Lukas 2:14 - NTSHOB NSI

¹⁴ Ghamte be Nsi tà mfe kamànyam, fite bèn mbe num nsitsha' netèt ben tse bo bwô Nsi là.

Lukas 2:14 Iomraidhean Croise

Esaya 44:23

Kamànyam tsiaṅte nummbe Tshùaben fa'a. bam tsha' ṅwate! Ba mbat tshag nze yub tù ntùm tsiaṅte. Mfèn boa ntù mub tsiaṅte nummbe Tshùaben tshu' Yakob. A tswite nkuni mi num Israél.

Esaya 49:13

Yob kwi me kamànyam! Ṅwate ntùm ntù o me tsha'! A bwô ndù ba mbat bèt zwi ntùm tshu'te! Nummbe Tshùaben fite ntù ze nzwit mèn. A ko ndèn ben tse ntùm nge'.

Esaya 57:19

Me nsi yab nenyàmte num nkub ntshu mube, bo ke ntshob ndù: Fite, fite be mèn z'a ngùanesà bo mèn z'a ghebte là.

Mika 5:5

Fenfen tse nsi lo' ṅwi tshagte Asiria yi; bo nsi lo' bi tshagte ngô ts'a Nimrod là yi. A nsi tshùa ndùlala, a tshu' be bu Asiria, a be z'a tsho ntùm ze be ngô, a be z'a te ku i num tse be tsha' là.

Matio 21:9

Bwoṅ benntùn tse bo be mbwe mba tse bo be njam nà kua' ntshob ndù: Hôsanna Mén David, mbotni be mèn z'a tshwèt nse' num lén Tshùaben nà. Hôsanna tà mfe tù.

Lukas 1:79

ndù a ké' num ben tse bo tswe ntùm njam mba netshaṅ vù là, mbèn ntshagte nku be ntùm manze fite.

Lukas 19:38

Ntshob ndù: Mbotni be mfen z'a tshwèt nse' num lén Tshùaben nà. Fite be kamànyam, mba ghamte be tà mfe tù.

Lukas 2:13

Be ngelaṅ mbile, mo' bwoṅ Angél fe kamànyam ntamte num yen Angél là, nyàmte Nsi, ntshob ndù:

Lukas 2:15

Ngelaṅ ba Angél faṅ yub mbèn njam kamànyam nà, ghabéb mbwe tshob bo bo ndù: Bin ghù be nèn tà nkum Bétléhém, neyen ju z'a tume, Tshùaben soṅ be là.

Lukas 3:22

Ywèt Nelàn swe', nse' num i ndù a tswe mba wut là, mba bwoṅsaṅ nà. Mo' nze fe kamànyam ntshob ndù: O b'a Mén àm ze me num nkô o, mbèn njab ntù àm fa num o là.

Yohané 14:27

Me faṅ fite bin, me fà yàm fite bin, ke fà bin à mba njù num mfà là. Kà ntù tsin vètte, ke bèn mbwôge.

Yohané 17:4

Me lo kuni o num nsitsha' mba m'a miagte fa' s'o na' mfà me ndù me fa' là.

Yohané 3:16

Nummbe Nsi lo kô njù neshu, kà mfà nkwi Mén i ntshù' ndù mba we lo z'a bam i là, k'a bi, là ndù a ghù yôg matmat.

Mfa' Ghantum 10:36

Yen ni b'a ntshob mi Nsi na' ntum bon Israél ngelaṅ a ke ntshob nkùn fite njam Yésu Kristô bo là: A b'a Tshùaben njoṅ benntùn fa.

Roma 5:1

Ndùlala, mba be na' ntù' ben netsin à njam bamntù là, be ghù fite bag à bin Nsi ntshùa njam Tshùaben be Yésu Kristô.

Efésô 1:6

bag nyàmte nkuni kondèn i z'a fà be num ngankôni i là.

Efésô 1:9

ngù be lèn tsham ze nekô, ndaṅndaṅ mb'a bwô i, a nabte njab tà fe mbwe ntùm ntù i là.

Efésô 2:4

Là Nsi la'te kondèn ndùb be num nkôni i ze ndùb z'a kô be yi là;

Efésô 2:7

ndùlala ndù a la'te kondèn i ze ndùb z'a tshùate là ntùm bwôntù i z'a ghù num be num Kristô Yésu là; num ngelaṅ z'a nsi se' là.

Filipi 2:11

mba ndù njoṅ ndém fa tshob ndaṅndaṅ ndù Yésu Kristô b'a Tshùaben, num nkuni Nsi Tà.

Filipi 2:13

Nummbe Nsi b'a mèn z'a num mfà nekô mba neghù netèt bin mb'a bwô i là.

Kolosé 1:20

ntshùa njam i mba njam lem fanta'tù i, mfà fite tshu ts'a num nsitsha' là, mba ts'a be mfe kamànyam nà.

2 Tésalônikà 2:16

A bwô ndù tu wut Tshùaben be Yésu Kristô mba Nsi Tà be, z'a kô yag ntùm kondèn i mfà nefitentù z'a tswe yoṅ ntshù', mba nenywinte ze mebwô bag là,

Apokalipse 5:13

Me ju' njoṅ tshu fa tse Nsi nabte là, tse bo mfe kamànyam nà, tse bo num nsitsha' là, tse bo mànjam nsi là, tse bo ntùm dibantse là, njoṅ njù fa mba tshu ts'a ntùm bwe là, nke ntshob ndù: Nyàmte, ghamte, nkuni, mba netô ngu'ngu' be mèn z'a tswe num ko'fen nà, mba mén njùmbwe.