Lukas 22:61 - NTSHOB NSI

⁶¹ Tshùaben kaṅ wul i njam ndôte Pétro. Pétro kwimte ntshob mi Tshùaben tshob yi ndù: Kù'ngab nsi be tô sènni ndù o à gha àm yoṅ tat là,

Lukas 22:61 Iomraidhean Croise

ṄWA'NI YOB 33:27

A num ntsiaṅte mbwe benntùn nke ntshob ndù: Me lo ghù nukebwô, mbagte nu z'a tsin nà, là Nsi ke ghù m'a ndaṅndaṅ mba nukebwô tshàm be yi là.

Ezékia 16:63

ndùlala ndù o kwimte ju z'a tôg là tuswe ko o, mba ndù k'o bèn nga' ntshu o, tuswe ko o, ndùse me nsi lagte njoṅ mba ke lo z'o ghù là. Tshùaben Nsi bèn ntshobe.

ṄWA'NI OSÉ 11:8

Efraim me nsi ghua' o à ndùke, me swèn o neswèn ké? Me nsi ghua' o mba Adma l'a ndùke? Me nsi ghù wù ndaṅndaṅ mba Tseboïm nà ké? Ntù àm tshwèt ntam ntùm bwe. Njoṅ yàm kondèn fa bù' wul i nsi.

Matio 26:34

Yésu tshob yi ndù: Kua' nenùne, me tshob wù ndù yen tèttswe' li, kù'ngab nsi be tô ndù o à gha àm yoṅ tat.

Matio 26:75

Pétro kwimte ntshob Yésu mi a tshob yi ndù: Kù'ngab nsi be tô ndù o à gha àm yoṅ tat là, ntum njù, nkua' neshu.

Marko 5:30

Num ngelaṅ mbile, Yésu lèn ndù mo' neta tum num i, nkaṅ wul i njam netèt bwoṅ benntùn, ntshob ndù: We z'a kwag nzwe àm à?

Lukas 10:41

Tshùaben bùnte ntshob yi ndù: Marta, Marta, o tshwèt ngùtni wul o, mbèn nke ndab wul o num tshu yàme.

Lukas 22:34

Yésu tshob ndù: Me tshob wù, Pétro ndù: Kù'ngab ke nsi tô sènni ke be ndù o gha àm yoṅ tat ndù o ke' lèn àm.

Lukas 22:60

Pétro bùnte ndù: Mandum, me ke' lèn ju z'o tshwèt ntshob là. Be ngelaṅ mbile, a ke yoṅ miagte netshobe, kù'ngab tô.

Lukas 22:62

ntum njù, nkua' neshu.

Lukas 7:13

Tshùaben Yésu be yen i, ndèn mi ko i, a tshob yi ndù: Kà nelàne;

Lukas 7:19

ntum yub ndù bo nèn ntshob Yésu ndù: O b'a mèn z'a se' là ké? Ke bag bèn mbéb mo' mènghua à?

Yohané 13:38

Yésu bùnte ndù: O nsi fà yôg so num àm à? Kua' nenùne, kua' nenùne, me tshob wù ndù: Kù'ngab ke nsi tô, ke be ndù o gha àm yoṅ tat.

Mfa' Ghantum 5:31

Nsi bù' i bu i ze zwim, a be mfen mba ngayôg benntùn, ndù a fà nekaṅ ntù mba nelagte nukebwô Israél.

Efésô 2:11

Bin ghakelèn Nsi ntùm mbàb wut, (ben tse bo num ntsiaṅ yub ba kesi ket là, ndù mènntùn bèn nsi ntùm mbàb wut là, lo ke ntsiaṅ zin ba kesi ket) bin kwimte ,

Apokalipse 2:5

Ndùlala, kwimte dù' z'o vù bwe là, kaṅ ntù o, bèn mfa' mbwe mfa' mu. Ntag ndùlala mba me nsi se' wù, mba me nsi lo' lambo so num dù' i, a be z'o ke' kaṅ ntù o là.