Lukas 19:17 - NTSHOB NSI

¹⁷ A tshob yi ndù: A bwô me ngafa' ze mebwô, mb'o be mèn nenùn num metsit nu là, o nsi ke tô ngô gham.

Lukas 19:17 Iomraidhean Croise

Neto'te 39:4

Yosèf tum ngafen num miag tàfa' i, a yab i mum fa' se, njab i ngalôte ndà i, ndem njoṅ tshu fa ts'a ghù là yi.

Tànkùt 27:18

Mèn z'a nabte tù tshom se là mb'a jù ntàm mi. Mèn béb ze tàfa' mebwô mba bo a' nyamt'é.

Matio 25:21

Tàfa' tshob yi ndù: A bwô me ngafa' mebwô, o b'a mèn nenùne, mb'o be mèn nenùn num bontsit tshu là, me nsi faṅ tshu yàm wù, o ke ndé'é. Se' ntsho ntùm tsiaṅte tàan.

Lukas 16:10

Mèn z'a be mèn nenùn num bontsit tshu là, bèn mb'a mèn nenùn mba num tse ndùb; là mèn z'a ke' be mèn netsin num bontsit tshu là, mb'a ke be mèn netsin mba num tse ndùb.

Lukas 19:16

Mbwe i tsin mbwe i, ntshob ndù: Tshùaben, minà o tsho nta njù tse gham.

Lukas 19:18

Mbatte bàa se' ntshob ndù: Tshùaben, minà o tsho nta njù tse tàn.

Lukas 22:30

Bin nsi jù bèn nu num téblé sàm, ntùm nufen sàm; bin nsi tswe num ndiaṅfen, ke tsho'te ntsha tunndà ba Israél ntshob bàa gham.

Roma 2:29

là mèn Yuda be mèn Yuda à ntùm bwe, nesi ket be nesi ket ntù ntùm Ywèle, ke b'a num miag ṅwa'ni. Ze nenyàmte ke fe à benntùn, là, a fe à Nsi.

1 Korintô 4:5

A ndùlala, kà bin tsho'te ke ngelaṅ yoṅ nku'u, bin béb ngelaṅ Tshùaben nsi se' là; a nsi ké'te tshu ts'a lem ntùm njam nà, a nsi la'te nkwatenu mi a be ntùm ntù là; Nsi nsi nyàmte mba we lo.

2 Timôtio 2:10

A ndùlala, me tshwèt mfènte njoṅ i fa num ben tse Nsi tsho' yub là, ndùlala ndù mba bo yub kwé yôg s'a be num Kristô Yésu là, bo nkuni mi a tswe yoṅ ntshù' là.

1 Pétro 1:7

Nummbe a bwô ndù laṅte bamntù zin z'a tanjoṅ ntshùa gol nebi ze bo laṅt'é mbwôg là, fà nyàmte, nkuni mba ghamte bin, ngelaṅ Yésu Kristô nsi tswite wul i là.

1 Pétro 5:4

Ngelaṅ ngabéb mbwe ze ndùb nsi se' là, bin nsi kwé tshe' nkuni z'a ke' be bagte là.

1 Samuél 2:30

Ndùlala Tshùaben, Nsi Israél tshob ndù: Me lo tshob mbe tunndà o bo ze tàan nsi fa' me matmat. Là, ndonni yen nu là mi. M'a' ghù nku'ni ben tse bo ghamt'àm nà; ngwag ben tse bo wag àm nà, Tshùaben bèn ntshob ndùlala.