Lukas 21:25 - NTSHOB NSI

²⁵ Ba lèn nsi tum num lagnyam, maṅwù mba nsa. Bwôg nsi tshùb ngôngô num nsitsha'a, tu tshob tshu' ngelaṅ dibantse tshu' boa fetntse là.

Lukas 21:25 Iomraidhean Croise

Yobkwi 46:3

Ndùlala bèn ngù kà bag ke be bwôg mba ngelaṅ njù kamte, ba mbat nke mvètte mà ntùm ba dibantse là.

Esaya 13:10

Ke nsa maṅwù, ke mo' bwoṅ nsa là lo ke nsi bèn ké'te yub nelàne; lagnyam nsi tam njam a kua' ndùs'a yoṅ tum tù là, maṅwù ke nsi bèn fà nelàn i.

Esaya 17:12

Wé! Ke lèn tshu'te li yen bwoṅ benntùn ni be yi à! Bo ke ntshu' à kua' mba dibantse ke ntshu' là. Ke lèn tshu'te li ze ngôngô be yi à! Bo ke ntshu' à mba ntse ndùbndùb ke ntshu' là.

Esaya 24:23

Tuswe nsi kabte maṅwù, tuswe ko lagnyam; nummbe Tshùaben tàndà ntsho nsi tô num mbat Sion mba Yérusalém, ke kuni ntùm ghamte mbwe tse ghakwé mbwe.

Esaya 5:30

Netshu' z'a fute ze fetmbaṅ num dibantse là nsi be mbaṅ i num sen lé'njù là. Mèn nsi lôte tsha' ngô yen à njam bo nge'. Njam nsi fam nelàn mfe kamànyam.

Esaya 51:15

Me b'a Tshùaben Nsi o, z'a be nkamte dibantse, ngù ntu' ntse nke ntshu' là. Lén sàm b'a Tshùaben tàndà ntsho.

Yérémia 4:23

Me Yérémia lôte tsha'a, njen a b'a banban, mbe nge; ndôte kamànyam, njen ndù nelàn fa bi mfe bwe.

Daniel 12:1

Mikaél nsi lo nsi num yen ngelaṅ nà. A b'a mfen ndùb z'a be ntsin mbaṅ yu nzwit mèn nà. Yen ngelaṅ nà nsi b'a ze nge', lèn nge' z'a ke' to' be, tà nse' nkum sènni, fe mba ngô be là. Nzwil o nsi tum ntshu vù yen ngelaṅ nà, benntùn tshen nà tse bo nsi tèt ndèn mub mum Ṅwa'ni là.

Mika 7:4

Mènntùn z'a netèt bo là b'a mba kwékwénàndô là, mèn netsin z'a netèt bo là bag mba kàb njô là. Lé'njù nge' se tsho ghatshob ntsho Nsi na' ntshob là ghebte. Bo nsi tswe à ntùm tuswe yen ngelaṅ nà.

Matio 24:29

Là nge' tshen lé'njù là nsi yoṅ be mi, lagnyam sène, maṅwù ke bèn mfà nka' i, nsà mfe kamànyam nsi vùte nsi, neta mfe kamànyam bèn nyi'te.

Matio 27:45

Fe njagnyam, njam sèn ntùm njoṅ dù' fa tà nèn nkum nyam tat.

Marko 13:24

Là num tshen lé'njù là, nge' a' be mi, lagnyam sèn, maṅwù ke bèn mfà nka' i,

Marko 13:26

Yen ngelaṅ nà, bo nsi yen Mén mèn se' ntùm ndot boa neta yàme, mba nkuni.

Marko 15:33

A be be njagnyam, njam sèn ntùm njoṅ dù' fa tà nèn nkum nyam tat.

Lukas 21:24

Bo nsi vù num ntshùag ṅwi, bo lo' yub ngù kuan yi netèt ngôngô. Ghakelèn Nsi nsi nyiaṅte Yérusalém nku tà kum num ngelaṅ yub nemiagte nsi bumte là.

Lukas 21:26

Benntùn nsi kwù bwôg ntùm nebéb tshu ts'a nsi se' mum njù là, nummbe neta mfe kamànyam nsi nyi'te.

Mfa' Ghantum 2:19

Me nsi ghù nu netshàm mfe kamànyam mba nsà num nsitsha'a: Lem, mbwôge, mba nzembwôge.

Apokalipse 20:11

Me yen mo' ko'fen se ndùb mba mèn z'a tswe num bwe là; tsha' mba kamànyam kù mbwe i, bo ke bèn njen dù' yube.