Lukas 19:42 - NTSHOB NSI

⁴² A lo mbe ndù mba wù yu ntùm sen lé'njù li, lèn ju z'a be a ghù o tswe fite là! Là yen nu là lem num miag mu.

Lukas 19:42 Iomraidhean Croise

Yobkwi 32:6

Ndùlala mba zit ngaghamt'o lo le't'o num ngelaṅ ntùn. A be ze ntse ndùbndùb dun nà, mb'a ke kum tse num i.

Yobkwi 81:13

Ndùlala me lo ghù num bo ndaṅndaṅ mba ntù yub kô là. Bo lo ke nzin num ko' mub ntage.

Esaya 44:18

Bo ke' ghù nkwate, ke ke nju'u, nummbe bo biag miag mub ndù kà bo yen nze, mem ntù yub ndù kà bo ju' sàm ju.

Esaya 48:18

Wù, o na' nkù' ntoṅ num ntshù' màm, mba so fen b'a mba ta'ntse là, mba fu' so b'a mba ntu' koṅ dibantse là.

Esaya 55:6

Bin diag Tshùaben ndonni z'a be nsi là. Bin tsiaṅ lén se ndonni z'a ghebte là.

Yérémia 13:17

A be ze bin ke' ju' là, mba me nsi kua' ntùm tsham nu ko'tewut tsine; miag màm nsi fètte ntsenyà, nummbe bwoṅ nyàm Tshùaben nsi nèn ndà kuan.

Ezékia 33:11

Tshob bo ndù me Tshùaben Nsi tshob nsaṅlaṅ bwe ntshob ndù me ke' kù ntù à ndù ngatshùagntù kwù, là ndù a bate ngùninu mi, njôge. Tunndà Israél, bin bèn njam, bin bèn njam, ngua' ngùninu min mi kebwô. Numke bin nke nkwùt'a?

Lukas 19:41

Ngelaṅ z'a ke ngebte là, a yen ngô, nkua' num i, ntshob ndù:

Lukas 19:43

Tsemo' lé'njù nsi se' num o, ghakeban tsho nsi diaṅ o mba nsam nà, fél o, bèn tshètt'o bag bag.

Lukas 19:44

Bo nsi bagt'o, wù bin à bon tsho ts'o ghù là, ke bèn mfaṅ mo' loṅ num mo'o, nummbe o ke' lèn ngelaṅ yen nà ze Nsi se' nelôt'o là.

Mfa' Ghantum 10:36

Yen ni b'a ntshob mi Nsi na' ntum bon Israél ngelaṅ a ke ntshob nkùn fite njam Yésu Kristô bo là: A b'a Tshùaben njoṅ benntùn fa.

Mfa' Ghantum 13:46

Paulo mba Barnaba tshob bo kua' ndaṅndaṅ ndù: A lo bwô ndù bag bwôgmbwe ntshob ntshob Nsi à bin; là mba bin tshwèt nga ntshob Nsi, nke ndo' wut tsin mba bin ku'ni num yôg matmat là, tshù, ndonni bag tù' nèn tshag tèl à ghakelèn Nsi,

Nebwôgte 32:29

Bo lo mb'a ghazenu mba tshù mb'a be bo ju', nkwate mfà num nu z'a tum bo li:

Nebwôgte 5:29

Wé, bo lo nke ngù a be lèn yen ntù là neke mbwôg àm yi mbèn nke nze njoṅ nkàn màm fa, mb'a be bo tswe mebwô matmat, bo mba bon tshobe!

Héber 3:13

là bin ke ntagte wut tsin bin bin njoṅ ngelaṅ fa ze sènni ke' sènni là, ndù kà sàm mèn netèt bin sag ntù njam tatte nukebwô.

Héber 3:15

Bo tshob ndù: Sènni, a be ze bin ju' nz'é là, kà bin sag ntù tsin mb'a na' mbe ntùm dù' zwe' là.

Héber 3:7

A ndùlala, ndaṅndaṅ mba Ywèt Nelàn tshob là: Sènni, a be ze bin ju' nz'é là,