Lukas 24:44 - NTSHOB NSI

⁴⁴ ntshob bo ndù: Tshù men ni b'a ntshob mi me na' ntshob bin ngelaṅ ze me ke' netèt bin nà ndù: A bwô ndù njoṅ tshu fa tse bo na' nkite num àm ntùm ntshù' Mosé, ntùm ṅwa'ni ghatshob ntshob Nsi mba ntùm ṅwa'ni Yobkwi là bumte.

Lukas 24:44 Iomraidhean Croise

Neto'te 14:18

Mélkisédék, mfen Salém, mbèn mbe ngale'te Nsi z'a tà mfe tù là, a ghù bo lo' bàn bo ndu' nse' mfà Abram.

Neto'te 22:18

Me nsi tshùa njam nzwil o kà yab kàn ngôngô ts'a nsitsha' là, nummb'o ju' ntshu àm.

Neto'te 3:15

Me nsi yab nkembàn netèl o bin mènnzwi, netèt nzwil o bo ze nzwit. Nzwil i nsi ke nya' tu o, tu wul o, o ke nya' i, tshôg tun ku i.

Neto'te 49:10

Yuda nsi tshùb kôg fen, tshùb kôg nesa' yi mfé' nku mi, tà nkum ndùse mèn z'a be se nsi se' là. Ngôngô nsi ju' ntshu yen mén nà.

Yobkwi 118:22

Loṅ se ghabomndà na' ngua' là kaṅ ntù' loṅ tôgndà.

Esaya 28:16

A ndùlala Tshùaben Nsi tshob ndù: Tshù, me yab ta' loṅ tun ba' Sion. A b'a loṅ laṅte, loṅ tôgndà, loṅ s'a ghù njoṅ i là, ndù bo te sen loṅ nà nsi kua' neta; mèn z'a lo' sen loṅ nà mba ze dù' neyé'te bwe là ke nsi nànte kù.

Esaya 52:13

Yen mbe ngafa' àm nsi sine, ku'u; a nsi zi, bo nyàmt'é.

Esaya 7:14

A ndùlala ze tu wut Tshùaben nsi fà ta' nsa bin nà. Tshù nsa mbit li: Ménngon nsi be jùm, bwe mén mandum, tswi lén se ndù Emmanuél, yen nà bagt'a ndù: Bag à bin Nsi bèn mbe.

Esaya 9:6

Nufen se nsi b'a ze ndùb, fite ke ndù i be num diaṅkwa tà njam i David bo nufen se. Tshùaben nsi te nufen se bèn tomt'é njam nu ndaṅndaṅ bo nunetsine, ndonni kà nèn miagte A b'a ju ze nkôni Tshùaben tàndà ntsho nsi ghù là.

Yérémia 23:5

Tshùaben tshob ndù: Tsemo' lé'njù bwe nse'e, tse me nsi ghù ta' nzwit netsin tum num David là. A nsi be mfen, lo' zenu kà tô yi. A nsi ghù nunetsin ntùm ngô bo nu ndaṅndaṅ.

Yérémia 33:14

Tshùaben tshob ndù: Tsemo' lé'njù bwe nse'e, tse me nsi ghù ntshob ntùn mi me na' ntshob num tunndà Israél bo tunndà Yuda bumte là.

Ezékia 17:22

Tshù mba Tshùaben Nsi tshob li: Tu wul àm, me nsi tsho' ju num tshaṅ sédra ndùb. Me nsi tsho' mo' metob kaṅ se num ntshùa nkaṅ mi, ywil i kua' yàm tu wut num mo' mbat z'a sage, ṅate là.

Ezékia 34:23

Me nsi tsho' à ta' ngabéb mbwe z'a nsi tshagte yube, kém yub là, a b'a ngafa' àm David. A yi z'a nsi tshagte yube, be ngabéb yub là.

Daniel 2:44

Nsi nsi tsho' mo' nufen num ze ngelaṅ tshen fenfen nà, ze mo' ju ke nsi sat'é là; mo' nzwit mèn mba ntshù' ke nsi tô i. Tu wul i nsi be'te, biagte tshen nufen nà, tswe tse kua' matmat.

Daniel 7:13

Me nke ndôte mum njem tèttswe', tshù, njen mèn a nke nse' num ndot mba Mén mèn nà. A nèn nkum mbaṅ mbwe mèn mum ntswe'njù mi, bo lo' i nèn yi mbwe i.

