Lukas 2:4 - NTSHOB NSI

⁴ Mba Yosèf lo ze Galiléa ntùm ngô Nazarèt, nko' nèn Yudéa ntùm ngô David ze lén se be Bétléhém nà; nummbe a na' mb'a mèn ntùm tunndà David.

Lukas 2:4 Iomraidhean Croise

Neto'te 35:19

Rashél kwù, bo tshoṅ i num manze Efrata z'a be Bétléhém sènni là.

Neto'te 48:7

Me lo be fe Padan, Rashél kwù mum mbu màm num manze, ntùm ngô Kanaan, a nke ntù' metsili me kum Efrata; me lo tshoṅ i bwe num manze Efrata, z'a be Bétléhém sènni là.

Mika 5:2

A ndùlala, Nsi nsi ghua' yube, tà nkum ndùse mènnzwi z'a bwô ndù a bwe nsi bwe, tshé' fèt tse bèn njam ntamte num bon Israél là.

Matio 1:20

Ngelaṅ z'a ke nkwate yen nu là là, mo' Angél Tshùaben ṅwag yi ntùm njem, ntshob ndù: Yosèf mén David, kà bwôg nelo' Maria, nzwi o la' o. Nummbe mén z'a lét là fe à Ywèt Nelàne.

Matio 2:23

nkum bwe, nke ntswe ntùm mo' ngô lén se Nazarèt, ndùlala ndù men ntshob li mi ngatshob ntshob Nsi na' ntshob là, bumte ndù: Bo nsi tsiaṅ i ze Nazarèt.

Lukas 2:3

Njoṅ benntùn fa nèn ndù bo kite lén sube, mba we lo ntùm ko' ngô i.

Lukas 2:5

A nèn ndù bo kite lén se bo se Maria nzwi i z'a be jùm nà.

Lukas 4:16

A nèn Nazarèt dù' z'a ku' bwe là, ntsho sinagogue lé'njù Sabbat, mb'a be ze matnu là, a lo nsi num nesiaṅe.

Yohané 1:46

Natanaél tshob yi ndù: Be ju mebwô tum Nazarèt ké? Filibo tshob yi ndù: Se' njene.

Yohané 7:42

Ṅwa'ni Nsi lo ke tshob ndù Kristô nsi fe à ntùm nzwit David, ntùm Bétléhém, taṅla' ze David be mèn bwe là ké?

ṄWA'NI RUT 1:19

Bo zin ntu tshob bàa nèn nkum mà Bétléhém. Ndùse bo tsho mà Bétléhém nà, njoṅ ngô fa nyi'te num bo, bènnzwi nke ntshob ndù: A ke b'a Naomi li ké!

ṄWA'NI RUT 2:4

Boaze fe Bétléhém nse' ntshob ghatsho' tshu ndù: A bwô ndù bin à Tshùaben be. Bo bùnte yi ndù: A bwô ndù Tshùaben yab kàn, ntam ntse wù.

ṄWA'NI RUT 4:11

Njoṅ benntùn fa tse bo be nsém nà, mba kamkam tshob ndù: Bag b'a ghakwénta! A bwô ndù Tshùaben ghù ndù mènnzwi z'a tsho ndà o là be mba Rashél mba Léa, tse ntu tshob bàa na' nte tunndà Israél là. La'te yu neta Efrata, te lén so Bétléhém!

ṄWA'NI RUT 4:17

Ba ndùla' tswi lén se ntshob ndù: Bo bwe mén mandum Naomi. Bo tsiaṅ i ndù Obèd. A b'a tà Isaï z'a be tà David là.

1 Samuél 16:1

Tshùaben tshob Samuél ndù: O nsi làn num Saulo tà kum a ndùke? Me lo kwé fen Israél yi. Ghù mo' ndô mfèt bàm o. M'a' tum o Bétléhém la' mo' mandum lén se Isaï, nummbe me fon mo' ta' nshum i, a tum mèn ze ntù àm kô nelo' i ngù mfen yi là.

1 Samuél 16:4

Samuél ghù ju ze Tshùaben tshob yi là ndo nèn Bétléhém. Ghakwé mbwe tse bo be tusô là kù nde nse' mbwe i ntùm vètte, mbètt'é ndù: O lo' a tshô mebwô nse' yi ké?

1 Samuél 17:12

David na' mb'a nshum Isaï z'a be Efrata là. Efrata b'a Bétléhém mà Yuda. Isaï lo ghù nshumnshum fome. Saulo lo be jù fen ndù Isaï yà ywèn kua' neshu.

1 Samuél 17:58

Saulo bètte David ndù: O b'a nshum we ménnshum? David bùnte ndù: Me b'a nshum ngafa' o Isaï ze Bétléhém.

1 Samuél 20:6

A be ze tàan yen ndù me ke nsi là, mb'o nsi tshob yi ndù: David lo nde't'àm ndù me faṅ a kù nde nèn Bétléhém, se tusô, nummbe ta' jule'te tamngu', ze njoṅ tunndà fa num bwe.