Lukas 2:27 - NTSHOB NSI

²⁷ Ywèt lo tènt'é ndù a nèn nkum Ndà Nsi ngelaṅ tà Yésu mba màab lo' i nse' yi neghù ndù ju ze ntshù' ke ntshob là bumte num i là;

Lukas 2:27 Iomraidhean Croise

Yérémia 32:11

Me lo' ṅwa'ni ze me jun nà yi là, ndo' ze bo te màkwa bwe là, ngù ndaṅndaṅ mba ntshù' tshwèt mbètte, bo mb'a be matnu là, mbèn ndo' mba ze bo tsho' là;

Matio 4:1

Ywèt Nelàn lo' Yésu nèn yi kônkwa ndù Satan laṅt'é.

Lukas 2:22

Lé'njù nelànte wut tshob mb'a be ntùm ntshù' Mosé là lo be bumte, bo lo' mén nèn yi Yérusalém num nela't'é Tshùaben,

Lukas 2:28

Siméon kwé i mum mbu mi, ngamte Nsi ntshob ndù:

Lukas 2:41

Tàab mba màab lo ke nèn Yérusalém njoṅ ngu'ngu' fa mum lé' jùa Pasa.

Lukas 2:48

Tàab mba màab be yen i, nu tshùa yube, màab tshob yi ndù: Mén àm, o ghù ndùlala num bag numke? Tàan mba me, bag yen nge' neshu nediag o.

Lukas 2:51

A swe' bo à bo nkum Nazarèt, nke nju'ni yube, màab lé' njoṅ tshen nu là fa ntù i.

Lukas 4:1

Yésu dun Ywèt Nelàne, nke mfe Yordan; Ywèt Nelàn tshag i num kônkwa.

Mfa' Ghantum 10:19

Ywèt tshob Pétro ngelaṅ a ke nkwate tu i num njem nà ndù: Tshù, ben tat tshwèt ndiag o,

Mfa' Ghantum 11:12

Ywèt Nsi tshob me ndù me nèn bag à bo kà me me'te. Tshen fètfèt ntôg li nèn ntshag àm, bag à bo nèn nkum ndà Kôrneliô.

Mfa' Ghantum 16:7

Bo be kum mbaṅ Mésia, nkwate nenèn Bitinia, là Ywèt Yésu ke bam bo.

Mfa' Ghantum 8:29

Ywèt tshob Filibo ndù: Kù' nèn mbaṅ kalige.

Galatia 4:4

Là ngelaṅ lo ku'u, Nsi tum Mén i, ze mènnzwi bwe i là, ze bo bwe i tun ntshù' là,

Apokalipse 1:10

me na' mb'a ntùm Ywèt mum lé'njù Tshùaben, nju' mo' nze neta njam àm, a be ndaṅndaṅ mba nze nta là,

Apokalipse 17:3

A kel àm ntùm ywèt nèn yi kônkwa. Me yen mo' mènnzwi ndù a tswe num nyàm meba, z'a dun ba lèn tshabte là, ngù tu sammbàa mba ndô mi gham nà.