ṄWA'NI OSÉ 3:5

Yen nà nsi be tôge bon Israél bèn njam. Bo nsi diag Tshùaben Nsi yub mba mfen yub David; bo nsi kaṅ wut tam njam Tshùaben a ke mfà tshu tse mebwô bo.

Amos 9:11

Mum sen lé'njù là, me nsi bù'te nke' ba' David z'a vù là, kabte ntô mi, bèn bù'te fam i te tù. Me nsi kul i k'a be mb'a na' mbe mo' ngelaṅ nà;

Sakaria 12:10

Ndùlala me nsi naṅ ywèt kondèn mba tse le'te num tunndà David mba num ba Yérusalém; bo nsi kaṅ se yub te num àm, mèn ze bo na' nsob i là. Bo nsi kua' num i ndaṅndaṅ mba bo be nkua' num mén ntshù' là. Bo nsi làn i kua' zwezwe mba bo be ndàn tuswe mén nà.

Sakaria 13:7

Ṅwi, lo nsi num yàm ngabéb mbwe, bo mèn z'a be nshunku àm nà. Tshùaben tàndà ntsho bèn ntshobe. Lab ngabéb mbwe, ndù njùmbwe sate! Yen ngelaṅ nà me nsi bù' bu àm nsi num tse nke'nke'e.

Sakaria 14:4

Mum sen lé'njù là nku mi nsi te num mbat nten z'a be mbwe Yérusalém, bag ntumnyam nà. Mbat nten nsi bèt bag bàa netèt bwe nelo bag ntumnyam nkum bag mbinyam; mo' mà tômbo' ndùb nsi be bwe. Ta' kam mbat nsi kù nèn tu mo' kam i nèn mà ntèn.

Sakaria 6:12

O nsi tshob yi ndù: Tshù ju ze Tshùaben tàndà ntsho tshob li: tshù mèn ze lén se be “Nzwit li”. Tshu nsi bit num ntshùa mi. A nsi kut ndà Tshùaben;

Sakaria 9:9

Ṅwate tsho me ngon Sion, tshag nz'o tù ntùm tsiaṅte me ngon Yérusalém! Tshù mfen o là z'a tshwèt nse' tèl o là a b'a mbétni mèn, mbe ngayob ngu'u, a mbétni mèn ndù a ko' num kekwène, num kekwèn z'a b'a metsit mén kekwèn nà!

Nesiaṅe 21:8

Tshùaben tshob yi ndù: Ghù bo nabte ta' mbanyu nkwim tu kam ntshwèn; mba we lo ze mbanyu tshôg i a lôte là, mb'a nsi yôge.

Nesiaṅe 35:25

Ntse'te benntùn nsi yôg ngazwi mèn bu ngayagte mba'a, ndo' i mbèn yi ntùm ngô nekù ndeme, dù' z'a na' nkù nèn ndem bwe là, a tswe bwe tà nkum ngelaṅ ze ngale'te ze ndùb ze bo na' ndo' mfèt nelàne njo' i yi nsi kwù là.

Matio 1:22

Yen nà tshwèt ngù ndù men ntshob li mi ngatshob ntshob Nsi na' ntshob num ze tu Tshùaben nà bumte ndù:

Matio 16:21

Fe num yen ngelaṅ nà, Yésu Kristô to' netswite ghazi'te nu i ndù a bwô ndù a nèn Yérusalém, njen nge' yàme, ghakwé mbwe, ghale'te Nsi tse ndùbndùb mba ghalèn ṅwa'ni Nsi zwi i, a be mbatte lé'njù tat a lo num vù.

Matio 26:54

Mba ju ze bo na' nkite ndù a bwô a bumte là nsi bumt'a ndùke?

Matio 26:56

Là njoṅ yen nà fa se' à ndù ju ghatshob ntshob Nsi na' nkite là bumte. Njoṅ ghazi'te nu i fa faṅ i nkù.

Marko 9:31

Nummbe a lo ke ntswite ghazi'te nu i, mbèn ntshob bo ndù: Bo fà Mén mèn mum mbu benntùn, bo nsi zwi i; ngelaṅ bo nsi zwi i là, a be tshùa lé'njù tat, a lo num vù.

