Lukas 2:41 - NTSHOB NSI

⁴¹ Tàab mba màab lo ke nèn Yérusalém njoṅ ngu'ngu' fa mum lé' jùa Pasa.

Lukas 2:41 Iomraidhean Croise

Netume 12:11

Bin fèt ntaṅ kob tun bin, nso nsilibat nku bin, ntshùb kôg bu bin. Bin be fèt nke nànte. A b'a Pasa Tshùaben.

Netume 12:14

Bin nsi ke kwimte sen lé'njù là. Bin nsi ke jù jùa là ghamte Tshùaben yi. Bin ke ngù ndùlala ngu'ngu'. A be kàn s'a ghô matmat là. Bin ke ngù sen jùa là.

Netume 34:23

Njoṅ bandum fa nsi ke nèn mbwe Tshùaben Nsi, Nsi Israél yoṅ tse tat num tamngu'.

Lévitiko 23:5

Pasa Tshùaben a' ghù mbe mfetnjù num mbatte lé'njù ntshob kuà gham ntùm mbwe maṅwù.

Nesiaṅe 28:16

Num mbwe maṅwù ntùm lé'njù ntshob kuà gham, a b'a Pasa num neghamte Tshùaben.

Lukas 2:42

Ngelaṅ Yésu kum ngu' ntshob bàa gham nà, bo ko' nèn mfe Yérusalém mb'a be matnu mum lé'njù jùa là.

Yohané 11:55

Là Pasa ba Yuda lo ghebte. Benntùn yàm nke ndo ntùm bag ngô, nko' nèn Yérusalém num nelànte wut tshob kà Pasa ku'u.

Yohané 13:1

Ndùlala lé'njù jùa Pasa lo be ku'u, Yésu be lèn ndù ze ngelaṅ ku' nelo ntùm yen njù li nèn ntèt Tà; a kô tse ben tse bo be ntùm njù là, nkô yub tà nèn miagte.

Yohané 2:13

Pasa ba Yuda lo be ghebte, Yésu ko' nèn Yérusalém.

Yohané 6:4

Là Pasa lé'njù jùa ba Yuda lo ghebte.

Nebwôgte 12:11

Yen ngelaṅ nà Tshùaben Nsi zin nsi tsho' ta' dù' ze lén se nsi ke tswe a bwe là. A bwe là ze bin nsi nèn tshu tse me nsi tshob bin bwe là: Nyàm tse bin ton nà; tsin tshule'te, ta' nze ju ntshù' num tse nze gham, tsin mbwe tshu, tsin tshu bwôntù tse bin tswitte lo' zwiagte min nka'ni yi mbwe Tshùaben nà.

Nebwôgte 12:18

Là, a b'a mbwe Tshùaben Nsi o z'o nsi jù bwe là, mb'a kua' dù' z'a tsho' là. O nsi jù à bwe bin nshum o, ngon o, ngafa' o ze mandum mba ze mènnzwi, mba mèn Lévi z'a be la' o là; a b'a mbwe Tshùaben Nsi o z'o tsiaṅte bwe num bon tshu ntùn ts'o ghù ndù Tshùaben bèn mfà wù là.

Nebwôgte 16:16

Mba zit mandum no nsi se' mbwe Tshùaben Nsi o yoṅ tse tat tamngu', num dù' ze Tshùaben nsi tsho' là num men njùa li: Jùa bàn ke te ywibte se, jùa ba ngabnjù bo jùa ntàb. Kà mèn se' mbwe Tshùaben ke be ndù a tshùb ju bu i.

1 Samuél 1:21

Ndu i Elkana lo' ze tunndà fa, nko' nèn fà jule'te ze tamngu' Tshùaben, mba ndù a zwiagte ze nka'ni a bumte.

1 Samuél 1:3

Mandum nà lo ke ndo se tusô nko' nèn Silo mba zit ngu'njù lo num nevù mbwe Tshùaben tàndà ntsho, mfà tshule'te yi. Hofni bo Finéas ghafà tshule'te Tshùaben na' mb'a bwe. Bo na' mb'a tse nshum Eli.