Lukas 2:10 - NTSHOB NSI

¹⁰ Angél tshob bo ndù: Kà bin bwôg, nummbe me se' soṅ zin à nkùn mebwô ze tsiaṅte ndùb z'a nsi be ze njoṅ benntùn fa là.

Lukas 2:10 Iomraidhean Croise

Neto'te 12:3

Me nsi yab kàn ben tse bo nsi yab kàn wù là, so ndon tu ben tse bo nsi so ndon tu o là. Njoṅ nzwit benntùn fa nsitsha' nsi tshùa à njam o kà kwé kàn.

Esaya 40:9

Ko' num mbat z'a nèn tù neshu là, num netswi nkùn mebwô Sion; tshag nz'o tù neta, num netswi nkùn mebwô Yérusalém. Tshag nz'o tù kà bwôg. Tshob ntusô Yuda ndù tshù Nsi yub li.

Esaya 41:27

A b'a me bèn mbe mbwe mèn netshob Sion ndù: Tshù bo li! Tshù bo li! Mbèn ntshob Yérusalém ndù: Me tum ngantum boa nkùn mebwô!

Esaya 49:6

A bèn ntshob me ndù: Mb'o be ngafa' àm, num nebù'te nzwit Yakob mba nelo' tshé' Israél bèn yi njam nà ke' yoṅ nku'u. Me yab o ndù o be nka' nelàn ngôngô, ndo' yôg sàm nèn yi num ntôg njù.

Esaya 52:10

Tshùaben bù' bu i ze nelàn nsi num miag njoṅ ngôngô fa, mbe ndù njoṅ ntôg tsha' fa nsi yen yôg s'a fe Nsi be là.

Esaya 52:7

Nku mèn z'a tshwèt ntshob nu num fu' là nebwô mfe num tu ba mbal à! A lo' nkùn mebwô nse' yi bo tshô netshu'u. A tshob Sion ndù: Nsi o tshwèt ntô.

Esaya 61:1

Ywèt Tshùaben Nsi num num àm, nummbe Tshùaben lo yo' àm num nelo' nkùn mebwô nèn ntswi ghayennge'; a tum àm ndù me nèn njate ben tse ntù yub be' là, ndù me tshob ndù kuan tswe yub tu, ndù me tshob ndù bo kag ghandàtsha,

Daniel 10:19

A tshob me ndù: Kà bwôg sàm ju, o b'a mèn ze Nsi kô i là, fite be wù, fèn ntù, fèn ntù! Ndùs'a ke nke' ntshob me là, neta bèn nse' me, me tshob ndù: A bwô ndù Tshùaben àm tshobe, nummb'o so ngù' num àm.

Sakaria 9:9

Ṅwate tsho me ngon Sion, tshag nz'o tù ntùm tsiaṅte me ngon Yérusalém! Tshù mfen o là z'a tshwèt nse' tèl o là a b'a mbétni mèn, mbe ngayob ngu'u, a mbétni mèn ndù a ko' num kekwène, num kekwèn z'a b'a metsit mén kekwèn nà!

Matio 14:27

là Yésu tshob bo ndende ndù: Bin fèn ntù, a b'a me, kà bin bwôg!

Matio 28:18

Là Yésu se' mbaṅ bo ntshob men ntshob li bo ndù: Nsi fà njoṅ ngù' fa me fe kamànyam mba num nsitsha'a.

Matio 28:5

Là Angél tshob men ntshob li bènnzwi ndù: Kà bin bwôg, nummbe me lèn ndù bin ke ndiag à Yésu ze bo kwimt'é num fanta'tù là.

Marko 1:15

ntshob ndù: Ngelaṅ à ku'u, nufen Nsi bèn ngebte, bin kaṅ ntù tsine, mbam nkùn mebwô.

Marko 16:15

A tshob bo ndù: Bin nèn ntùm njoṅ njù fa, ntshob nkùn mebwô njoṅ benntùn fa.

Lukas 1:13

Là Angél tshob yi ndù: Kà bwôg me Sakaria, nummbe Nsi ju' le't'o, nzwi o Elisabèt nsi bwe mén mandum wù, o tswi lén se ndù Yohané.

Lukas 1:19

Angél bùnte, ntshob yi ndù: Me b'a Gabrièl ze me num ntsin mbwe Nsi là, a bèn ntum àm ndù me se' ntshob wù, mbèn nsoṅ o yen nkùn mebwô li.

Lukas 1:30

Angél tshob yi ndù: Kà bwôg me Maria, o b'a mènfen ntùm kondèn Nsi.

Lukas 2:11

Tshô là b'a ndù: Bo bwe ngayôg benntùn sènni ntùm ngô David mfà bin; a b'a Kristô, mbe Tshùaben.

Lukas 24:47

bo nsi tshob nu nekaṅ ntù num lén se, ndù Nsi lagte nukebwô benntùn, ntùm ngô fa, nto' à Yérusalém.

Lukas 8:1

Yen nu là lo be tôge, Yésu nke nzin ntùm ngôngô boa ntaṅla' nke ntshob, mbèn nke nsoṅ nkùn mebwô nufen Nsi. Boa tse ntshob bàa gham na' mbèn mbe;

Mfa' Ghantum 13:32

Bag, bag ke nsoṅ zin à nkùn mebwô ndù nka'ni mi Nsi na' nka' ba tà be là,

Roma 10:15

Bo ghù netshob nu Nsi, ke be ndù bo kwé ntum à ndùke? Mba bo kite ndù: Nku ben tse bo num ntshob nkùn mebwô là nebwô à!

Efésô 3:8

Me ze me b'a metsit mèn netèt njoṅ ben nelàn fa là, Nsi lo fà yen kondèn nà me ndù me tshob mfu' Kristô mi mènntùn ke' ku'ni neyen nà ghakelèn Nsi,

Kolosé 1:23

a be ze bin ghô ntùm bamntù, ntaṅ nga, ke magte, ke nyi'te mbaṅ nenywinte nkùn mebwô ze bin na' nju'u, ze bo na' ntshob njoṅ njù fa tun kamànyam, nkùn mebwô ze tu wul àm Paulo tù' ngafa' i là.