Lukas 22:19 - NTSHOB NSI

¹⁹ A bèn ndo' bàn, nde'te Nsi, mbe'te mfà bo, ntshob ndù: Yen ni b'a wul àm ze bo fà num bin nà, [bin ke ngù yen ni, nke nkwimt'àm yi.

Lukas 22:19 Iomraidhean Croise

Yobkwi 111:4

A faṅ nekwimte mum mfa' mi mi nekuni. Tshùaben b'a ngakondèn mba ngatshàmndèn.

Nkwi Nkwi 1:4

Soṅt'àm njab njam o! Be so nde ku ntshù'! Mfen ghù me se' ntùm nto'ndà mi. Bag tshwèt nke ntam tsiaṅte, nke ṅwate num o. Mb'o be nke mfute yag mbu là bwô yag ntshùa ndu'! Mèn kô o mb'a ke fàn à manze.

Ezékia 37:11

Ndùlala Tshùaben tshob me ndù: Men mvôg li b'a njoṅ ze nzwit ba Israél fa, bo be ntshob ndù: Mvôg mag jum, yag nenywinte kwù, yag nu mi.

Ezékia 5:5

Tshù mba Tshùaben Nsi tshob li: Yen nu là lôt'a Yérusalém ze me na' nte i netèt ngôngô bo ntumntum ts'a diaṅ i mbum nà.

Daniel 2:38

Nsi fà bon benntùn, nyàm tshwèt, nsaṅe, tse bo be ntswe njoṅ dù' fa là mum mbu mu, ngù o sa' njoṅ yub fa: A b'a wù bèn mbe tu gol.

Matio 14:19

A ghù bwoṅ benntùn tswe nsi num nenà, a lo' men ntu' bàn ntàn nà mba ngontse ndô bàa là, mbù' miag mi mfe kamànyam, nde'te Nsi, mbe'te bàn, nke mfà ghazi'te nu i; ghazi'te nu i nke mfà bwoṅ benntùn.

Matio 15:36

A lo' men ntu' bàn sammbàa là mba tshen ngontse là, nde'te Nsi, mbe'te, nke mfà ghazi'te nu i, ghazi'te nu i nke mfà bwoṅ benntùn.

Lukas 22:17

A lo' ntu' ndu', nde'te Nsi ntshob ndù: Bin ko là ngabte netèt bin.

Lukas 22:20

Jujù be mi, a fà ntu' ndu' bo be ndaṅndaṅ ntshob ndù: Yen ntu' li b'a kàn nswe ntùm lem tshàm tse bo fètte num tu bin nà.]

Lukas 24:30

Ngelaṅ bo à bo tswe num téblé là, a lo' bàn nde'te Nsi, mbe'te, mbèn mfà bo.

Yohané 6:23

Là memo' nkenu fe Tibériade nse' mbaṅ dù' ze bo jù bàn bwe, ngelaṅ Tshùaben lo' bàn, nde'te Nsi là.

Yohané 6:51

Tu wul àm b'a bàn z'a yôge, z'a swe' mfe kamànyam nà; a be ze mèn jù yen bàn ni là, mb'a' yôg matmat. Bàn ze me nsi fà là b'a mbàb wul àm num yôg njù.

1 Korintô 10:16

ntu' mbotni ze bag à bin num nde'te Nsi num bwe là, ke b'a netamte num lem Kristô ké? Bàn ze bag à bin num mbe'te là ke' b'a netamte num wut Kristô ké?

1 Korintô 10:4

mbèn nu à be ntse Ywèt ntshù'; nummbe bo lo ke nu à ntse loṅ Ywèt s'a ke ntam njam bo là. Sen loṅ nà na' mb'a Kristô,

Galatia 1:4

z'a na' mfà wul i num nukebwô be ndù a kwé be yen njù nukebwô li, ndaṅndaṅ mb'a be ntùm ze nekô Nsi, Tà be là;

Galatia 4:25

là mbat Hagar, Sinaï b'a ntùm ngô Arabia, a b'a mba Yérusalém z'a be ndonni là, nummbe Yérusalém b'a nkuan boa bon tse.

Efésô 5:2

Bin zin ntùm nkôni mba Kristô na' nkô zin mfà tu wul i num tu be mba jule'te Nsi, mba ju neghamte Nsi z'a lamte mebwô là.

1 Tésalônikà 5:18

Bin labte Nsi num njoṅ i fa, nummbe a b'a ju ze Nsi kô, nke mbètte zin yi num Kristô Yésu là.

Titô 2:14

z'a na' mfà tu wul i num tu be, ndù a tshu' be num njoṅ nukebwô fa, ndànte nzwil i z'a tsho'o, a nke nta num mfa' mebwô là.

1 Pétro 2:24

yi z'a ket nukebwô ntùm wul i num fanta'tù ndù a fagte be num nukebwô, ngù be yôg num nunetsine, yi ze ntshu mfaṅ tse ghù bin yate là.