Lukas 2:34 - NTSHOB NSI

³⁴ Siméon naṅ mbotni num bo, ntshob Maria ndù: Tshù, bo yab yen mén ni a ndù benntùn yàm netèt ba Israél tshùa num i ngwù nsi, tsemo' bèn ndo tù. A bèn mb'a lèn ze bo nsi tshabte là.

Lukas 2:34 Iomraidhean Croise

Neto'te 14:19

A yab kàn Abram ntshob ndù: Nsi z'a be tà mfe tù, z'a nabte kamànyam bo tsha' là yab kàn Abram.

Neto'te 47:7

Yosèf ghù bo lo' tàab nse' yi a la't'é Faraon. Yakob tsha'te Faraon.

Netume 39:43

Mosé lôte fa', njen ndù bo fa'a, mfa' kua' mba Tshùaben na' ntshob là. Mosé naṅ mbotni num bo.

Esaya 8:18

Tshù, me mba bon tse Tshùaben fà me là, bag b'a lèn boa keki ntùm ngô Israél. Bag be ndùlal'a num ze tu Tshùaben tàndà ntsho z'a be ntswe num tu mbat Sion nà.

ṄWA'NI OSÉ 14:9

Ke ze Efraim bèn nke' ngù bo neto à? Tu wul àm me be mbùnte yi, nke ndôt'é. Me be yi à mba tshom s'a te' là. O ghù neyen ndô tshom num àm.

Matio 11:19

Mén mèn lo se'e, nke njù, mbèn nu; bo tshob ndù: Tshù ngajù mba nganu ndu', nshun ghakwéfé' mba ben kebwô li. Là mfa' mi lo la'te ndù zenu Nsi b'a netsine.

Matio 12:46

Ngelaṅ a ke nke' ntshob nu bwoṅ benntùn nà, tshù, màab mba fèt tse tsin njù, nke ndiag i netshob nu yi.

Matio 21:44

Mèn z'a nsi vù num sen loṅ nà nsi be'te wul i bwe; a be ze sen loṅ nà bèn ngwù num mèn nà, mb'a' nywi't'é.]

Matio 27:63

ntshob yi ndù: Tshùaben, bag kwimte ndù yen ngatatte là lo tshob ngelaṅ z'a ke' ntùn nà ndù: A nsi be tshùa lé'njù tat, a lo num vù.

Lukas 2:35

Bi nsi sob ntù o, ndùlala ndù nkwate nu benntùn tum dù' tàyage.

Yohané 3:20

Nummbe mba we lo z'a num ngù nukebwô là num mban nka', mbwôg ndù kà mfa' mi tum dù' tàyage.

Yohané 5:18

A tshùa num ndùlala ba Yuda bèn nke ndiag nezwi i, ke b'a nda' mb'a ke mbagte lé'njù Sabbat là, là num mb'a ke mbèn ntshob ndù Nsi b'a kua' Tàab, nke ndo' wul i ndaṅndaṅ mba Nsi là.

Mfa' Ghantum 13:45

Là ba Yuda be yen yen bwoṅ benntùn nà, ghe'te dun ntùm ntù tshobe, bo to' nebagte ntshob Paulo, mbèn nke ntshabt'é.

Mfa' Ghantum 17:6

Là, mba bo be ke yen yub là, bo soṅ Yason mba tsemo' fètfèt nèn yi mbwe ghatô ngô, nkua' ntshob ndù: Tshen ben nà tse bo tshwèt mbagte njù là, se' tà nkum mba nsen ni.

Mfa' Ghantum 24:5

Bag yen yen mèn ni a b'a mo' ngokèt z'a tshwèt nkag tshu'tu netèt njoṅ ba Yuda fa ntùm njù fa là; a bèn mbe ngalo' mbwe num nu ba Nazarèt;

Mfa' Ghantum 28:22

Là bag ke' gha neju' ju z'o kwate là. Bag lèn ndù nu z'o be mèn ntùm bwe là, bo num ntshabt'é njoṅ dù' fa.

Mfa' Ghantum 4:26

Fenfen ntùm njù kame, kamkam ghù ntse'te netèt bo num nebàn Tshùaben mba Kristô i.

Mfa' Ghantum 6:7

Ntshob Nsi nke nèn be mbwe, ghazi'te nke njàm Yérusalém neyàme, mba mo' bwoṅ ghale'te Nsi ju' ntshu bamntù.

Roma 9:32

nummbe bo lo ke ndiag nesô i à ntùm mfa', ke b'a ntùm bamntù. Bo lo fa'te num loṅ fa'te,

1 Korintô 1:23

là bag b'a num ntshob Kristô ze bo kwimt'é num fanta'tù là, a b'a nu fa'te ba Yuda, mbe nu bà ghakelèn Nsi,

Héber 7:1

Nummbe, yen Mèlkisédék là, mfen Salém, ngale'te Nsi, Nsi z'a mfe tù là, z'a bumte bo Abraham, naṅ mbotni num Abraham z'a ke mbèn njam ngelaṅ fenfen vù ntsho là.

Héber 7:7

Mo' tantshu ke bwe, mèn ndùb na' mbèn naṅ mbotni num mèn nke'e.

1 Pétro 4:14

Bin b'a ghafen, a be ze benntùn tshabte zin num lén Kristô là, nummbe Ywèt nkuni, Ywèt Nsi num ntswe num bin.

1 Samuél 2:20

Eli nke naṅ mbotni num Elkana bo nzwi i ntshob ndù: A bwô ndù Tshùaben fà bon bin bin yen mènnzwi li, ndo' mbate ze mènnzwi li fà yi mb'a bètt'é là. Bo bèn njam la' bo.