Lukas 22:42 - NTSHOB NSI

⁴² ntshob ndù: Tà, a be z'o bam nà, o lo' yen ntu' li nèn yi ngùanesà mbaṅ àm. Là kà bam ndù yàm nekô bumte, là yu nekô. [

Lukas 22:42 Iomraidhean Croise

Yobkwi 40:8

Ndùlala me tshob ndù: Tshù, me se'e. Ntùm ṅwa'ni nebote bo kite nu num àm bwe ndù:

Esaya 51:17

Yérusalém, bame, bam num miaglo, lo nsi. Wù z'o nu ntu' yantù z'a tum bu Tshùaben, wù z'o fin ntu' là tà nkum bwe tse ts'a be nshùmte miag mèn nà.

Esaya 51:22

Tshù ju ze Tshùaben o, Tshùaben Nsi z'a tshwèt ntshètte nzwit mèn i tshob li: M'a' kwé ntu' z'a num mfà shùmte miag là bu o. M'a' kwé ntu' yantù àm wù, o ke bèn nenu i.

Yérémia 25:15

Tshù mba Tshùaben, Nsi Israél tshob me li: Lo' yen ntu' li bu àm, ze ndu' yantù àm dun ntùm bwe là, nèn mfà njoṅ ngôngô fa tse me nsi tum o mbaṅ bo là bo nu.

Matio 11:25

Num yen ngelaṅ nà, Yésu tshob men ntshob li ndù: Me nyàmt'o me Tà, Tshùaben ba mfe kamànyam mba ba mànsi, wù z'o lem tshen nu li num miag ghazenu boa ghakwanu, nda'te be nda' bônke' là.

Matio 11:26

A b'a ndùlala me Tà, nummbe o yen ntùm yu nekô ndù a bwô ndùlala.

Matio 20:22

Là Yésu bùnte, ntshob ndù: Bin ke' lèn ju ze bin lon nà. Bin ku'ni nenu ntu' ze me nsi nu là ké? Bo tshob yi ndù: Bag ku'ni!

Matio 26:39

A nèn mén nda'nda', ngwù nsi kabkab, nde'te Nsi, ntshob ndù: Tà, a be z'o kô là, o ghù yen ntu' li tôg àm. Là ke b'a mba me kô là, là mb'o kô là.

Matio 26:42

A bèn nèn nde'te Nsi num mbatte yoṅ bàa, ntshob ndù: Tà, a be ze yen nà ke' ku' netôg ke me nu i là, yu nekô bumte!

Matio 26:44

A faṅ yub mbèn nèn nde'te Nsi num mbatte yoṅ tat, mbèn ntshob be ntshob ntshù'.

Matio 6:10

ghù nufen so se'e, ghù yu nekô bumte mba mfe kamànyam mba num nsitsha'a.

Marko 14:36

A nke ntshob ndù: Abba, Tà, o ku'ni neghù njoṅ nu fa, lo' yen ntu' li nèn yi ngùanesà mbaṅ àm. Là kà ghù ju ze me kô là, là ju z'o kô là.

Lukas 23:34

Yésu nke ntshob ndù: Tà, lagte bo, nummbe bo ke' lèn ju ze bo tshwèt ngù là. Bo ghabte nzwe tse ntam tô yi.

Yohané 18:11

Ndùlala Yésu tshob Pétro ndù: so ṅwi mbàn! Me ke nu ntu' ze Tà na' mfà me là ké?

Yohané 4:34

Yésu tshob bo ndù: Yàm jujù b'a ndù me ghù nekô mèn z'a tum àm nà, mba ndù me nsi miagte fa' se.

Yohané 5:30

Me ke' ku'ni neghù sàm ju yàm tu; ndaṅndaṅ mba me ju' là, me num ntsho'te, yàm netsho'te ntsha b'a netsine, nummbe me ke ke ndiag à yàm nekô, là nekô mèn z'a tum àm nà.

Yohané 6:38

Nummbe me swe' mfe kamànyam, nse'e, ke b'a neghù à yàm nekô, là nekô mèn z'a tum àm nà.

Mfa' Ghantum 21:14

Mba bag na' mbe ke ku' nefènt'é là, bag mi ntswe, ntù' tshob be nda' ndù: A bwô ndù ze nekô Tshùaben bumte.