Lukas 23:43 - NTSHOB NSI

⁴³ Yésu tshob yi ndù: Kua' nenùne, me tshob wù ndù: Sènni bag wù nsi be Paradis.

Lukas 23:43 Iomraidhean Croise

Yobkwi 32:5

Me lo ghù o lèn nukebwô àm, me lo ke lem mfànnu màm. Me lo tshob ndù: Me nsi bam mfànnu màm Tshùaben! O lo bwete ngùtni nukebwô àm.

Yobkwi 50:15

Tsiaṅ àm mum lé'njù nge'; me nsi yôg o, o ke ngamt'àm.

Esaya 53:11

A nsi lôte ntàm mfa' mi, dun tsiaṅte. Mèn netsine, ngafa' àm, nsi ghù benntùn yàm be ben netsine, njam nelèn ze bo lèn i yi là; tu wul i nsi ket mfànnu mube.

Esaya 65:24

Me nsi bùnte bo ke be ndù bo yoṅ ntsiaṅ àm. Me nsi ju' le'te yub ke be ndù bo yoṅ ntsin ntshob nu me.

Mika 7:18

Zit Nsi z'a fut'o à? Zit Nsi z'a be ndagte mfànnu, ke ke nte lag num nukebwô tshé' ntsi' mu à? A ke' be lé' yantù i matmat, nummb'a be ṅwate num kondèn.

Lukas 19:10

Nummbe Mén mèn se' à nediage, bèn yôg z'a na' mbi là.

Lukas 23:42

A bèn ntshob ndù: Yésu, kwimt'àm ngelaṅ z'o nsi tsho ntùm nufen so là.

Yohané 14:3

Ngelaṅ ze me nsi nène, kà nabte dù' là, me nsi bèn se' lo' zine, ndù dù' ze me be bwe là, mba bin be zin bwe.

Yohané 17:24

Tà, ben ts'o fà me là, me kô ndù dù' ze me be bwe là, mba bo be yub bwe bag à bo, ndùlala ndù bo yen nkuni màm mi o fà me là. Nummbe o lo kô àm kà nenabte njù mbe.

2 Korintô 5:8

Bag dun fènntù, là bag kwate ndù a bwô netum ntùm yen wut li, nèn ntswe mbaṅ Tshùaben.

Filipi 1:23

Me b'a bu nkum mbàa, me tshwèt nkù ntù netum nèn ntèt Kristô, mbe bag yi, yen nà bwô ntshùate,

Héber 7:25

A ndùlala, a ku'ni neyôg ben tse bo tshùa num i, nke nèn mbaṅ Nsi là njoṅ ndù fa, nummbe tu wul i b'a ntùn njoṅ ngelaṅ fa ndù a bu' mbu num tu bo.

Apokalipse 2:7

Mèn z'a ghù ntoṅ nà, a ju' ju ze Ywèt tshwèt ntshob ba ntse'te benkristô là. Mèn z'a tshùa ntsho là, mba me nsi ghù a jù ntàm tù yôg s'a be ntùm Paradis Nsi là.