Lukas 23:16 - NTSHOB NSI

¹⁶ Ndùlala, m'a' ghù bo lab i, nkag i, a nèn. [

Lukas 23:16 Iomraidhean Croise

Esaya 53:5

Bo na' mbe't'é à num nukebwô be, mbe't'é à num mfànnu be. Be be ghù fite ndù ze be nevù ntsha tsho à tu i. A b'a ntshu mfaṅ tse bèn ngù kà be njate.

Matio 27:26

Ndùlala, a sô Baraba, mfà bo, ngù bo lab Yésu nshua'a, a fà i ndù bo kwimt'é num fanta'tù.

Marko 15:15

Pilato be ndiag ndù ntù bwoṅ benntùn bwô, nsô Baraba, mfà bo; ngù bo lab Yésu nshua'a, a fà i ndù bo kwimt'é num fanta'tù.

Lukas 23:17

A lo ke mbwô ndù a kag ta' ngandàtsha num njoṅ lé'njù jùa fa.]

Lukas 23:22

Pilato tshob bo num mbatte yoṅ tat ndù: A ke lèn nukebwô z'a ghù à? Me ke' fon sàm nu z'a ghù k'a ku'ni neghù ndù bo zwi i là. Ndùlala, m'a' ghù bo lab i, nkag i a nèn.

Lukas 6:37

Kà bin tsho'te ntsha mèn, ndù kà bo ghù ntsho'te zine. Kà bin naṅ ntsha tu mèn, ndù kà bo ghù naṅ ntsha tu bin. Bin lagte, bo nsi ghù se' lagte bin.

Mfa' Ghantum 16:37

Paulo tshob bo ndù: Bo lo ndab yag nshua' mbwe benntùn ke tsho'te ntsha, mbèn ma' yag ndàtsha, bag tse bag b'a ba Roma là; ndonni bo tshwèt nsô yag nelemte! Nga, a ke b'a ndùlala, a bwô nese' yub tu, nsô yag ntum yi njù.