Lukas 23:34 - NTSHOB NSI

³⁴ Yésu nke ntshob ndù: Tà, lagte bo, nummbe bo ke' lèn ju ze bo tshwèt ngù là. Bo ghabte nzwe tse ntam tô yi.

Lukas 23:34 Iomraidhean Croise

Neto'te 50:17

ndù bag tshob wù Yosèf ndù o lagte nukebwô fèt tsho boa mfànnu mube! Nummbe bo lo ghù nukebwô num o! Ndonni lagte nukebwô ghafa' Nsi tàan! Yosèf be ju' men ntshob là nkua'a.

Yobkwi 22:18

Be me siaṅ njoṅ mvôg màm fa. Tshù, bo tshwèt nz'àm, bo tshwèt ndôt'àm.

Esaya 53:12

A ndùlala, me nsi fà ze dù' boa ben ndùbndùb. A nsi ghabte ntsha' boa ben neta, nummb'a lo fà wul i vùkob ze tu, bo bèn njab i netèt ben kebwô, nummb'a ket nukebwô benntùn yàme, mbèn nke mbu' mbu Nsi num tu ghavù ntsha.

Matio 11:25

Num yen ngelaṅ nà, Yésu tshob men ntshob li ndù: Me nyàmt'o me Tà, Tshùaben ba mfe kamànyam mba ba mànsi, wù z'o lem tshen nu li num miag ghazenu boa ghakwanu, nda'te be nda' bônke' là.

Matio 11:26

A b'a ndùlala me Tà, nummbe o yen ntùm yu nekô ndù a bwô ndùlala.

Matio 5:44

Là tu wul àm me tshob bin ndù: Bin kô ghakeban tsine, nke nde'te Nsi tu ben tse bo tshwèt ntsho' nku min kebàn nà,

Marko 15:24

Bo kwimt'é num fanta'tù, ngabte nzwe tse, ntam tô num neyen ju ze mèn lo' là.

Lukas 22:42

ntshob ndù: Tà, a be z'o bam nà, o lo' yen ntu' li nèn yi ngùanesà mbaṅ àm. Là kà bam ndù yàm nekô bumte, là yu nekô. [

Yohané 17:9

Me ke nde't'a num bo, me ke ke nde't'a num njù, là num ben ts'o na' mfà me là, nummbe bo b'a ben tsho.

Yohané 19:11

Yésu bùnte ndù: A lo mbe ndù Tà mfe kamànyam ke' fà wù, mb'o ke' ghù sàm ngù' num àm. A ndùlala mèn z'a fà àm wù là ghù nukebwô z'a be ze ndùb ntshùate là.

Mfa' Ghantum 16:28

Là Paulo kua' neta, ntshob ndù: Kà ghù nukebwô num o, njoṅ yag fa b'a nsen ni.

Mfa' Ghantum 3:17

Fèt tshàm, me lèn ndù bin mba kamkam tsin na' ngù ndùlal'a ntùm kagni.

Mfa' Ghantum 7:60

A kwim ntunkekwi' mi nsi, nkua' mà neta, ntshob ndù: Tshùaben, kà so ntsha tu bo num yen nukebwô li. A tshob ndùlala nkwù.

Roma 12:14

Bin naṅ mbotni num ben tse bo num ntsho' nku min kebàn nà; bin naṅ mbotni, ke so ndon.

1 Korintô 2:8

Sàm mèn netèt fenfen yen njù li lo ke lèn yen zenu là, nummbe bo na' ndèn i, mba bo lo ke kwimte Tshùaben nkuni num fanta'tù.

1 Korintô 4:12

bag num ndab wut nefa' ko' mbu mage. Bo num nso ndon tu bag, bag nke naṅ mbotni; bo num ntsho' nku mag kebàn, bag nke mfènte.

1 Timôtio 1:13

me ze me na' mb'a ngatshabte, ngatsho' nku kebàn, ngatshab ntshu là; là Nsi lo ko ndèn màm, nummbe me lo ghù yen n'a ke lèn, ngelaṅ me na' mbe ke yoṅ mbam nà.

1 Pétro 3:9

kà bin lo' nukebwô njagte nukebwô yi, ke so ndon tu ben tse bo so ndon tu bin nà, là, a lo mbwô bin naṅ mbotni, nummbe bo na' ntsiaṅ zin à num yen nà, ndù bin jù ntsi' mbotni.