha' nsi tshùa à njam o kà kwé kàn.

Yobkwi 22:27

Bwoṅbwoṅ nsi jù ywèle, ben tse bo be ndiag Tshùaben nà nsi ghamt'é. A bwô ndù ntù zin tswe matmat.

Yobkwi 67:7

Tsha' lo fà tshu ts'a tum ntùm bwe là. Nsi, Nsi yag be njab kàn bag.

Yobkwi 86:9

Njoṅ ngôngô fa ts'o na' nabte là nsi se'e; vù nsi mbwe o me Tshùaben. Bo nsi fà ghamte num lén so.

Esaya 11:10

Bu tù Isaï nsi be num sen lé'njù l'à mba keki ze bo te ngôngô là. Ntumntum nsi kaṅ wut ke lôt'é. Nkuni nsi bèn be ze dù'ntswe.

Esaya 49:22

Tshùaben Nsi tshob ndù: Me nsi bù' bu àm mum ngôngô, me nsi te keki lo' du'te ntumntum yi. Bo nsi tshùb bu bon tsho tse bandum se' yi, ket bon tsho tse bènnzwi nkembe' bo se' yi.

Esaya 49:6

A bèn ntshob me ndù: Mb'o be ngafa' àm, num nebù'te nzwit Yakob mba nelo' tshé' Israél bèn yi njam nà ke' yoṅ nku'u. Me yab o ndù o be nka' nelàn ngôngô, ndo' yôg sàm nèn yi num ntôg njù.

Esaya 5:4

M'a ghù njoṅ i fa z'a lo mbwô ndù me ghù num tù ndu' sàm ndù a yàm ntàm ntùn nà. A yàm à be ntàm kebwô. Kà m'a' bèn ngù à ndùke?

Esaya 52:10

Tshùaben bù' bu i ze nelàn nsi num miag njoṅ ngôngô fa, mbe ndù njoṅ ntôg tsha' fa nsi yen yôg s'a fe Nsi be là.

Esaya 52:15

mb'a nsi ghù ndù ngôngô tsiaṅte, fenfen tswe ntshu mi' mbwe i. Bo nsi yen ju ze sàm mèn ke' to' soṅ yub là. Bo lôte ju ze bo ke' to' yen nà, a be nu netshàme.

Yérémia 31:34

Yen mèn ni ke nsi bèn tswite yen mèn nà, yen nà ke bèn ntswite mfèl i! Nummbe njoṅ yub fa nsi lèn àm, neto' num tse nke' tà nkum num tse ndùb, Tshùaben bèn ntshobe. Tshù, me nsi lagte mfànnu mube, ke bèn nekwimte nukebwô yub.

Daniel 9:24

Bo yab ngabnjù ṅam sammbàa num yu nzwit mèn mba ngô o ze nelàne, num neghù ndù mfànnu tsine, nukebwô mi, num nebiagte mfànnu, ndo' nunetsin z'a tswe matmat là nse' yi. Bo yab tshen ngabnjù l'a num neghù ndù njem ze ghatshob ntshob Nsi yen ntshob là bumte mba ndù bo yo' Mèn nelàn dù' z'a làn neshu là.

ṄWA'NI OSÉ 11:8

Efraim me nsi ghua' o à ndùke, me swèn o neswèn ké? Me nsi ghua' o mba Adma l'a ndùke? Me nsi ghù wù ndaṅndaṅ mba Tseboïm nà ké? Ntù àm tshwèt ntam ntùm bwe. Njoṅ yàm kondèn fa bù' wul i nsi.

ṄWA'NI OSÉ 2:23

Tshùaben tshob ndù: Me nsi bùnte bo mum sen lé'njù là. Tshùaben tshob ndù: A nsi be mum sen lé'njù là me bùnte nu num ju z'a tshwèt ntoṅ ben tshàm ba Israél là.

Mika 4:2

Ntumntum nsi tèn bwoṅ nèn bwe, ke tshob ndù: Bin se' bag bin ko' nèn num mbat Tshùaben, mfe ndà Nsi Yakob, ndù a tswite ben tse manze, be ke nzin num tse ntshagnze. Nummbe kàn nsi tum à Sion, ntshob Tshùaben tum Yérusalém.

Malashi 1:11

Neto' ntumnyam nèn nkum mbinyam, lén sàm b'a se ndùb netèt ngôngô; bo be nton tshu nelamte num nku'ni lén sàm njoṅ dù' fa; bo be mfà ts'a làn nà, nummbe lén sàm b'a se ndùb netèt ngôngô, Tshùaben tàndà ntsho bèn ntshobe.

