Lukas 22:18 - NTSHOB NSI

¹⁸ Nummbe me tshob bin ndù: Me ke bèn nu ndu' mi a fe ntùm nkùa là, tà nkum ngelaṅ ze nufen Nsi se' là.

Lukas 22:18 Iomraidhean Croise

Yobkwi 104:15

ngù ndu' mi a be mfà tsiaṅte ntù mènntùn nà, ndùlala ndù a lo' mfèt fonte se i yi. O be mfà bàn z'a be ntomte ntù mènntùn nà!

Nkwi Nkwi 5:1

Ménnshum bùnte ndù: Mfèl àm ze mènnzwi, nzwi àm ze me ka, me tsho ntùm nka' àm. Me kàb mire, ndo' mfèt nelamte. Me tshwèt njù sàm kub ṅwa' bo yàm ṅwa'a. Me tshwèt nu màm ndu' bo màm mbùn. Shun tshàm, bin jù, nu, mbum nkôni.

Esaya 25:6

Tshùaben tàndà ntsho tshwèt nabte ta' jùa njoṅ ngôngô fa num yen mbat li. Jujù ts'a nsi be bwe là bwô neshu, jùa ndu', nsam ndu' ntùn, jujù ts'a bwô là, ndù a ghù nzile, nsam ndu' ntùn mi bo tshét là.

Esaya 55:1

Njoṅ zin fa tse ntù tsin kù là, bin se' nu ntse; mba mèn z'a ke' ghù nkàb là se'e! Bin se'e, bin jun njù. Bin se'e, bin jun ndu' bo mbùn, ke nkàb bàm, ke fà sàm ju.

Daniel 2:44

Nsi nsi tsho' mo' nufen num ze ngelaṅ tshen fenfen nà, ze mo' ju ke nsi sat'é là; mo' nzwit mèn mba ntshù' ke nsi tô i. Tu wul i nsi be'te, biagte tshen nufen nà, tswe tse kua' matmat.

Sakaria 9:15

Tshùaben tàndà ntsho nsi kabte yube; bo nsi tam mbwe, tshùa ntsho num ndoṅ shùmte ghakeban; bo nsi nu, tshu'te mba bo bum ndu' là, bo nsi dun mba ntu' là, mba ntôg tômbwôg le'te Nsi là.

Sakaria 9:17

Tshù mba bo nsi bwô njene, tshù mba bo nsi ziag njene! Ngefet nsi ghù nshumnshum ku'u, ndu' nedùmte ghù ngonngon ku'u.

Matio 16:18

Mba tu wul àm me tshob wù ndù o b'a Pétro, num sen loṅ nà me nsi kut yàm Ndà Nsi bwe, nzendà ngô fe ben ke nsi ta tshùa i.

Matio 26:29

Me tshob bin ndù: Fe ndonni me ke nsi bèn nu ndu' tà nkum sen lé'njù là se me nsi bèn nu ndu' nswe bag à bin ntùm nufen Tàa là.

Marko 14:23

Mbèn ndo' ntu', nde'te Nsi, mfà bo; bo nu ntùm bwe njoṅ yub fa.

Marko 14:25

Kua' nenùne, me tshob bin ndù: Me ke nsi bèn nu ndu' tà nkum sen lé'njù là se me nsi bèn nu ndu' nswe ntùm nufen Nsi là.

Marko 15:23

Bo nke mfà ndu' mi bo ma' mire bwe là yi, là, a ke kwé.

Marko 9:1

A bèn ntshob bo ndù: Kua' nenùne, me tshob bin ndù: Tsemo' benntùn netèt ben tse bo be nsen ni là, ke nsi kwù tà nkum ngelaṅ bo yen nufen Nsi se' ntùm neta là.

Lukas 21:31

Be ndaṅndaṅ, mba bin zin, ngelaṅ bin nsi yen tshen tshu là se' là, bin lèn ndù nufen Nsi ghebte.

Lukas 22:16

Nummbe me tshob bin ndù: Me ke nsi bèn jù i, tà nkum ngelaṅ z'a nsi bèn bumte ntùm nufen Nsi là.

Lukas 9:27

Me tshob bin kua' nenùn ndù: Tsemo' benntùn netèt tse bo be nsen ni là ke nsi kwù tà nkum ngelaṅ bo yen nufen Nsi là.

Kolosé 1:13

A lo kwé be bu ngù' njame, nket be nte ntùm nufen Mén nkôni i,

Ghasa'kame 9:13

Là nkùa tù ndu' bùnte ndù: M'a' gha ndu' màm mi a be ngù ba nsi boa benntùn nke ntsiaṅte num nenèn nke ntô memo' ntù ké?