Lukas 19:14 - NTSHOB NSI

¹⁴ Là ba la' lo ke mbàn i; ngelaṅ a nèn nà, bo tum bo nèn ntshob ndù: Bag ke' kô ndù yen mèn nà tô yage.

Lukas 19:14 Iomraidhean Croise

2 Samuél 23:7

mèn num be kwag yub ntshùb ta' tùn bu i ke mfàn kô lo, bo bèn nton yub mbwôg à kua' dù' i.

Esaya 49:7

Tshùaben, ngatshu', Mèn Nelàn Israél, tshob mèn ze bo tshwèt ngwag i, nke me't'é netèt benntùn, ndù a mb'a nkuan ben neta là ndù: Fenfen nsi yen i lo tsin tù, kamkam yen i ngwù nsi kabkab, mbe ndùlal'a num Tshùaben z'a be mèn nenùne, mbe ndùlal'a num Tshùaben z'a na' ntsho' o là.

Sakaria 11:8

Me lo biagte ghabéb mbwe tat num ta' maṅwù; ntù àm lo ke fènte num bo, yub tu wut nke ngwag àm yub.

Lukas 14:32

A nenyà ke be ndùlala, mb'a nsi tum nganze yi bo fenkaṅ, ngelaṅ ze ngakeban ke' tà ngùanesà là;

Lukas 19:13

A ghù bo tsiaṅ tshe' tse gham, a fà minà bo gham, ntshob bo ndù: Bin nèn nta, njù bin tà nkum ngelaṅ me nsi bèn njam nà.

Lukas 19:15

Ngelaṅ z'a bèn njam ndù bo yo' i fen nà, a ghù bo tsiaṅ tshe' tse ts'a fà nkàb bo là neyen njoṅ bin ze mba we lo ta njù là.

Lukas 19:27

mbe se' mba ghakeban tshàm tse bo na' mbe ke kô ndù me be mfen nà, bin lo' yub nse' yi nsen ni mbwe àm, nkebte ntô mube.

Yohané 1:11

A lo se' la' i, tse ben ke lèn i.

Yohané 15:18

A be ze njù bàn zin nà, bin lèn ndù a lo bwôgmbwe mbàn àm bin.

1 Samuél 8:7

Tshùaben tshob ndù: Bam mba ke lo num ju ze ngô a' bètt'o yi là. Bo ke' ghua' a wù, a b'a me ze bo ke tshwèt mbèn nkô ndù me tô yub là.