Lukas 23:2 - NTSHOB NSI

² bo to' netete nu tu i, ntshob ndù: Tshù mèn ze bag yen i, a nke mbagte tu benntùn ntùm ngô yag li; a num nke nto' ndù kà bo fà ntshub Kàsà, mbèn nke ntshob ndù tu wul i b'a Kristô, mbe mfen.

Lukas 23:2 Iomraidhean Croise

1 Fenfen 18:17

Akab yoṅ mbe yen Elia ntshob yi ndù: A b'a wù bèn nke nkag va' ntùm ngô Israél na' à?

Yobkwi 35:11

Ghakwénta tse tatte lo nsi, nke mbètt'àm nu num ju ze me ke' lèn nà.

Yobkwi 62:4

Bin nsi ke tsho' vù num ta' mèn, lab i, mba kàbngô z'a ben nà, mba kàb z'a bùn nà tà nèn nkum ndùke?

Yérémia 20:10

Nummbe me be nju' nkwate kebwô benntùn yàme, fétwut z'a diaṅ dù' mbum nà, bo nke tshob ndù: Bin bot'é, bag bin nsi bot'é! Njoṅ benntùn fa tse bag à bo na' mbe ntshu ntshù' là tshwèt ndôte mbe ze me vù nsi là; nke ntshob ndù: A be z'a faṅ bo fùt'é là, mba bag nsi kab mbu num i, yagte mba' num i.

Yérémia 38:4

Kamkam tshob mfen ndù: A bwô nezwi yen lèn mènntùn ni. Nummb'a ke nkag à be nyu'nku num ba soyé tse bo ntùm sen tusô li là mba mum ngô, ndùs'a tshwèt ntshob lèn tshen tshô li là; yen mènntùn ni ke tshwèt ndiag sàm mebwô num yen ngô li. A ke ndiag à be ndù nge' tsho mum ngô.

Amos 7:10

Amasia, ngale'te Nsi Bétél, tum bo tshob Yéroboam, mfen Israél ndù: Amos ṅu' ku i num o ntùm tunndà Israél. Ngô ke' bèn nefènte tse njoṅ ntshob mi fa. Tshù ju ze Amos be ntshob li:

Sakaria 11:8

Me lo biagte ghabéb mbwe tat num ta' maṅwù; ntù àm lo ke fènte num bo, yub tu wut nke ngwag àm yub.

Matio 17:27

Là nebe ke ghù ndù bo fa'te num be, nèn mbaṅ dibantse, ma' lube; mbwe ngontse z'o nsi ghom nà, tshùb i, nga' ntshu i, o nsi yen ta' statère bwe ntshù'; lo'o, mfà bo num yàm tu mba yu.

Matio 22:21

Bo tshob ndù: A b'a ze Kàsà. A tshob bo ndù: Ndùlala, tshu Kàsà bin fà Kàsà; tshu Nsi, bin fà Nsi.

Matio 27:11

Là Yésu tsin mbwe ngomna, ngomna bètt'é, ntshob ndù: O b'a mfen ba Yuda ké? Là Yésu tshob ndù: O tshob.

Marko 12:17

Yésu bùnte, ntshob bo ndù: Tshu Kàsà, bin fà Kàsà; tshu Nsi, bin fà Nsi. Bo tshàm neshu.

Marko 15:2

Pilato bètt'é ndù: O b'a mfen ba Yuda ké? Yésu bùnte, ntshob yi ndù: O tshob:

Lukas 23:14

ntshob bo ndù: Bin lo se' mfà yen mèn ni me ndù a num mbagte tu benntùn. Tshù, me nebètt'é nu be mbwe bin, ke fon sàm nu ze yen mèn ni fàn num njoṅ nu fa tse bin tete tu i là.

Lukas 23:5

Là bo bèn ntshob kua' neta ndù: A num nke ntshu' tu benntùn, nke ntswite ntùm njoṅ ngô Yudéa fa, mbe ndù a to' à fe Galiléa, nse' nkum nsen ni.

Yohané 18:29

Ndùlala Pilato tum njù nse' mbaṅ bo, ntshob ndù: Bin bote yen mèn ni à num ke lèn nu à?

Yohané 18:30

Bo bùnte ntshob ndù: A lo mbe ndù yen mèn ni ke' b'a ngaghù nukebwô mba bag ke' fà i wù.

Yohané 19:12

Ndùlala Pilato nke ndiag nekag i. Là ba Yuda kua' ntshob ndù: A be z'o kag yen mèn ni là mb'o ke b'a nshun Kàsà! Mba we lo z'a lo' wul i ngù mfen yi là mb'a tshabte Kàsà.

Mfa' Ghantum 24:13

Bo ke' ku'ni nela'te nenùn nu ze bo tshwèt mbot'àm bwe là.

Mfa' Ghantum 24:5

Bag yen yen mèn ni a b'a mo' ngokèt z'a tshwèt nkag tshu'tu netèt njoṅ ba Yuda fa ntùm njù fa là; a bèn mbe ngalo' mbwe num nu ba Nazarèt;

Roma 13:7

Bin fà ju ze njoṅ benntùn fa ku'ni nekwé bin nà bo; mfà ntshub ngakwé ntshub, mfà ju fé' ngakwéfé', mbwôg mèn z'a bwô ndù bin bwôg i là, ngamte mèn z'a bwô ndù bin ghamt'é là.