Lukas 21:34 - NTSHOB NSI

³⁴ Là bin bam nà num tu wut tsine, mbwôg ndù kà ntù tsin bot ntùm nejù yàme, ntùm nebum ndu', ntùm nelab wut num yôg sin ntùm yen njù li, mba ndù kà sen lé'njù là be ṅwag num bin, bin ke lèn.

Lukas 21:34 Iomraidhean Croise

Neto'te 19:32

Be fà ndu' yi a nu mbume, bag à bin bo be, ndù be tshùa njam tà be ntshèt ndù kà nzwit be bi!

Neto'te 19:35

Bo bèn ngù tà yub nu ndu' mbum yen tèttswe' là, ntù'njam nèn ntèl i bo yi be. Tàab ke lèn ndùs'a lo mbe bo yi là, mba ndùs'a lo là.

Neto'te 27:14

Yakob nèn ndo' yub nse' mfà màab, a nabte jujù yi mba tàab ke nkô là.

Yobkwi 35:8

A bwô ndù nesate ghom yub ke bo lèn, bo vù ntùm nkù ze bo bùn nà, a bwô ndù bo vù tô.

Tànkùt 21:4

Miag ka'te bo ko'tewut, sen lambo ghatshùagntù là b'a nukebwô;

Tànkùt 23:20

Kà tsho shun bin à ghanu ndu' bin à ghakô mbàb neshu.

Nzenu 9:12

Mbèn mbe, mènntùn ke' lèn ze ngelaṅ ndaṅndaṅ mba ngontse tse bo num mfàn nze ntsho ntùm nkù yoṅ nge' là, mba mba ba nsaṅ tse bo ghom yub ntùm ywi' là. A bèn mb'a ndaṅndaṅ mba nge' num ndo' nu ke ze i ntsho yi num bon Adam nà.

Esaya 28:7

Là, mba ba Yérusalém be yub à mba ghabum ndu', nke ngwù bag bag, neta ndu' tshwèt nshùmte miag mube, ghale'te boa ghatshob ntshob Nsi b'a ntùm neta ndu' nke ngwù bag bag, ndu' lo' yub fa. Neta ndu' ghù miag mub nke nshùmte. Bo tshwèt mbe tshob ntshob Nsi nke ngwù bag bag, mbe keb ntsha nke ntiage.

ṄWA'NI OSÉ 4:11

Ndu' nedùmte lo' zenu yube.

Lévitiko 10:9

O ke nsi nu ndu' ke neta ndu' lo, wù bin a tsho nshum, ndùse bin tsho ntùm ndà mbumte là, mbwôg ndù kà bin kwù. Yen nà nsi b'a ta' ntshù' netèt bin mba bon tsho fa,

Matio 13:22

Dù' ngumndot dù' ze bo ma' nsa bwe là, b'a mèn z'a num nju' ntshob Nsi, là nelab wut num yôg se ntùm njù mba nekô nu nkàb se' mfam ntshob mbile, a ke yam ntàm mi là.

Marko 13:9

Bin bam nà num tu wut tsine. Bo nsi tshùb zin fà ntùm ndàntsha mba ntùm sinagogue, lab zin nshua'a, te zin tù mbwe ngomna mba fenfen num àm ndù a be ju nekwé nta bo.

Marko 4:19

là nelab wut num yôg sub ntùm njù, nekô nu nkàb mba ghe'te nzenze se', ntsho ntùm ntù tshobe, mfam ntshob mbile, a ke yam ntàm mi là.

Lukas 10:41

Tshùaben bùnte ntshob yi ndù: Marta, Marta, o tshwèt ngùtni wul o, mbèn nke ndab wul o num tshu yàme.

Lukas 12:40

Mba bin zin, bin be tswe, nke mbébe, nummbe Mén mèn nsi se' à num nyam ze bin ke' kwate ndù a' se' là.

Lukas 17:3

Bin bam nà num tu wut tsine. A be ze mfèl o ghù nukebwô là, o tshobt'é, a be z'a kaṅ ntù i là, o lagte yi.

Lukas 21:35

Nummbe a nsi se' à mba fot là, ghom njoṅ benntùn fa num nsitsha'a.

Lukas 21:8

A tshob ndù: Bin bam nà ndù kà bo fùte zine, nummbe benntùn yàm nsi se' lo' lén sàm tshob ndù: A b'a me bèn mbe Kristô, mba ndù ngelaṅ tshwèt ngebte, kà bin bwe yube!

Lukas 8:14

Nsa mi a vù dù' ngumndot là b'a benntùn tse bo ju' ntshob Nsi, là nelab wut, nu neghù tshu yàm se', mfam yub num manze, bo ke yam sàm tàm nà.

1 Korintô 5:11

là me lo kite bin à ndù kà bin à mèn z'a num ntsiaṅ wul i mènkristô mbe kattù, ngaghe'te, ngaghamte nsi neto, ngaso ndon, mbum ndu', ke fimntshu là lo, be num nu; kà bin lèn yen mèn nà jù jujù.

1 Korintô 6:10

ke ba tshô, ke ghaghe'te, ke ghabum ndu', ke ghaso ndon, ke fimntshu lo ke nsi ghù yub bag i ntùm nufen Nsi.

Galatia 5:20

nefa' nsi neto, nu ka, kebàn, ntsha, ghe'te, tshùagntù, nediag ntsha, fagte, nkwate nzenze,

Nebwôgte 29:19

Tshùaben ke nsi lagte tse lèn yen mèn nà. Là yantù bo lànghe' Tshùaben nsi kam num yen mèn nà, njoṅ ndon fa bo kite ntùm yen ṅwa'ni li là tsho tu i, Tshùaben be bèn mbwete lén se tun bam kamànyam.

Filipi 4:6

Kà bin nywin num sàm ju, là njoṅ ngelaṅ fa, bin tshùa njam le'te Nsi, le'te boa neghamte ntshob tshu ts'a bwoṅ bin nà Nsi.

Héber 12:15

Bin zi tshùalo ndù kà sàm mèn bwoṅ kondèn Nsi, ndù kà sàm nga nezwe bit nkaṅe, ke kag tshu'tu, ndùlala ndù benntùn yàm tshùa njam i, ngone.

2 Pétro 3:10

Là lé'njù Tshùaben nsi se' à mba ntshô là; ntùm sen lé'njù là, kamànyam nsi tôg ntùm fet neta, tshu njù ts'a tshwèt nkù là sate, tsha mba tshu tse bo fa' ntùm bwe là kù ntùm mbwôge.

2 Pétro 3:14

Fèt tshàm tse nkôni, ndùlala bin be béb yen nà, nkagtùn ndù Nsi tèt zin ke ṅu'u, kelo', ntùm fite.

Apokalipse 3:3

Ndùlala, kwimte mb'o na' nkwé mbèn nju' là, lé'é, kaṅ ntù o. Là, a be z'o ke' zi tshùalo là, mba me nsi se' mba ntshô là, o ke lèn ngelaṅ me nsi se' num o là.

1 Samuél 25:36

Abigail kum mbaṅ Nabal. Ntèl i ndà i, a nke njù jùa bwe mba ta' mfen nà. Ndù tsiaṅte dun ntù i, a be ts'a ntùm ndu' koṅkoṅ. Abigail ke tshob sàm nu yi, ze nke' ke ze ndùb lo, tà nèn nkum mfôgnjù.