Lukas 2:20 - NTSHOB NSI

²⁰ Ghabéb mbwe be bèn njam, nke ngamte Nsi, nyàmt'é num njoṅ nu fa bo ju' mbèn njen be ndaṅndaṅ mba bo lo nsoṅ yub là.

Lukas 2:20 Iomraidhean Croise

Yobkwi 106:48

Ghamte be Tshùaben, Nsi Israél, fe ndùke lo tà nèn nkum mba ndùke lo. Njoṅ ze nzwit mèn fa nsi tshob ndù: Amén! Aléluya! Ghamte be Nsi.

Yobkwi 107:15

A bwô ndù bo ghamte Tshùaben num kondèn i mba mum mfa' mi mi nekuni num bon mèn nyiaṅtu!

Yobkwi 107:21

A bwô ndù bo ghamte Tshùaben num kondèn i mba mum mfa' mi mi nekuni num bon mèn nyiaṅtu.

Yobkwi 107:8

A bwô ndù bo ghamte Tshùaben num kondèn i mba num mfa' mi mi nekuni num bon mèn nyiaṅtu.

Esaya 29:19

Ghayennge' nsi tsiaṅte num Tshùaben. Bwoṅbwoṅ nsi lo' Mèn Nelàn Israél mba yub tunu ṅwate là.

Matio 9:8

Bwoṅ benntùn be yen yen nu là, mbwôge, bo ghamte Nsi z'a fà lèn yen ngù' là benntùn nà.

Marko 1:7

A nke ntshob ntshob Nsi benntùn, ntshob ndù: Mo' mèn tshwèt nse' njam àm ndù a ta ntshùa àm, me ke' ku'ni neben wul àm nsi, nké'te nketo' mi.

Lukas 18:43

Be num yen ngelaṅ nà, a yen nze, ntam njam Yésu nke ngamte Nsi. Njoṅ benntùn fa be yen yen nu là, mfà ghamte Nsi.

Mfa' Ghantum 11:18

Ngelaṅ bo ju' men ntshob li là, ntù tshob fite, bo ghamte Nsi, ntshob ndù: A kua' nenùn ndù Nsi bam nu nekaṅ ntù, nse' njôg mba ghakelèn Nsi.