Lukas 20:22 - NTSHOB NSI

²² Ntshù' bam bag ndù bag fà ntshub Kàsà ké, ke nga à?

Lukas 20:22 Iomraidhean Croise

Esdra 4:13

Ndùlala, a bwô mfen lèn ndù a be ze bo bèn nkut sen tusô là, mbèn mbù'te kàbngô là, mba bo ke bèn nefà ntshub, ke fà tagsi, ke fà nkàb bam ntshùa, a tshùa ndùlala tshunkàb mfen vù nsi.

Esdra 9:7

Neto' num ze ngelaṅ tà tshag tà nse' nkum sènni, bag b'a tonkèt ghavù ntsha. Mfànnu mag na' mbèn ngù kà bag ntù' bu', bag, fenfen tshag boa ghale'te tshage. Bag lo tù' ju ntàn fenfen tsemo' ngô, ntù' ghakwù ṅwi, ntù' kuan, bo lag ntsha' yag, tuswe ko yage, mfim yag tà nse' nkum mba sènni.

Néhémi 5:4

Tsemo' bèn nke ntshob ndù: Bag lo' nà tshag boa nkùa tshag mfo nkàb yi num ntshub mfen.

Néhémi 9:37

Tshen tsha' là be mfà tshu a tù' à tse fenfen ts'o na' ma' yub nsi mbwe bag là, nummbe nukebwô yag yab nge' num bag; bo ke ntô mbàb wut yag boa tshag nyàm à mb'a ko' ntù bo là.

Matio 17:25

A tshob ndù a num mfà. Ngelaṅ Pétro tsho ndà là, Yésu bwôgmbwe ntshob yi ndù: Simon, o kwate ndùke? Fenfen ntùm njù ke nkwé ma'te mba ntshub à ba we? Bon tshob ke ba ghùn à?

Lukas 20:21

Bo bètt'é ntshob ndù: Ngatswite, bag lèn ndù ntshob mu mba yu netswite b'a netsine; o ke' be lôte tsho mèn, là o num ntswite manze Nsi ntùm nenùne.

Lukas 20:23

Yésu lèn nkùnkù yub ntshob bo ndù: Bin lo' denario ntswite me.

Lukas 23:2

bo to' netete nu tu i, ntshob ndù: Tshù mèn ze bag yen i, a nke mbagte tu benntùn ntùm ngô yag li; a num nke nto' ndù kà bo fà ntshub Kàsà, mbèn nke ntshob ndù tu wul i b'a Kristô, mbe mfen.

Mfa' Ghantum 5:37

A lo bèn mbe ngelaṅ ze bo ke nsiaṅ ndèn nà, Yuda ze Galiléa tum, nsoṅte kua' benntùn yàm njam i. Mba yi bèn mbi ze; njoṅ benntùn fa tse bo be njam i là sate.

Roma 13:7

Bin fà ju ze njoṅ benntùn fa ku'ni nekwé bin nà bo; mfà ntshub ngakwé ntshub, mfà ju fé' ngakwéfé', mbwôg mèn z'a bwô ndù bin bwôg i là, ngamte mèn z'a bwô ndù bin ghamt'é là.

Nebwôgte 17:15

a bwô ndù o lo' a mfen ze Tshùaben Nsi o tsho' là; o nsi lo' mfen a netèt fèt tsho. A ke' bwô ndù o lo' a ngùn ngù mfen yi num o, k'a ke b'a mo' ta' mfèl o.