Matio 28:19

Ndùlala, bin nène, ngù njoṅ nzwit benntùn fa tù' ghazi'te nu àm, bin nyu' yub ntse num lén Tà mba Mén mba Ywèt Nelàne,

Matio 3:2

ntshob ndù: Bin kaṅ ntù tsine, nummbe nufen kamànyam à ghebte.

Matio 9:13

Bin nèn nzi'te tun men ntshob li ndù: Me kô à kondèn ke b'a ju nele'te Nsi. Nummbe me ke na' nse' netsiaṅ à ben netsine, là ben kebwô.

Lukas 13:34

Yérusalém, Yérusalém, wù z'o num nke nzwite ghatshob ntshob Nsi, ntamte ben tse bo tum yub wù là ndoṅ nà, a yoṅ si' mba me diag netse'te bon tsho ndaṅndaṅ mba mà ngab be ntse'te bon tse tun mbàb mi, bin ke kô à?

Mfa' Ghantum 10:43

Njoṅ ghatshob ntshob Nsi fa lo kwé nta num i ntshob ndù: Mèn z'a bam i là mba Nsi a' lagte nukebwô tse njam lén se.

Mfa' Ghantum 11:18

Ngelaṅ bo ju' men ntshob li là, ntù tshob fite, bo ghamte Nsi, ntshob ndù: A kua' nenùn ndù Nsi bam nu nekaṅ ntù, nse' njôg mba ghakelèn Nsi.

Mfa' Ghantum 13:46

Paulo mba Barnaba tshob bo kua' ndaṅndaṅ ndù: A lo bwô ndù bag bwôgmbwe ntshob ntshob Nsi à bin; là mba bin tshwèt nga ntshob Nsi, nke ndo' wut tsin mba bin ku'ni num yôg matmat là, tshù, ndonni bag tù' nèn tshag tèl à ghakelèn Nsi,

Mfa' Ghantum 2:38

Pétro bùnte bo ndù: Bin kaṅ ntù tsine, bo nyu' mba we lo netèt bin ntse num lén Yésu Kristô ndù Nsi lagte nukebwô tsine; ndùlala bin nsi kwé Ywèt Nelàne.

Mfa' Ghantum 20:21

Me lo ke nkwé nta mbwe ba Yuda mba ba Grikia ndù bo kaṅ ntù tshobe, mbèn njam ntèt Nsi, mbèn mbam Tshùaben be Yésu Kristô.

Mfa' Ghantum 26:18

negha' miag mub ndù bo kaṅ ntù tshob ntum ntùm njam nse' ntùm nelàne, ntum ntùm neta Satan, ntam njam Nsi, mbam àm, nkwé nelagte nukebwô tshob mbèn nkwé ntsi' netèt ben tse Nsi lànte yub là.

Mfa' Ghantum 26:20

là neto'te num tse bo be Damas là nèn nkum Yérusalém, ntùm njoṅ ngô Yuda fa mba netèt ghakelèn Nsi, me lo ke ntshob ndù bo kaṅ ntù tshob ntam njam Nsi, mbèn nke mfa' mfa' mi a ku'ni num nekaṅ ntù là.

Mfa' Ghantum 28:28

Bin lèn ndonni ndù sen yôg li s'a fe Nsi là, a lo tum ghakelèn Nsi; tshen ben ni nsi ju'u. [

Mfa' Ghantum 3:19

Ndùlala bin kaṅ ntù tsine, mbate ngùninu mine, ndù Nsi bwete nukebwô tsine,

Mfa' Ghantum 4:12

Yôg ke mo' mènghua, nummbe tun bam kamànyam, mo' lén mènghua ke bwe se bo na' mfà benntùn ndù be tshùa bwe nse' njôg là.

Mfa' Ghantum 5:31

Nsi bù' i bu i ze zwim, a be mfen mba ngayôg benntùn, ndù a fà nekaṅ ntù mba nelagte nukebwô Israél.

Roma 5:20

Là ntshù' lo tsho bwe, ndùlala ndù mfànnu yàme; là dù' ze nukebwô yàm bwe là, kondèn dun ntshùate,

Efésô 1:6

bag nyàmte nkuni kondèn i z'a fà be num ngankôni i là.

Efésô 3:8

Me ze me b'a metsit mèn netèt njoṅ ben nelàn fa là, Nsi lo fà yen kondèn nà me ndù me tshob mfu' Kristô mi mènntùn ke' ku'ni neyen nà ghakelèn Nsi,

Kolosé 1:27

tse Nsi kô nela'te nkuni ndùb mi a ntùm sen tsham nà bo netèt ghakelèn Nsi là. A b'a Kristô netèt bin, nenywinte nkuni!

1 Yohané 2:12

Bontsit bon tshàm, me kite bin à nummbe Nsi lagte nukebwô tsin num lén se.