Lukas 19:47 - NTSHOB NSI

⁴⁷ Yésu lo ke ntswite njoṅ lé'njù fa ntùm Ndà Nsi, ghale'te Nsi tse ndùbndùb, ghalèn ṅwa'ni Nsi mba ba mbwe benntùn ntùm ngô nke ndiag nezwi i.

Lukas 19:47 Iomraidhean Croise

Matio 21:23

Ngelaṅ z'a tsho Ndà Nsi, nke ntswite là, ghale'te Nsi tse ndùbndùb mba ghakwé mbwe ntùm ngô se' mbaṅ i, ntshob ndù: O ke ngù tshen nu li à ntùm zit ngù' à? We bèn mfà yen ngù' là wù à?

Matio 26:55

Num yen ngelaṅ nà, Yésu tshob bwoṅ benntùn ndù: Bin tum ndo' ṅwi mba nzwit nse' neghom àm yi, mba me b'a fimntshu là; njoṅ lé'njù fa, me lo ke ntswe nsi ntùm Ndà Nsi, nke ntswite, bin ke tshùb àm.

Marko 11:18

Ghale'te Nsi tse ndùbndùb mba ghalèn ṅwa'ni Nsi ju', nke ndiag mba bo nsi zwi i là; là bo bwôg i, nummbe njoṅ benntùn fa lo ke nyàmte nu z'a ke ntswite là neshu.

Marko 12:12

Bo nke ndiag neghom i, mbwôg bwoṅ benntùn, nummbe bo lo lèn ndù Yésu tshob yen tànkùt là mfà à num bo. Bo faṅ i, ndo nène.

Marko 14:1

A lo be tù' lé'njù bàa Pasa mba bàn keko' be, ghale'te Nsi tse ndùbndùb mba ghalèn ṅwa'ni Nsi nke ndiag ntùm nkùnkù nze ze bo nsi tshùa bwe tshùb Yésu, zwi i là.

Marko 14:49

Njoṅ lé'njù fa me lo ke mbe netèt bin ntùm Ndà Nsi, nke ntswite, bin ke tshùb àm. Là, a b'a ndù ju ze bo na' nkite là bumte.

Lukas 19:48

Là bo ke lèn mb'a bwô ndù bo ghù là, nummbe njoṅ benntùn fa tse bo ju' i là lo lat num i.

Lukas 20:19

Ghalèn ṅwa'ni Nsi mba ghale'te Nsi tse ndùbndùb lo ke ndiag netshùb Yésu be ngelaṅ mbile, là nke mbwôg benntùn. Bo lèn kua' ndù Yésu ke ntshob yen tànkùt là mfà à num bo.

Yohané 10:39

Ndùlala bo bèn nke ndiag mo' yoṅ i netshùb i, là Yésu tum ntùm mbu mube.

Yohané 18:20

Yésu bùnte yi ndù: Me ke ntshob nu njù à be ndaṅndaṅ; njoṅ ndù fa me lo ke ntswit'a ntùm sinagogue mba ntùm ndà Nsi dù' ze njoṅ ba Yuda fa be ntse'te là, me ke' tshob sàm nu ntùm tsham.

Yohané 7:19

A ke b'a Mosé na' mfà ntshù' bin ké? Sàm mèn netèt bin ke' be ze ntshù'. Bin ke ndiag nezwi àm numke?

Yohané 7:44

Tsemo' ben netèt bo nke nkô netshùb i, là sàm mèn ke yab mbu num i.