Lukas 21:22

Nummbe tshen lé'njù là b'a lé'njù yagte mba'a, lé'njù tse njoṅ tshu fa bo na' nkite là bumte là.

Lukas 22:37

Nummbe me tshob bin ndù a bwô men ntshob mi bo na' nkite ndù: Bo yab i netèt ba fimntshu là bumte num àm. Nummbe njoṅ nu fa ts'a tshwèt nse' num àm nà, tù' nebumte.

Lukas 24:46

ntshob bo ndù: Ndùlala bo lo kite ndù Kristô a' yen nge', mbam num vù mbatte lé'njù tat;

Lukas 9:22

Ntshob ndù: A bwô ndù Mén mèn yen nge' yàme, ghakwé mbwe, ghale'te Nsi tse ndùbndùb mba ghalèn ṅwa'ni Nsi ghua' i, nzwi i; a be mbatte lé'njù tat, a lo num vù.

Lukas 9:44

Mba bin nà, bin ju' men ntshob li kua' mebwô, njab ntù bin: Bo nsi fà Mén mèn mum mbu benntùn.

Yohané 3:14

Ndaṅndaṅ mba Mosé na' mbù' nyu tù num kônkwa là, a bwô ndù bo bù' Mén mèn tù,

Yohané 5:39

Bin num nke ntswe' ntun ṅwa'ni Nsi, nummbe bin be nkwate ndù bin a' ghù yôg matmat là num i, a yi bèn nke nkwé nta màm.

Yohané 5:46

Nummbe, a be bin bam Mosé là, mba bin nsi bam mba me yàm; nummbe a lo kite nu num àm.

Mfa' Ghantum 13:33

Nsi ghù a bumte num be bon tshobe, mbam Yésu num vù ndaṅndaṅ mba bo kite ntùm ṅwa'ni Yobkwi mbatte bàa là; O b'a Mén àm, me bwe o sènni.

Mfa' Ghantum 13:40

Bin bam nà ndù kà nu ze bo na' ntshob ntùm ṅwa'ni ghatshob ntshob Nsi là tshùb zine.

Mfa' Ghantum 2:27

Nummbe o ke nsi faṅ yôg sàm ntùm ngô fe ben, ke bam ndù Mèn o ze nelàn bi.

Mfa' Ghantum 3:18

Là Nsi lo tshùa num yen mat là ngù nu z'a na' mbwôgmbwe ntshob num ntshu njoṅ ghatshob ntshob Nsi fa ndù Kristô i nsi yen nge' là, bumte.

Mfa' Ghantum 7:37

A yen Mosé là z'a na' ntshob bon Israél ndù: Nsi nsi tsho' mo' ngatshob ntshob Nsi mba me là netèt fèt tsin fà bin.

Héber 10:1

Nummbe ntshù' ghù netshaṅ tshu ts'a nsi se' là, a ke' ghù ko' mfuni tshen tshu là, a lo ke to' ku'ni neghù ben tse bo ke ngebte là bwô miagte njam tshule'te Nsi tse bo ke mfà ngu'ngu' ke tag là.

Héber 3:5

Mosé lo be mèn nenùn ntùm njoṅ ndà i fa mba ngafa' là ndù a kwé nta nu ze bo nsi tshob là,

Héber 7:1

Nummbe, yen Mèlkisédék là, mfen Salém, ngale'te Nsi, Nsi z'a mfe tù là, z'a bumte bo Abraham, naṅ mbotni num Abraham z'a ke mbèn njam ngelaṅ fenfen vù ntsho là.

Héber 9:8

A ndùlala, Ywèt Nelàn num nda'te ndù manze dù' nelàn ntshùate ke' yoṅ nte nge, a be ze mbwe ntàb ke' là.

1 Pétro 1:11

bo lo diag nelèn mèn mba ngelaṅ ze Ywèt Kristô z'a be num bo, ngelaṅ z'a bwôgmbwe nkwé nta num nge' Kristô mba nkuni mi a nsi tum njam bwe là.

Apokalipse 19:10

Me vù nsi num nku mi, num neghamt'é, a tshob me ndù: Bàm nà, me b'a nshun fa' o, mba ze fèt tsho tse bo ghù kwénta Yésu là; ghamte Nsi. Nummbe kwénta b'a Ywèt ntshob ghatshob ntshob Nsi.