Lukas 19:44 - NTSHOB NSI

⁴⁴ Bo nsi bagt'o, wù bin à bon tsho ts'o ghù là, ke bèn mfaṅ mo' loṅ num mo'o, nummbe o ke' lèn ngelaṅ yen nà ze Nsi se' nelôt'o là.

Lukas 19:44 Iomraidhean Croise

Yobkwi 137:9

mènfen b'a mèn z'a ghom bon tsho ntshètte yub num gholoṅ nà.

Esaya 10:3

Bin nsi ghù à ndùke lé'njù se nenaṅ ntsha nsi se' à? Bin nsi ghù à ndùke nevù z'a fe à ngùanesà nsi kab mbu num bin nà? Bin nsi nèn bètte ywimt'a we? Bin nsi lem zin nkàb à yà?

Esaya 29:3

Me nsi kab mbu num o à bag bag, lo' ntshu ntsho lam o yi taṅtaṅ. Me nsi tswe' nsam diaṅ o yi bume.

Yérémia 11:23

Sàm mèn ke nsi tum bwe, nummbe me nsi ghù nge' tsho ben Anatot, num ngu'njù ze me nsi so ntsha tu bo là.

Nsindàvù 1:8

Nukebwô Yérusalém gha' mbu, ndùlala mba we lo tshwèt nyi'te tu num i. Njoṅ benntùn fa tse bo ke ngamt'é là yen i tù tunntôg, nto' newag i. Yérusalém tshwèt ntam keshù', nke nkaṅ se i.

Daniel 9:24

Bo yab ngabnjù ṅam sammbàa num yu nzwit mèn mba ngô o ze nelàne, num neghù ndù mfànnu tsine, nukebwô mi, num nebiagte mfànnu, ndo' nunetsin z'a tswe matmat là nse' yi. Bo yab tshen ngabnjù l'a num neghù ndù njem ze ghatshob ntshob Nsi yen ntshob là bumte mba ndù bo yo' Mèn nelàn dù' z'a làn neshu là.

Daniel 9:26

Ngabnjù ntshob bàa ṅam ntôg nsi be tshùa bo biagte ta' Ngayo' z'a ke bèn mbe là. Mbe se' mba ngô bo mbwe' là, nzwit mo' mfen z'a nsi se' là nsi sate yube. Ze nemiagte nsi b'a mba ntse nedun nà. Nsi jù' ndù nesate bo ntsho nsi be tà kum num miagt'é.

Mika 3:12

Là, a nsi tshùa num tu bin Sion tù' nà ze bo dù' là, Yérusalém tù' fam, mbat ndà Tshùaben nsi tù' fèn.

Matio 24:2

Yésu bùnte bo, ntshob ndù: Bin tshwèt njen tshen tshu là; kua' nenùne, me tshob bin ndù: Bo ke nsi faṅ loṅ nsen ni ke sate.

Marko 13:2

Yésu tshob yi ndù: O tshwèt njen men mba' ndùbndùb li! Bo ke nsi faṅ loṅ num loṅ ke sate.

Lukas 1:68

Ghamte be Tshùaben Nsi ba Israél, mb'a se' ndôte mbèn ntshu' ben tse,

Lukas 1:78

Yen nà b'a kua' kondèn Nsi, a se' nelôte be mba lagnyam nkebnjù z'a tum mfe tù là;

Lukas 19:42

A lo mbe ndù mba wù yu ntùm sen lé'njù li, lèn ju z'a be a ghù o tswe fite là! Là yen nu là lem num miag mu.

Lukas 21:6

Ju ze bin tshwèt njen nà, tsemo' lé'njù nsi se'e, tse bo ke nsi faṅ loṅ num loṅ ke sate là.

1 Pétro 2:12

Bin ghù yôg mebwô netèt ghakelèn Nsi tse bo num ntshabte zine, nke ndo' zin mba ben kebwô là, ndù mfa' min mi mebwô gha' miag mube, bo ghamte Nsi ntùm lé'njù nelôte.