Lukas 24:32 - NTSHOB NSI

³² Bo tshob bo bo ndù: Ntù be lo ke kù ntùm bwe, ngelaṅ z'a lo nke ntshob be num manze, ngelaṅ z'a lo nke ntote ṅwa'ni Nsi be là ké?

Lukas 24:32 Iomraidhean Croise

Yobkwi 104:34

A bwô ndù ntshob màm bwô i, tu wul àm, me be ntsiaṅte num Tshùaben!

Yobkwi 39:3

Me lo tswe mba ketshob là, ntswe ndù kam, me lo tswe ke tshob nu, mba mba me na' mb'a ngayennge' là. Yàm ya lo ke b'a ze nefùage.

Tànkùt 27:17

Mba tùn nke mbèn nkùa tùn nà, a b'a be ndaṅndaṅ num mènntùn, nummb'a mènntùn nke nshu'te yantù mènntùn.

Tànkùt 27:9

Mfèt bo labinda num nso tsiaṅte ntù mèn ntag mebwô mi nshun mèn num mfà yi là be ntswe'te ntù.

Esaya 50:4

Tshùaben lo fà ntshob ta' ngazi'te nu i me, ndùlala ndù me lèn neke ntomte mèn z'a bot là. A be mbam àm mba zit nkebnjù lo, a be tôte màm ndù me ke nju' ndaṅndaṅ mba ghazi'te be nju' nu yi là.

Yérémia 15:16

Me lo kwé ntshob mu, njoṅ mi njoṅ i fa; ntshob mu be mfà tsiaṅte ntù àm, bo nkôni yàme. Nummbe bo be ntsiaṅ àm lén so me Tshùaben, Nsi tàndà ntsho.

Yérémia 20:9

A be ze me tshob ndù me ke bèn nekwat'é, me ke bèn ntshob nu num lén se là, mba mo' ju nsi ke be ntùm ntù àm mba mbwôg z'a tshwèt nkù là, ndù yen ju là lem tà ntùm mvôg màm. Me be nkagtùn nefènt'é, là ke ku'ni tshàm.

Yérémia 23:29

Tshùaben tshob ndù: Ntshob màm ke' b'a mba mbwôg là ké? Ntshob màm ke' b'a mba hama s'a be ntsit gholoṅ nà ké?

Marko 4:34

A lo ke ndo' à be tànkùt ntshob nu yi bo, là ngelaṅ boa ghazi'te nu i tswe tù' bo là, a tote njoṅ i fa bo.

Lukas 24:45

A gha' zenu yub num neju' ṅwa'ni Nsi,

Yohané 6:63

Ywèt bèn nke mfà yôg, mbàb wut ke' be ywimte sàm ju. Ntshob mi me lo ntshob bin nà b'a Ywèle, mba yôg.

Mfa' Ghantum 28:23

Bo ka' lé'njù boa Paulo, bo zi mbe se' mbèn njam kua' neshu, nse' ntèl i ntùm ndà i. Neto' nkebnjù nèn nkum mfetnjù, a nke ntote nu bo num nufen Nsi, nke nkwé nta, nkagtùn ntshùa num ntshù' Mosé mba ghatshob ntshob Nsi, ndù bo bam nu Yésu.

Héber 4:12

Nummbe ntshob Nsi b'a ntùn, mba neta, nke ntshùag ntshùa njoṅ ṅwi njam bàa fa, nke ntsho tà nkum ntùm ntù mba ywèle, ntùm nga mba nzit vôge, nke ntsho'te ntenu mba nkwatenu ntù.