Lukas 21:8 - NTSHOB NSI

⁸ A tshob ndù: Bin bam nà ndù kà bo fùte zine, nummbe benntùn yàm nsi se' lo' lén sàm tshob ndù: A b'a me bèn mbe Kristô, mba ndù ngelaṅ tshwèt ngebte, kà bin bwe yube!

Lukas 21:8 Iomraidhean Croise

Yérémia 29:8

Nummbe tshù ju ze Tshùaben tàndà ntsho, Nsi Israél tshob li: Kà bin bam ndù ghatshob ntshob Nsi tse bo netèt bin nà tatte zine, ke ghangàm no; kà bin ju' ntshu ghazi njem tse tu wut tsin be nkamte yub là.

Matio 24:11

Ghatshob ntshob Nsi tatte yàm nsi lo, fùte benntùn yàme.

Matio 3:2

ntshob ndù: Bin kaṅ ntù tsine, nummbe nufen kamànyam à ghebte.

Matio 4:17

Fe yen ngelaṅ nà, Yésu to' netshob ntshob Nsi, ntshob ndù: Bin kaṅ ntù tsine, nummbe nufen kamànyam à ghebte!

Lukas 17:23

Bo nsi tshob bin ndù: Tshù, a b'a nsen nà, a b'a nsen ni; kà bin nèn bwe, kà bin diag i.

Lukas 21:7

Bo bètt'é ndù: Ngatswite, tshen tshu là nsi se' à zit ngelaṅ à? Lèn z'a nsi la'te ndù tshen tshu là tù' nebumte là nsi b'a ke?

Lukas 21:9

Ngelaṅ bin nsi ju' nu ntsho mba nu totetu là, kà bin vètte, nummbe a bwô ndù tshen tshu là bwôgmbwe nse'e, a ke' yoṅ mb'a kua' miagte nu.

Yohané 5:43

Tu wul àm me se' à num lén Tà, là bin ke lo' àm. A be ze mèn se' num ko' se lén nà, mba bin nsi lo' yen mèn nà.

Yohané 8:24

Ndùlala me lo tshob bin ndù bin nsi kwù ntùm nukebwô tsine; nummbe, a be ze bin ke' bam ndù me num bwe là, mba bin nsi kwù ntùm nukebwô tsine.

Yohané 8:28

Ndùlala Yésu tshob ndù: Ngelaṅ ze bin nsi bù' Mèn mèn tù là, yen ngelaṅ nà, bin nsi lèn ndù me num bwe, mba ndù me ke' be ghù sàm ju num yàm tu, là ndù me ke ntshob tshen tshu l'a ndaṅndaṅ mba Tàa na' ntswit'àm nà.

1 Korintô 6:9

Bin ke' lèn ndù ben ketsin ke nsi ghù yub bag i ntùm nufen Nsi ké? Kà bin fùte wut tsine! Ke ba kattù, ke ghakelèn Nsi, ke ghaghù màndà, ke ben nebole, ke ghakô yôg ngùa,

Efésô 5:6

Kà sàm mèn tatte zin ntshob banban. Nummbe tshen tshu là bèn nke ngù kà yantù Nsi nse' num bon tse bo ke' ju' ntshu i là.

2 Tésalônikà 2:3

Kà sàm mèn fùte zin num bwe. Là, a bwô ndù negha Nsi bwôgmbwe nse'e, ngabagte ntshù', mèn nebi tswite wul i;

2 Timôtio 3:13

Là ben kebwô mba ghatatte nsi nèn mbwe ntùm nukebwô, ke fùte benntùn, bo ke mfùte yube.

1 Yohané 4:1

Fèt tshàm tse nkôni, kà bin bam njoṅ ywèt fa, là bin laṅte ywèle, njene, a be ze bo fe à Nsi là, nummbe ghatshob ntshob Nsi tse tatte yàm tum, nse' ntùm njù.

2 Yohané 1:7

Nummbe ghatatte yàm tum, nse' ntùm njù, bo ke' be bam Yésu Kristô z'a se' ntùm mbàb wut là. Tshù ngatatte là, tshù ngakeban Kristô là!

Apokalipse 1:3

Mènfen b'a mèn z'a siaṅe, ghafen bèn mbe ben tse bo ju' ntshob nu ghatshob ntshob Nsi, nke nze tshu tse bo kite ntùm bwe là: Nummbe ngelaṅ ghebte.

Apokalipse 12:9

bo ma' Ngamnyu ndùb nsi, yi njwèn nyu, ze bo ke ntsiaṅ i Diable, Satan, ngatatte njoṅ njù fa là, bo ma' i num nsitsha'a, ma' i bwe boa Angél tse.