Lukas 23:41 - NTSHOB NSI

⁴¹ Mba ze be tu là, a b'a nunetsine. Nummbe tshen nu li tsho be à num ju ze be ghù là, là yen mèn ni ke' ghù sàm nu z'a bag là.

Lukas 23:41 Iomraidhean Croise

2 Kronika 33:12

Ndùs'a be ntùm ntobni là, a tsiaṅ Tshùaben Nsi i, mfà wul i kua' nsi mbwe Nsi tà tse.

Esdra 9:13

Nu ts'a ghù yag là na' mb'a num mfa' mag mi kebwô, mba num nukebwô tshag tse ndùbndùb. Mba ndùlala, o lo ghua' yage, ntshé'te benntùn netèt bag me Nsi yag, ngù bag ndùlala, ke siaṅte mfi' mba mfànnu mag be yi là.

Néhémi 9:3

Ndùse bo tete yub tù là, bo siaṅ ntùm ṅwa'ni Tshùaben Nsi yub, num nguan nyam tat; bo bèn ndo' nguan mo' nyam tat mbam nukebwô tshob yi, ngwù nsi mbwe Tshùaben Nsi yub.

Daniel 9:4

Me lo ke nde'te Tshùaben Nsi àm, nke ntshob yi ndù: Tshùaben Nsi ndùb bo ze nekuni, wù z'o be ndé' kàn so, nke nko ndèn ben tse bo be nkô o mbèn nke nze ntshù' mu là;

Matio 27:19

Ngelaṅ z'a tswe ntùm diaṅntsha là, nzwi i tum bo tshob yi ndù: Kà tsho ntùm ntsha yen mèn netsin nà, nummbe me yen nge' neshu num i sènni ntùm njem.

Matio 27:24

Là Pilato be yen ndù yen nu là ke' ywimt'é sàm ju, mba ndù tshu'te tshwèt njam nèn be mbwe, ndo' ntse, nsôg mbu mi mbwe bwoṅ benntùn, ntshob ndù: Me b'a nelàn num tshen lem nà. A ke yàm nu.

Matio 27:4

ntshob ndù: Me lo fàn nu, nswèn lem ts'a làn nà. Là bo tshob yi ndù: A nu ke nsen ni à? A ke yag nu!

Matio 27:54

Là tà ba soyé mba ben tse bo à bo ke mbéb Yésu là be yen mba tsha' nyi'te mba tshu ts'a tshùa là, mbwôg neshu, ntshob ndù: Kua' nenùne, yen mèn ni na' mb'a Mén Nsi.

Lukas 23:40

Là mo' tshobt'é, mbùnte ntshob ndù: O ke' be bwôg Nsi ké? Wù z'o b'a nganu mba yi là!

Lukas 23:42

A bèn ntshob ndù: Yésu, kwimt'àm ngelaṅ z'o nsi tsho ntùm nufen so là.

1 Tésalônikà 2:10

Bin b'a ghakwénta, mba Nsi, ndù bag lo be nelàne, netsine, ke lo', netèt bin, bin tse bin na' mbam nà;

Yakobo 4:7

Ndùlala bin ju' ntshu Nsi, nta tu Satan, a kù zine.

1 Pétro 1:19

là bo lo' à lem Kristô tse tanjoṅ, yi z'a be mba mén njùmbwe z'a ke' sagte, ke ghù lo',

1 Pétro 2:23

yi ze bo so ndon tu i, a ke so ndon tu mèn; yi z'a yen nge' ke tshètte, là mfà njoṅ i fa mèn z'a num ntsho'te ntùm netsin nà;