Lukas 2:11 - NTSHOB NSI

¹¹ Tshô là b'a ndù: Bo bwe ngayôg benntùn sènni ntùm ngô David mfà bin; a b'a Kristô, mbe Tshùaben.

Lukas 2:11 Iomraidhean Croise

Neto'te 3:15

Me nsi yab nkembàn netèl o bin mènnzwi, netèt nzwil o bo ze nzwit. Nzwil i nsi ke nya' tu o, tu wul o, o ke nya' i, tshôg tun ku i.

Neto'te 49:10

Yuda nsi tshùb kôg fen, tshùb kôg nesa' yi mfé' nku mi, tà nkum ndùse mèn z'a be se nsi se' là. Ngôngô nsi ju' ntshu yen mén nà.

Yobkwi 2:2

Fenfen ntùm njù kame, kamkam ghù ntse'te netèt bo num nebàn Tshùaben mba Mén i z'a yo' i mfèt là.

Esaya 9:6

Nufen se nsi b'a ze ndùb, fite ke ndù i be num diaṅkwa tà njam i David bo nufen se. Tshùaben nsi te nufen se bèn tomt'é njam nu ndaṅndaṅ bo nunetsine, ndonni kà nèn miagte A b'a ju ze nkôni Tshùaben tàndà ntsho nsi ghù là.

Matio 1:16

Yakob bwe Yosèf, ndu Maria z'a bwe Yésu ze bo ke ntsiaṅ i Kristô là.

Matio 1:21

A nsi bwe mén mandum, o tswi lén se ndù Yésu. Nummbe a nsi bèn yôg ben tse num nukebwô tshobe.

Matio 16:16

Simon Pétro bùnte, ntshob ndù: O b'a Kristô, Mén Nsi z'a be ntùn nà.

Matio 16:20

A to' ghazi'te nu i ndù kà bo tshob sàm mèn ndù tu wul i b'a Kristô.

Lukas 1:43

Yen nu li fe m'a yà, kà mà Tshùaben àm nse' nelôt'àm à?

Lukas 1:69

ngù ngayôg be ze neta tum ntùm tunndà David ngafa' i,

Lukas 2:26

Ywèt Nelàn lo bwôgmbwe nsoṅ i ndù a ke nsi yoṅ kwù, ke be ndù a yen ngayo' mfèt Tshùaben.

Lukas 2:4

Mba Yosèf lo ze Galiléa ntùm ngô Nazarèt, nko' nèn Yudéa ntùm ngô David ze lén se be Bétléhém nà; nummbe a na' mb'a mèn ntùm tunndà David.

Yohané 1:41

A bwôgmbwe mfon mfèl i Simon, ntshob yi ndù: Bag fon Mésia, (yen nà bagt'a ndù Kristô).

Yohané 1:45

Filibo fon Natanaél, ntshob yi ndù: Bag fon mèn ze Mosé kite nu num i ntùm ntshù', ghatshob ntshob Nsi bèn ntshob là, Yésu mén Yosèf, Yésu ze Nazarèt.

Yohané 11:27

A tshob yi ndù: Ṅ, me Tshùaben, me bam ndù o b'a Kristô Mén Nsi z'a se' ntùm njù là.

Yohané 20:31

là bo na' nkite tshen tshu li à ndù bin bam ndù Yésu b'a Kristô, Mén Nsi, mba ndù bin be bam i, ngù yôg num lén se.

Yohané 4:25

Mènnzwi là tshob yi ndù: Me lèn ndù Mésia tshwèt nse' ze bo ke ntsiaṅ i Kristô là; ngelaṅ ze yen mèn nà nsi se' là, a nsi soṅ yag njoṅ nu fa.

Yohané 4:42

Bo nke ntshob mènnzwi là ndù: Bag ke' bèn mbam à nda' num mb'o lo ntshob là. Nummbe mba bag ju' yag tu, ndèn ndù yen mèn ni b'a kua' ngayôg njù.

Yohané 6:69

bag lo bame, bag lo lèn ndù o b'a mèn nelàn z'a fe Nsi là.

Yohané 7:41

Tsemo' bèn nke ntshob ndù: Yen mèn ni b'a Kristô. Là tsemo' bèn nke ntshob ndù: Kristô nsi be se' fe à Galiléa ké?

Mfa' Ghantum 10:36

Yen ni b'a ntshob mi Nsi na' ntum bon Israél ngelaṅ a ke ntshob nkùn fite njam Yésu Kristô bo là: A b'a Tshùaben njoṅ benntùn fa.

Mfa' Ghantum 13:23

A ntùm nzwil i ze Nsi tsho' ngayôg Israél, Yésu, ndaṅndaṅ mb'a na' nka' là.

Mfa' Ghantum 17:3

nke ntote mbèn nke nda'te bo ndù a lo bwô ndù Kristô yen nge', mbèn mbam num vù; yen Kristô là b'a Yésu ze me tshwèt ntshob bin nà.

Mfa' Ghantum 2:36

A bwô njoṅ ndà Israél fa lèn kua' nenùn ndù Nsi lo' yen Yésu li ze bin kwimt'é num fanta'tù là, ngù Tshùaben mba Kristô yi.

Mfa' Ghantum 5:31

Nsi bù' i bu i ze zwim, a be mfen mba ngayôg benntùn, ndù a fà nekaṅ ntù mba nelagte nukebwô Israél.

1 Korintô 15:47

Mbwe mèn ze bo nabt'é tsha' là b'a ze nsitsha'a, mbatte mèn b'a ze mfe kamànyam.

Filipi 2:11

mba ndù njoṅ ndém fa tshob ndaṅndaṅ ndù Yésu Kristô b'a Tshùaben, num nkuni Nsi Tà.

Filipi 3:8

Kua' nenùne, me lo' njoṅ i fa mba bi là num nelèn Kristô Yésu Tshùaben àm z'a tshùate là; me lo bi njoṅ i fa num i, me num ndo' njoṅ i fa mba ju neghua' là, ndù me ghù Kristô;

Kolosé 2:6

mba bin na' ntshob Kristô Yésu Tshùaben nà, bin zin à num i,

1 Yohané 4:14

Mba bag là, bag lo yene, bag be nkwé nta ndù Tà lo tum Mén i, ngayôg njù.

1 Yohané 5:1

Mba we lo z'a bam ndù Yésu b'a Kristô là, mba Nsi bèn mbwe i; mba we lo z'a kô Nsi là, kô mèn ze Nsi bwe i là.