Lukas 22:52 - NTSHOB NSI

⁵² Ntshob ghale'te Nsi tse ndùbndùb, kam ghabéb Ndà Nsi mba ghakwé mbwe tse bo se' nelo' i là ndù: Numke bin ntum ndo' ṅwi mba nzwit mba me b'a fimntshu l'à?

Lukas 22:52 Iomraidhean Croise

2 Fenfen 11:15

Ndùlala ngale'te Nsi Yéhoyada tshob tàmànjô tse bo ke ntô benntùn nkù, mbèn mbe tu num ntshu ntsho là ndù: Bin lo' i ntum yi ntùm nka, nzwi mèn z'a fi'te netam njam i là. A lo be be ndù ngale'te Nsi tshob ndù kà bo zwi Atalia ntùm ndà Tshùaben.

Matio 26:47

Mb'a ke nke' ntshob là, Yuda mo' mèn netèt tse ntshob bàa gham se', boa bwoṅ benntùn yàm tse ghale'te Nsi tse ndùbndùb mba ghakwé mbwe ntùm ngô tum yub là, ndù bo tshùb ṅwi mba nzwit mbu bo.

Matio 26:55

Num yen ngelaṅ nà, Yésu tshob bwoṅ benntùn ndù: Bin tum ndo' ṅwi mba nzwit nse' neghom àm yi, mba me b'a fimntshu là; njoṅ lé'njù fa, me lo ke ntswe nsi ntùm Ndà Nsi, nke ntswite, bin ke tshùb àm.

Lukas 22:37

Nummbe me tshob bin ndù a bwô men ntshob mi bo na' nkite ndù: Bo yab i netèt ba fimntshu là bumte num àm. Nummbe njoṅ nu fa ts'a tshwèt nse' num àm nà, tù' nebumte.

Lukas 22:4

Yuda nèn ntèt ghale'te Nsi tse ndùbndùb mba kam ba soyé bo à bo nabte mat mb'a nsi fà Yésu bo là.

Lukas 22:51

Yésu bùnte ntshob ndù: Bin tsine! Nkwag toṅ i, njat'é.

Lukas 22:53

Njoṅ lé'njù fa, bag à bin lo ke mbe ntùm Ndà Nsi, bin ke nyit mbu num àm, là, a zin nyam ni, mba neta njame.

Yohané 17:12

Ngelaṅ me be bag à bo là, me lo lé' ben ts'o na' mfà yub me là ntùm lén su. Me lo zi tshùalo num bo, sàm mèn netèt bo ke' bi, mb'a nda' mèn nebi, ndùlala ndù ṅwa'ni Nsi bumte.

Mfa' Ghantum 5:26

Ngatshagte Ndà Nsi nèn boa tshe' tse, ndo' yube, ke ghù nukebwô bo, nummbe bo lo ke mbwôg benntùn, ndù kà bo tamte yub ndoṅ.