Lukas 24:19 - NTSHOB NSI

¹⁹ Bo bùnte yi ndù: Nu z'a tshùa num Yésu ze Nazarèt z'a na' mbe neta ngatshob ntshob Nsi ntùm mfa' mi mba ntshob mi mbwe njoṅ benntùn fa là.

Lukas 24:19 Iomraidhean Croise

Matio 21:11

Bwoṅ benntùn nke ntshob ndù: Yen ni b'a Yésu ngantum Nsi ze Nazarèt mà Galiléa.

Marko 1:24

ntshob ndù: Ke z'o ghù ntùm yag nu, Yésu ze Nazarèt? O se' à nebagte yag ké? Me lèn mèn z'o be yi là: O b'a mèn nelàn z'a fe Nsi là.

Lukas 24:18

Mo' mèn netèt bo, lén se Kléopas bùnte ntshob yi ndù: O b'a nda' ze Yérusalém tù' wù z'o ke' lèn nu z'a tôg be ntùm tshen lé'njù li là ké? A tshob bo ndù: Mba kua' nu ke?

Lukas 7:16

Bwôg tshùb njoṅ yub fa, bo nke ngamte Nsi ntshob ndù: Mo' ngatshob ntshob Nsi ze ndùb se' netèt bag; Nsi se' ndôte ben tse.

Yohané 3:2

A se' tèttswe' ntèt Yésu, ntshob yi ndù: Rabbi, bag lène, o b'a ngatswite z'a fe à Nsi là, nummbe sàm mèn ke' ku'ni neghù lèn tshen nsà ts'o num ngù là, a be ze bo Nsi ke' bèn mbe là.

Yohané 4:19

Mènnzwi là tshob yi ndù: Tshùaben, me yen ndù o b'a ngatshob ntshob Nsi.

Yohané 6:14

Benntùn yen nsà z'a ghù là, ntshob ndù: Yen mèn ni b'a kua' ngatshob ntshob Nsi z'a se' ntùm njù là.

Yohané 7:52

Bo bùnte yi ndù: Mba wù b'a ze Galiléa kà? Siaṅ ṅwa'ni njen ndù ngatshob ntshob Nsi ke' be tum Galiléa. [

Mfa' Ghantum 10:38

A b'a nu Yésu ze Nazarèt: Nsi lo yo' i Ywèt Nelàne, mba neta; a nke nèn ntùm dù' nzenze, nke ngù numebwô, mbèn nke njate njoṅ benntùn fa tse Satan ke ngùtni yub là, nummbe Nsi lo be bo yi.

Mfa' Ghantum 2:22

Ba Israél, bin ju' men ntshob li ndù: Yésu ze Nazarèt, mèn ze Nsi kwé nta mi mbwe bin njam mfa' neta, nu netshàme, mba nsa ts'a ke ngù netèt bin, mba bin lèn nà,

Mfa' Ghantum 7:22

Mosé zi'te njoṅ zenu ba Egipto fa; a na' mb'a neta mèn num ntshobe, mba mfa' mi.

Nebwôgte 18:15

Tshùaben Nsi o, bù ghatshob ntshob mi tse nenùne ba Israél. A bwô ndù bin ju' ntshu i.