Lukas 22:41 - NTSHOB NSI

⁴¹ Tu wul i kù'te mbaṅ bo, nèn nguan ma' loṅ, nkwim ntunkekwi' mi nsi, nde'te Nsi,

Lukas 22:41 Iomraidhean Croise

Matio 26:39

A nèn mén nda'nda', ngwù nsi kabkab, nde'te Nsi, ntshob ndù: Tà, a be z'o kô là, o ghù yen ntu' li tôg àm. Là ke b'a mba me kô là, là mb'o kô là.

Marko 14:35

A nèn mbwe mén nda'nda', ngwù nsi, nde'te Nsi ndù yen nyam nge' là tôg i, a be z'a kô là.

Lukas 18:11

Mén Férésia tsin tù, nde'te Nsi num tu wul i, ntshob ndù: Nsi àm, me labt'o mba me ke' be tshàm à mba tsemo' benntùn, tse bo b'a ba fimntshu, ben nu tshob ke' tsin nà, ghaghù màndà, ke bèn mbe tshàm à mba yen ngakwéfé li là.

Lukas 18:13

Là ngakwéfé' tsin ze tà ngùanesà, ke ku'ni nebù' miag mi ndôte mfe kamànyam. A tù' lab be ntù i ntshob ndù: Nsi àm, ko ndèn màm ze me be mèn kebwô là.

Mfa' Ghantum 20:36

A be miagte netshob yen nu li bo, nte nkekwi' mi nsi, nde'te Nsi boa njoṅ yub fa,

Mfa' Ghantum 21:5

Tshag lé'njù be mi netèt bo, bag tam manze nenène. Njoṅ yub fa nèn boa bènnzwi mba bônke', ntum ntùm ngô kà nte yage. Bag kum kaṅ ntse, nte nkekwi' mag nsi, nde'te Nsi bag à bo,

Mfa' Ghantum 7:60

A kwim ntunkekwi' mi nsi, nkua' mà neta, ntshob ndù: Tshùaben, kà so ntsha tu bo num yen nukebwô li. A tshob ndùlala nkwù.

Mfa' Ghantum 9:40

Là Pétro ghù njoṅ yub fa tum njù, a kwim ntunkekwi' mi nsi, nde'te Nsi, nkaṅ wul i ndôte fe mèn, ntshob ndù: Tàbità, lo tù! A gha' miag mi, njen Pétro, mbù' wul i, ntswe netswe.

Héber 5:7

A lo be ntùm lé'njù mbàb wul i, a fà nde'te Nsi mba le'te boa nekua' neta mba ntsenyà mèn z'a ku'ni neyôg i num vù là, Nsi lo ju' le't'é', nsô i ntùm lab wut.