Lukas 2:9 - NTSHOB NSI

⁹ Tshù, mo' Angél Tshùaben ṅwag ntsin mbaṅ bo, nkuni Tshùaben ziag num miag mube, bo bwôg kua' neshu.

Lukas 2:9 Iomraidhean Croise

1 Fenfen 8:11

Ghale'te Nsi ke ku'ni neghô bwe mfa' fa' num nu ndot. Nummbe nkuni Tshùaben lo dun ntùm ndà i.

Netume 16:10

Ndùse Aron ke ntshob nu bon Israél là, bo kaṅ wut nke ndôte nze mfe kônkwa. Bo yen nkuni Tshùaben ṅwag ntùm ndot.

Netume 16:7

a nsi be nkebnjù bin yen nkuni Tshùaben, nummb'a ju' mba bin tshobte tun ntô num i là. Mba bag là, bag b'a ba we kà bin nke ntshobte tun ntô num bag à?

Esaya 35:2

Nsàm nenà nsi kab bwe, la' ke ntam tsiaṅte, ntùm nkwi ṅwate bo ngu'u. Ze ghamte Liban nsi bèn be yi, ze Karmél mba Saron. Bo nsi yen nkuni Tshùaben, yen nkuni Nsi yag.

Esaya 40:5

A nsi tshùa ndùlala nkuni Tshùaben la'te wul i. Njoṅ benntùn fa nsi yen i be num yen ngelaṅ nà. Nummbe ntshu Tshùaben bèn ntshobe.

Esaya 60:1

Lo nsi, be ntùm nelàne, nummbe Tshùaben nà z'a tum netèl o là.

Ezékia 3:23

Me lo nsi nèn mà tômbo'o; tshù, nkuni Tshùaben ṅwag bwe, be ndaṅndaṅ mba me yen i mbaṅ ta'ntse Kebar, ngwù nsi kabkab là.

Matio 1:20

Ngelaṅ z'a ke nkwate yen nu là là, mo' Angél Tshùaben ṅwag yi ntùm njem, ntshob ndù: Yosèf mén David, kà bwôg nelo' Maria, nzwi o la' o. Nummbe mén z'a lét là fe à Ywèt Nelàne.

Lukas 1:28

Angél be kum mbaṅ i ntshob ndù: Me tsha't'o, wù ze Nsi fà kondèn i wù là; bin Tshùaben bèn mbe.

Lukas 2:8

Tsemo' ghakwé mbwe lo be yen dù' là, nke ntswe tshwèt, mbéb mbwe tshob tèttswe'.

Lukas 24:4

Nu tshùa yube, bo to' netshàme; tshù, tsemo' ben bàa se' ndù bo ma' nzwe ṅwa'ṅwa' num bo.

Yohané 12:41

Esaya tshob tshen tshu là, nummbe a lo yen nkuni mi, kà ntshob nu num i.

Mfa' Ghantum 12:7

Tshù, mo' Angél Tshùaben ṅwag, mo' nka' nelàn dun ntùm ndàtsha. Angél labte nsa Pétro, ngù a bam. A tshob yi ndù: Lo tù ndende! Nkù tùn kebte mum mbu mi, ngwù nsi.

Mfa' Ghantum 27:23

Yen tèttswe' li, Angél Nsi z'a ghù àm, ze me ke mfa' yi là ṅwag me,

Mfa' Ghantum 5:19

Là Angél Tshùaben ghab nzendà ndàtsha bo tèttswe', ngù bo tum,

2 Korintô 3:18

Là njoṅ be fa tse se be b'a nge là, num ndôte nkuni Tshùaben; mi a kaṅ be num mfuni mi mi a tum ntùm nkuni, ntsho ntùm nkuni, mb'a bwô Tshùaben z'a b'a Ywèt là.

2 Korintô 4:6

Nummbe Nsi z'a tshob ndù: Nka' ké' ntùm njam nà, lo ké' ntùm ntù tshage, ndù nelèn nkuni Nsi z'a be num se Kristô là tswite wul i.

1 Timôtio 3:16

Kua' nenùne, tsham neghamte Nsi b'a se ndùb: A lo tswite wul i ntùm mbàb wut, ntù' mèn netsin njam Ywèle, a lo la'te wul i ba Angél, bo lo tshob i netèt ghakelèn Nsi, bo lo bam i ntùm ntù, bo lo bù' i tù ntùm nkuni.

Héber 12:21

ju ze bo ke njen nà lo kag bwôg kà Mosé tshob ndù: Me tshwèt mbwôge, kà nke mvètte.

Apokalipse 18:1

Tshen nà lo be tshùa, me yen mo' Angél swe' mfe kamànyam, ndù a ghù ngù' ndùb, nkuni mi ke' num nsitsha'a.

Apokalipse 20:11

Me yen mo' ko'fen se ndùb mba mèn z'a tswe num bwe là; tsha' mba kamànyam kù mbwe i, bo ke bèn njen dù' yube.