Mènnzwi là tshob ndù: A bwô ndù mfen kwimte Tshùaben Nsi i, ndùlala ndù kà ngayagte mba' lem ts'a fètte là, kwi'te fam, mba ndù kà bo biagte nshum àm. Mfen David lo' lén Tshùaben nu ngu yi ntshob ndù: Me bù wù mbe ntàn nyiaṅtu nshum o ke vù nsi.
Ngô tshob Saulo ndù: Ke di! Yonatan nekwù à? Yi z'a tshu' ba Israél là ké? Nga, ke b'a ndùlala, Nsi b'a ntùn! Mba nda' ntàn nyiaṅtu ke nsi tsho' tu i vù nsi, nummbe Nsi tshùa njam i kà ngù njoṅ i fa sen lé'njù li. Ndùlala ngô yôg Yonatan, a ke kwù.
A be ze mèn ghù nkwate neyab njam o, nya' tu o là, mba Tshùaben Nsi o nsi lem o mbaṅ i, mfé' dù' z'a num ndé' ntù ben tse bwe là me tshùaben àm. Yen nà nsi be tôg a biagte ghakeban tsho, ma' yub ngùanesà mba bo num ma' loṅ num shùmte là.
